Lokun ungmennahúss blaut tuska í andlit hafnfirskra ungmenna Rafn Ágúst Ragnarsson skrifar 3. júní 2024 23:41 Óskar Steinn segir allt það starf sem hann hefur unnið í þágu ungmenna í bænum verða kastað í ruslið í haust. Vísir/Samsett Á miðvikudaginn síðastliðinn var samþykkt á fundi fræðsluráðs Hafnarfjarðarbæjar að leggja niður starfsemi ungmennahússins Hamarsins og segja öllum starfsmönnum þess upp. Óskar Steinn Ómarsson starfsmaður Hamarsins segir vinnubrögð bæjaryfirvalda í málinu bæði óvönduð og ólýðræðisleg. Tillaga meirihluta bæjarstjórnar var lögð fram í formi minnisblaðs fyrir fjölskylduráð og fræðsluráð Hafnarfjarðarbæjar. Þar var lagt til að aðstaða og starfsemi bæjarins á Selhellu og í Nýsköpunar- og tæknisetrinu, í húsakynnum gamla Lækjarskóla, verði þróuð með ungmennum og á þeirra forsendum. Samhliða því verði þá starfsemi Hamarsins lögð niður um miðjan ágúst. Ákvörðun tekin án nokkurs samráðs Óskar segir tillögu þessa hafa verið undirbúna án nokkurs samráðs við starfsmenn bæjarins, ungmenni sem nýta sér þjónustuna eða ungmennaráð Hafnarfjarðar. „Það er engin hugsun, engin rök í þessu minnisblaði,“ segir Óskar í samtali við fréttastofu. Óskar hefur starfað með ungmennaráði Hafnarfjarðar síðan um haustið 2019 og fór í framhaldinu að sinna öðrum verkefnum í Hamrinum. Þar hefur hann meðal annars komið að því að setja af stað starf fyrir hinsegin ungmenni í Hafnarfirði. Aðalverkefni hans segir hann þó að sé að aðstoða ungmennaráð Hafnarfjarðar í störfum sínum og aðstoða þau við að hafa áhrif á nærsamfélag sitt og koma hugmyndum sínum á framfæri. Óskar hefur einnig tjáð sig um málið á síðu sinni á Facebook. „Það sem mér þykir einna verst er að ákvörðunin var tekin án nokkurs samráðs við ungmennaráð Hafnarfjarðar, sem hefur á síðustu misserum kallað eftir samráði við bæjaryfirvöld og komið með vel ígrundaðar tillögur um framtíðarfyrirkomulag ungmennahúsa í Hafnarfirði. Það er blaut tuska í andlit ungmennanna að þau hafi talað fyrir daufum eyrum og meirihluti bæjarstjórnar haft önnur áform allan tímann,“ segir Óskar. Óskar segir að starfsfólki Hamarsins hafi verið sagt að þeim standi til boða að sækja um störf í nýjum úrræðum bæjarins sem taka við í haust en að ekkert sé búið að ákveða. Það sé erfitt að geta ekki sagt ungmennunum hvað sé fram undan í haust. Ungmennaráð Hafnarfjarðar átti einnig von á gestum frá Írlandi í haust á vegum Erasmus+ verkefnis en ekkert verður af því að svo stöddu.Óskar Steinn Ómarsson „Það eina sem við vitum er að við erum rekin og öllu því frábæra ungmennastarfi sem við höfum byggt upp á undanförnum árum verður hent í ruslið eftir sumarfrí,“ segir Óskar. Félög ungmenna mótmæla ákvörðuninni Fréttastofa hefur undir höndum opið bréf stílað á bæjaryfirvöld frá ungmennaráði Hafnarfjarðar, Nemendafélagi Flensborgarskólans og notendaráði Hamarsins vegna tilætlaðrar lokunar. Þar mótmæla þau ákvörðun bæjarins og gagnrýna samráðsleysi yfirvalda og það sem þau kalla ólýðræðisleg vinnubrögð við undirbúning málsins. Þau segja ekkert samráð eða samtal hafa átt sér stað við hafnfirsk ungmenni í aðdraganda ákvörðunarinnar. Ungmennaráð hafi ítrekað óskað eftir frekara samráði við