Kryddum tilveruna í skrautbúning Ásdís Rán Gunnarsdóttir skrifar 27. maí 2024 10:31 Mér er minnisstæð mynd af Guðrúnu Katrínu þar sem hún situr í þjóðbúningnum eftir að Ólafur Ragnar var kosinn forseti, hún var einstök kona og við deilum því saman að vera ljón fæddar þann 12. og 14. ágúst. Þjóðbúningurinn hafði sterk áhrif á mig unga og nú í tilefni framboðsins langaði mig að prófa að klæðast honum. Það reyndist mér hins vegar erfitt að finna skautbúning og allt sem honum fylgir en mér tókst að lokum að finna hann hjá Þjóðdansafélaginu í Mjódd. Mér til mikillar gleði var ljóst að íturvaxin kona hafði átt hann því að hann smellpassaði á mig og hefði ekki mátt muna sentimetri á sniði svo að upp kæmi vandamál. Konur Þjóðdansafélagsins sögðu mér að ég væri nú bara að leita að því allra fínasta, þeir væru fáir til hér á landi skautbúningarnir og flestir metnir á margar milljónir! Þegar ég fékk hann svo lánaðan hjá þessum góðu konum þá fylgdi honum aðstoðarkona sem fylgdist með búningnum hverja einustu mínútu. Það tók góðan klukkutíma að klæða mig í hann, setja á allt skraut, höfuðfat og annað sem fylgir og svo þurfti að klæða mig úr honum á viðeigandi hátt að tökum loknum. Tilgangur minn með því að klæðast þessum einstaklega fallega þjóðbúningi kvenna var að tjá mig á táknrænan hátt um stefnumál mín í kynningarmyndbandi um framboð mitt. Í myndbandinu legg ég áherslu á að sýna glæsilegan menningararf og einstaka náttúru landsins um leið og ég geri grein fyrir því hvernig ég lít á embætti forseta Íslands. Afraksturinn var fallegt myndband blandað af okkar fallegu náttúru og menningu í bland við smá forseta brag. Í krefjandi en bæði skemmtilegri og lærdómsríkri framboðsbaráttu minni þá hef ég að mestu leyti staðið ein að henni ásamt Hrefnu systur minni sem staðið hefur þétt við hlið mér allan tímann. Fjölskyldan hefur stutt mig og hvatt áfram með trú á að vegferð mín væri heillavænleg hvernig svo sem niðurstöður kosninga yrðu. Segja má að við færum fram með eldmóði einum saman og að mestu án fjármagns, án auglýsinga og án markaðs-og kosninga teymis. Við nutum þó þess að ýmsir aðilar lögðu okkur lið varðandi þau verkefni sem við tókum okkur fyrir hendur og ég er þeim innilega þakklát. Nú er að koma að því að fagna uppskeru af kosningabaráttu síðustu mánaða og við systur erum mjög stoltar af því að hafa komið með ferskan og jákvæðan blæ inn í framboðsferlið fyrir forsetakosningarnar að þessu sinni. Hversu mörg atkvæði koma í hús á laugardaginn breytir engu þar um. Við höfum skapað fordæmi sem felur í sér hvatningu til fólks um að losa sig undan fjötrum staðnaðra viðhorfa og láta reyna á hið ómögulega sem við trúum að oftar en ekki sé upphaf á farsælli vegferð. Barátta okkar er og verður sigur í kosningunum því okkur tókst það ógerlega að koma úr óvæntri átt askvaðandi inn á svið þjóðmála og mála bæinn rauðan. Tefla fram kynþokka og frösum sem lifa, krydda tilveruna með glaðværð og léttleika og síðast en ekki síst vekja fólk til umhugsunar og þar með að hafa okkar áhrif á samtímann. Þetta er það sem eftir stendur um ókomin ár. Saman erum við hjarta og sál þessarar þjóðar og með samstöðu, jákvæðni og opnum hug vöxum við í átt að breyttum og betri tímum.Ég segi það enn og aftur, við þurfum ekki fleiri stjórnmálamenn eða fræðimenn í stöðu forseta Íslands, við þurfum leiðtoga og fyrirmynd sem hefur áhrif á framtíðina og komandi kynslóðir, sem þekkir baráttu hversdagsins, hvetur til góðra verka og eflir samstöðu og jákvæðan baráttuvilja meðal þjóðarinnar. Nú er baráttunni að ljúka og þann 1. júní fögnum við því að standa uppi sem okkar eigin sigurvegarar og áhrifavaldar fyrir komandi kynslóðir og vonandi ryðjum við brautina fyrir fleiri eldhugum sem vilja breyta heiminum til hins betra. Ég þakka kærlega fyrir þann mikla stuðning sem ég hef verið svo lánsöm að fá á framboðsferli mínum og er þakklát fyrir að fá tækifæri til að kynnast þjóðinni minni betur og leyfa þjóðinni að kynnast mér. Að lokum vil ég færa öllum þeim sem stigu inn og buðust til að aðstoða mig með einum eða öðrum hætti mínar innilegustu þakkir.