bæjarstjórn vegna hagsmuna ungs fólks og lagt fram tillögur um framtíðarskipulag ungmennahúsa Hafnarfjarðar. Í bréfinu taka félögin fyrir tillögu sem lögð var fram á fundi fræðsluráðs þann 31. maí í fyrra. Í henni var lagt til að skoða hvort núverandi starfsemi ungmennahússins Hamarsins henti ungmennum eins og lagt hafi verið upp með. Sviðsstjóra mennta- og lýðheilsusviðs var falið að skila minnisblaði um nýtingu Hamarsins og að þá myndi fræðsluráð taka ákvörðun um næstu skref að því fyrirliggjandi. Kom það í kjölfar þess að ungmennaráð Hafnarfjarðar lagði til að ungmennastarf bæjarins færi fram í stærra og hentugra húsnæði og gæti því sameinast undir einu þaki. Engin greining farið fram Í bréfinu segja undirritaðir að téð minnisblað sem hafi átt að grundvalla frekari ákvörðunartöku liggi ekki fyrir. Það minnisblað sem lagt hafi verið fyrir á fundum fjölskylduráðs og fræðsluráðs snerti ekkert á nýtingu Hamarsins. Aðeins ein setning feli í sér nokkra skírskotun til Hamarsins og var hún á þá leið að honum verði lokað. „Þrátt fyrir að ekkert af því sem sviðsstjóra var falið að gera á fundi fræðsluráðs þann 31. maí 2023 hafi verið gert þá ákvað meirihluti fræðsluráðs og fjölskylduráðs þann 29. maí síðastliðinn að samþykkja óvænta tillögu um að leggja ungmennahúsið Hamarinn niður. Af minnisblaði sem fylgdi tillögunni er ekki að skilja að nokkur greiningarvinna liggi að baki ákvörðuninni og þar eru engin efnisleg rök færð fyrir henni,“ segir í bréfinu. Tvær tillögur eru á dagskrá bæjarstjórnarfundar á miðvikudaginn næstkomandi frá fulltrúum minnihlutans þar sem annars vegar er lagt til að draga ákvörðun bæjarins um að loka Hamrinum til baka og hins vegar að afturkalla allar uppsagnir starfsfólks. Í fyrstu tillögunni er meirihluti Framsóknar- og Sjálfstæðisflokksins gagnrýndur fyrir að hafa samþykkt að færa fundartíma fjölskylduráðs á sama tíma og fundartíma fræðsluráðs. Ástæður tilfærslunnar hafi ekki verið tíundaðar að öðru leyti en að fund fjölskylduráðs þyrfti að færa um einn dag. Fulltrúar minnihlutans í báðum ráðum hafi einnig ekki fengið umrædda tillögu í hendurnar fyrir fundi ráðanna og ekki hafi verið neitt í fundarboði sem gaf til kynna að til stæði að afgreiða veigamiklar tillögur um grundvallarbreytingar á félagsstarfi ungmenna á aldrinum 16-24 ára. „Forkastanleg vinnubrögð“ Fulltrúar minnihlutans segja vinnubrögð meirihlutans forkastanleg og að það sé stórhættuleg ákvörðun að leggja niður starfsemi Hamarsins án þess að nokkur greining eða mat hafi farið fram á því hvaða afleiðingar það kunni að hafa fyrir þá hópa sem nýta sér þjónustu hans. „Þar hefur á undanförnum árum verið unnið öflugt og faglegt starf sem hefur verið fordæmisgefandi fyrir önnur ungmennahús á landinu. Unnið hefur verið að verkefnum sem miða að því að styðja við jaðarsetta hópa í samfélaginu til þess að hjálpa þeim að vera virkir þátttakendur í samfélaginu,“ segir í dagskránni. „Með ákvörðunum sínum í Fræðsluráði og Fjölskylduráði hefur meirihluti Framsóknar- og Sjálfstæðisflokks stefnt þessu mikilvæga starfi í voða og hugmyndirnar um framhaldið eru óljósar og lítið þar sem hönd er á festandi,“ segir þar jafnframt. „Bæjarstjórn Hafnarfjarðar getur einfaldlega ekki setið hjá og leyft þessum óvönduðu vinnubrögðum að verða hin nýju viðmið í stjórnsýslu Hafnarfjarðar. Því verður bæjarstjórn að sýna pólitískan dug og kjark og afturkalla þessar illa undirbúnu ákvarðanir meirihluta Framsóknar- og Sjálfstæðisflokks í Fræðsluráði og Fjölskylduráði frá 29. maí sl. Einungis þannig verður hægt að vinda ofan af þeim skaða sem ákvarðanir meirihlutans hafa þegar valdið.“ Hafnarfjörður Skóla- og menntamál Grunnskólar Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentískri fasteignaauglýsingu Erlent Minntust þess ekki að hafa brennt tösku fyrir Stefán Blackburn Innlent Kynna drög að nýrri stefnu í heilbrigðismálum Innlent 50 prósenta tollar á indverskar vörur taka gildi í Bandaríkjunum Erlent Kallar bandarískan erindreka á teppið vegna Grænlandsmála Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira
Tillaga meirihluta bæjarstjórnar var lögð fram í formi minnisblaðs fyrir fjölskylduráð og fræðsluráð Hafnarfjarðarbæjar. Þar var lagt til að aðstaða og starfsemi bæjarins á Selhellu og í Nýsköpunar- og tæknisetrinu, í húsakynnum gamla Lækjarskóla, verði þróuð með ungmennum og á þeirra forsendum. Samhliða því verði þá starfsemi Hamarsins lögð niður um miðjan ágúst. Ákvörðun tekin án nokkurs samráðs Óskar segir tillögu þessa hafa verið undirbúna án nokkurs samráðs við starfsmenn bæjarins, ungmenni sem nýta sér þjónustuna eða ungmennaráð Hafnarfjarðar. „Það er engin hugsun, engin rök í þessu minnisblaði,“ segir Óskar í samtali við fréttastofu. Óskar hefur starfað með ungmennaráði Hafnarfjarðar síðan um haustið 2019 og fór í framhaldinu að sinna öðrum verkefnum í Hamrinum. Þar hefur hann meðal annars komið að því að setja af stað starf fyrir hinsegin ungmenni í Hafnarfirði. Aðalverkefni hans segir hann þó að sé að aðstoða ungmennaráð Hafnarfjarðar í störfum sínum og aðstoða þau við að hafa áhrif á nærsamfélag sitt og koma hugmyndum sínum á framfæri. Óskar hefur einnig tjáð sig um málið á síðu sinni á Facebook. „Það sem mér þykir einna verst er að ákvörðunin var tekin án nokkurs samráðs við ungmennaráð Hafnarfjarðar, sem hefur á síðustu misserum kallað eftir samráði við bæjaryfirvöld og komið með vel ígrundaðar tillögur um framtíðarfyrirkomulag ungmennahúsa í Hafnarfirði. Það er blaut tuska í andlit ungmennanna að þau hafi talað fyrir daufum eyrum og meirihluti bæjarstjórnar haft önnur áform allan tímann,“ segir Óskar. Óskar segir að starfsfólki Hamarsins hafi verið sagt að þeim standi til boða að sækja um störf í nýjum úrræðum bæjarins sem taka við í haust en að ekkert sé búið að ákveða. Það sé erfitt að geta ekki sagt ungmennunum hvað sé fram undan í haust. Ungmennaráð Hafnarfjarðar átti einnig von á gestum frá Írlandi í haust á vegum Erasmus+ verkefnis en ekkert verður af því að svo stöddu.