Þið sýnduð áræði og hjálpsemi sem hvorutveggja er til fyrirmyndar. Kosningavakan okkar og opið hús verður á DASS Vegamótastíg frá kl 20:00 á laugardag og við hlökkum til að taka á móti ykkur og eiga með ykkur skemmtilega stund. Höfundur er forsetaframbjóðandi. Viltu birta grein á Vísi? Sendu okkur póst. Senda grein Forsetakosningar 2024 Skoðun: Forsetakosningar 2024 Mest lesið Ef Trump tapar kosningunum… Jun Þór Morikawa Skoðun Þegar móðir mín kvaddi okkur fyrir einu ári síðan í dag Gísli Hvanndal Jakobsson Skoðun Er krónan að valda átökum á milli kynslóða? Guðmundur Ragnarsson Skoðun Ómarktæk skoðanakönnun Marinó G. Njálsson Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun Framlengjum séreignarleiðina til að vernda heimilin Vilhjálmur Hilmarsson Skoðun Bóf-ar(ion)? Gunnar Hólmsteinn Ársælsson Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir Skoðun Áherslur ráðherra skipta máli Heimir Örn Árnason Skoðun Þegar ómennskan vitnar í lög Bubbi Morthens Skoðun Skoðun Skoðun Er krónan að valda átökum á milli kynslóða? Guðmundur Ragnarsson skrifar Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir skrifar Skoðun Bóf-ar(ion)? Gunnar Hólmsteinn Ársælsson skrifar Skoðun Þetta er ekki allt að koma með fjárlagafrumvarpinu Eyjólfur Ármannsson skrifar Skoðun Ómarktæk skoðanakönnun Marinó G. Njálsson skrifar Skoðun Ef Trump tapar kosningunum… Jun Þór Morikawa skrifar Skoðun Viðskiptaþvinganir gegn Ísrael Steinunn Þóra Árnadóttir skrifar Skoðun Áherslur ráðherra skipta máli Heimir Örn Árnason skrifar Skoðun Snúum hjólunum áfram Andrés Ingi Jónsson skrifar Skoðun Búðu til pláss – fyrir öll börn Birna Þórarinsdóttir skrifar Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt skrifar Skoðun Framlengjum séreignarleiðina til að vernda heimilin Vilhjálmur Hilmarsson skrifar Skoðun Líf án ótta og gjöfin í andlegri vakningu Birna Guðný Björnsdóttir skrifar Skoðun Kenningar úr gildi svo að kirkjan þarf að komast á annað stig Matthildur Björnsdóttir skrifar Skoðun Dansaðu vindur Berglind Ósk Guðmundsdóttir skrifar Skoðun Þessi stórskrítnu norm í óbarnvænu samfélagi Sólveig María Svavarsdóttir skrifar Skoðun Um vaxtahækkanir og verð á hveiti Haukur Skúlason skrifar Skoðun Öryggi byggir á mönnun og launum Jórunn Frímannsdóttir skrifar Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar Skoðun Mammon hefur náð lífeyrissjóðum á sitt band Halla Signý Kristjánsdóttir skrifar Skoðun Forgangsorkan verður ekki skert Tinna Traustadóttir skrifar Skoðun Umhyggja - hvað er það? Árný Ingvarsdóttir skrifar Skoðun „Við höfðum öll rangt fyrir okkur“ Hjörtur J. Guðmundsson skrifar Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar Skoðun Þegar móðir mín kvaddi okkur fyrir einu ári síðan í dag Gísli Hvanndal Jakobsson skrifar Skoðun Íþróttahreyfingin og gerviverktaka Ástþór Jón Ragnheiðarson skrifar Skoðun Tölum um tilfinningar Amanda Ásdís Jóhannsdóttir skrifar Skoðun Óttinn við íslensku rafkrónuna Birna Guðný Björnsdóttir skrifar Skoðun Áskorun til Sjúkratrygginga Íslands – hugsum í lausnum Björn Bjarki Þorsteinsson skrifar Skoðun Afnemum launamisrétti Guðmundur Ingi Guðbrandsson skrifar Sjá meira