Óskar Steinn Ómarsson „Það eina sem við vitum er að við erum rekin og öllu því frábæra ungmennastarfi sem við höfum byggt upp á undanförnum árum verður hent í ruslið eftir sumarfrí,“ segir Óskar. Félög ungmenna mótmæla ákvörðuninni Fréttastofa hefur undir höndum opið bréf stílað á bæjaryfirvöld frá ungmennaráði Hafnarfjarðar, Nemendafélagi Flensborgarskólans og notendaráði Hamarsins vegna tilætlaðrar lokunar. Þar mótmæla þau ákvörðun bæjarins og gagnrýna samráðsleysi yfirvalda og það sem þau kalla ólýðræðisleg vinnubrögð við undirbúning málsins. Þau segja ekkert samráð eða samtal hafa átt sér stað við hafnfirsk ungmenni í aðdraganda ákvörðunarinnar. Ungmennaráð hafi ítrekað óskað eftir frekara samráði við bæjarstjórn vegna hagsmuna ungs fólks og lagt fram tillögur um framtíðarskipulag ungmennahúsa Hafnarfjarðar. Í bréfinu taka félögin fyrir tillögu sem lögð var fram á fundi fræðsluráðs þann 31. maí í fyrra. Í henni var lagt til að skoða hvort núverandi starfsemi ungmennahússins Hamarsins henti ungmennum eins og lagt hafi verið upp með. Sviðsstjóra mennta- og lýðheilsusviðs var falið að skila minnisblaði um nýtingu Hamarsins og að þá myndi fræðsluráð taka ákvörðun um næstu skref að því fyrirliggjandi. Kom það í kjölfar þess að ungmennaráð Hafnarfjarðar lagði til að ungmennastarf bæjarins færi fram í stærra og hentugra húsnæði og gæti því sameinast undir einu þaki. Engin greining farið fram Í bréfinu segja undirritaðir að téð minnisblað sem hafi átt að grundvalla frekari ákvörðunartöku liggi ekki fyrir. Það minnisblað sem lagt hafi verið fyrir á fundum fjölskylduráðs og fræðsluráðs snerti ekkert á nýtingu Hamarsins. Aðeins ein setning feli í sér nokkra skírskotun til Hamarsins og var hún á þá leið að honum verði lokað. „Þrátt fyrir að ekkert af því sem sviðsstjóra var falið að gera á fundi fræðsluráðs þann 31. maí 2023 hafi verið gert þá ákvað meirihluti fræðsluráðs og fjölskylduráðs þann 29. maí síðastliðinn að samþykkja óvænta tillögu um að leggja ungmennahúsið Hamarinn niður. Af minnisblaði sem fylgdi tillögunni er ekki að skilja að nokkur greiningarvinna liggi að baki ákvörðuninni og þar eru engin efnisleg rök færð fyrir henni,“ segir í bréfinu. Tvær tillögur eru á dagskrá bæjarstjórnarfundar á miðvikudaginn næstkomandi frá fulltrúum minnihlutans þar sem annars vegar er lagt til að draga ákvörðun bæjarins um að loka Hamrinum til baka og hins vegar að afturkalla allar uppsagnir starfsfólks. Í fyrstu tillögunni er meirihluti Framsóknar- og Sjálfstæðisflokksins gagnrýndur fyrir að hafa samþykkt að færa fundartíma fjölskylduráðs á sama tíma og fundartíma fræðsluráðs. Ástæður tilfærslunnar hafi ekki verið tíundaðar að öðru leyti en að fund fjölskylduráðs þyrfti að færa um einn dag. Fulltrúar minnihlutans í báðum ráðum hafi einnig ekki fengið umrædda tillögu í hendurnar fyrir fundi ráðanna og ekki hafi verið neitt í fundarboði sem gaf til kynna að til stæði að afgreiða veigamiklar tillögur um grundvallarbreytingar á félagsstarfi ungmenna á aldrinum 16-24 ára. „Forkastanleg vinnubrögð“ Fulltrúar minnihlutans segja vinnubrögð meirihlutans forkastanleg og að það sé stórhættuleg ákvörðun að leggja niður starfsemi Hamarsins án þess að nokkur greining eða mat hafi farið fram á því hvaða afleiðingar það kunni að hafa fyrir þá hópa sem nýta sér þjónustu hans. „Þar hefur á undanförnum árum verið unnið öflugt og faglegt starf sem hefur verið fordæmisgefandi fyrir önnur ungmennahús á landinu. Unnið hefur verið að verkefnum sem miða að því að styðja við jaðarsetta hópa í samfélaginu til þess að hjálpa þeim að vera virkir þátttakendur í samfélaginu,“ segir í dagskránni. „Með ákvörðunum sínum í Fræðsluráði og Fjölskylduráði hefur meirihluti Framsóknar- og Sjálfstæðisflokks stefnt þessu mikilvæga starfi í voða og hugmyndirnar um framhaldið eru óljósar og lítið þar sem hönd er á festandi,“ segir þar jafnframt. „Bæjarstjórn Hafnarfjarðar getur einfaldlega ekki setið hjá og leyft þessum óvönduðu vinnubrögðum að verða hin nýju viðmið í stjórnsýslu Hafnarfjarðar. Því verður bæjarstjórn að sýna pólitískan dug og kjark og afturkalla þessar illa undirbúnu ákvarðanir meirihluta Framsóknar- og Sjálfstæðisflokks í Fræðsluráði og Fjölskylduráði frá 29. maí sl. Einungis þannig verður hægt að vinda ofan af þeim skaða sem ákvarðanir meirihlutans hafa þegar valdið.“
Hafnarfjörður Skóla- og menntamál Grunnskólar Mest lesið Ekki séð neitt þessu líkt á sínum fjörutíu ára ferli Innlent Er við góða líkamlega heilsu en heilinn að „bregðast honum“ Erlent Málafjöldi tvöfaldast milli ára: „Hálfur milljarður farinn nú þegar“ Innlent Málverk stolið af nasistum fannst í argentískri fasteignaauglýsingu Erlent Minntust þess ekki að hafa brennt tösku fyrir Stefán Blackburn Innlent Kynna drög að nýrri stefnu í heilbrigðismálum Innlent 50 prósenta tollar á indverskar vörur taka gildi í Bandaríkjunum Erlent Kallar bandarískan erindreka á teppið vegna Grænlandsmála Erlent Sakar eftirlitsaðila um að framfylgja ekki leigubílalögum Innlent Gríðarstór sandstormur olli usla í Arizona Erlent Fleiri fréttir Kynna drög að nýrri stefnu í heilbrigðismálum Ekki séð neitt þessu líkt á sínum fjörutíu ára ferli Innbrot og slagsmál í miðborginni Segir dóminn áfellisdóm yfir seinagangi lögreglu í kynferðisbrotamálum Málafjöldi tvöfaldast milli ára: „Hálfur milljarður farinn nú þegar“ Heilbrigðisráðuneytið færir sig um set Enginn vilji taka ábyrgð á því hvenær eigi að loka Reynisfjöru Minntust þess ekki að hafa brennt tösku fyrir Stefán Blackburn Sakar eftirlitsaðila um að framfylgja ekki leigubílalögum Játaði Hamraborgarmálið, grunaður í hraðbankamálinu og vitni í Gufunesmálinu Hraðbankinn fannst á Hólmsheiði „Starfsemi sem þarf auðvitað bara að stoppa" Ekkjan, fjársvikahrina og ferðamenn sem hunsa lokanir Lenti næstum framan á vörubíl við framúrakstur Nú má heita Snjókaldur en ekki Latína „Það er bara allt á floti hérna alls staðar“ Fjárhús varð öldugangi að bráð Sveinn nýr formaður stjórnar Landspítalans Heimsótti foreldra Matthíasar: Sagðist sjálfur hafa átt hugmynd að lögmannaskiptum Milljónirnar 22 voru enn í hraðbankanum þegar hann fannst Fresta byggingu annarrar heilsugæslu um fimm ár hið minnsta Afsökunarbeiðni Sigríðar Bjarkar skipti sköpum Hunsa rauða ljósið í Reynisfjöru: „Er að setja sig í mjög meðvitaða hættu“ Sagði til myndbönd af Matthíasi að berja menn í tálbeituaðgerðum „Stórsigur fyrir réttlæti“ Þýskur herforingi í heimsókn á Íslandi Mannekla hjá lögreglu engin afsökun fyrir fyrningu mála Skoða hvort hægt sé að beita Ísrael refsiaðgerðum Gufunesmálið, Mannréttindadómstóll Evrópu og Sjálfstæðisflokkur stærstur í borginni Móðir um sakborning: „Matthías er blíður og góður“ Sjá meira