Mér er minnisstæð mynd af Guðrúnu Katrínu þar sem hún situr í þjóðbúningnum eftir að Ólafur Ragnar var kosinn forseti, hún var einstök kona og við deilum því saman að vera ljón fæddar þann 12. og 14. ágúst. Þjóðbúningurinn hafði sterk áhrif á mig unga og nú í tilefni framboðsins langaði mig að prófa að klæðast honum. Það reyndist mér hins vegar erfitt að finna skautbúning og allt sem honum fylgir en mér tókst að lokum að finna hann hjá Þjóðdansafélaginu í Mjódd. Mér til mikillar gleði var ljóst að íturvaxin kona hafði átt hann því að hann smellpassaði á mig og hefði ekki mátt muna sentimetri á sniði svo að upp kæmi vandamál. Konur Þjóðdansafélagsins sögðu mér að ég væri nú bara að leita að því allra fínasta, þeir væru fáir til hér á landi skautbúningarnir og flestir metnir á margar milljónir! Þegar ég fékk hann svo lánaðan hjá þessum góðu konum þá fylgdi honum aðstoðarkona sem fylgdist með búningnum hverja einustu mínútu. Það tók góðan klukkutíma að klæða mig í hann, setja á allt skraut, höfuðfat og annað sem fylgir og svo þurfti að klæða mig úr honum á viðeigandi hátt að tökum loknum. Tilgangur minn með því að klæðast þessum einstaklega fallega þjóðbúningi kvenna var að tjá mig á táknrænan hátt um stefnumál mín í kynningarmyndbandi um framboð mitt. Í myndbandinu legg ég áherslu á að sýna glæsilegan menningararf og einstaka náttúru landsins um leið og ég geri grein fyrir því hvernig ég lít á embætti forseta Íslands. Afraksturinn var fallegt myndband blandað af okkar fallegu náttúru og menningu í bland við smá forseta brag. Í krefjandi en bæði skemmtilegri og lærdómsríkri framboðsbaráttu minni þá hef ég að mestu leyti staðið ein að henni ásamt Hrefnu systur minni sem staðið hefur þétt við hlið mér allan tímann. Fjölskyldan hefur stutt mig og hvatt áfram með trú á að vegferð mín væri heillavænleg hvernig svo sem niðurstöður kosninga yrðu. Segja má að við færum fram með eldmóði einum saman og að mestu án fjármagns, án auglýsinga og án markaðs-og kosninga teymis. Við nutum þó þess að ýmsir aðilar lögðu okkur lið varðandi þau verkefni sem við tókum okkur fyrir hendur og ég er þeim innilega þakklát. Nú er að koma að því að fagna uppskeru af kosningabaráttu síðustu mánaða og við systur erum mjög stoltar af því að hafa komið með ferskan og jákvæðan blæ inn í framboðsferlið fyrir forsetakosningarnar að þessu sinni. Hversu mörg atkvæði koma í hús á laugardaginn breytir engu þar um. Við höfum skapað fordæmi sem felur í sér hvatningu til fólks um að losa sig undan fjötrum staðnaðra viðhorfa og láta reyna á hið ómögulega sem við trúum að oftar en ekki sé upphaf á farsælli vegferð. Barátta okkar er og verður sigur í kosningunum því okkur tókst það ógerlega að koma úr óvæntri átt askvaðandi inn á svið þjóðmála og mála bæinn rauðan. Tefla fram kynþokka og frösum sem lifa, krydda tilveruna með glaðværð og léttleika og síðast en ekki síst vekja fólk til umhugsunar og þar með að hafa okkar áhrif á samtímann. Þetta er það sem eftir stendur um ókomin ár. Saman erum við hjarta og sál þessarar þjóðar og með samstöðu, jákvæðni og opnum hug vöxum við í átt að breyttum og betri tímum.Ég segi það enn og aftur, við þurfum ekki fleiri stjórnmálamenn eða fræðimenn í stöðu forseta Íslands, við þurfum leiðtoga og fyrirmynd sem hefur áhrif á framtíðina og komandi kynslóðir, sem þekkir baráttu hversdagsins, hvetur til góðra verka og eflir samstöðu og jákvæðan baráttuvilja meðal þjóðarinnar. Nú er baráttunni að ljúka og þann 1. júní fögnum við því að standa uppi sem okkar eigin sigurvegarar og áhrifavaldar fyrir komandi kynslóðir og vonandi ryðjum við brautina fyrir fleiri eldhugum sem vilja breyta heiminum til hins betra. Ég þakka kærlega fyrir þann mikla stuðning sem ég hef verið svo lánsöm að fá á framboðsferli mínum og er þakklát fyrir að fá tækifæri til að kynnast þjóðinni minni betur og leyfa þjóðinni að kynnast mér. Að lokum vil ég færa öllum þeim sem stigu inn og buðust til að aðstoða mig með einum eða öðrum hætti mínar innilegustu þakkir.Þið sýnduð áræði og hjálpsemi sem hvorutveggja er til fyrirmyndar. Kosningavakan okkar og opið hús verður á DASS Vegamótastíg frá kl 20:00 á laugardag og við hlökkum til að taka á móti ykkur og eiga með ykkur skemmtilega stund. Höfundur er forsetaframbjóðandi.
Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun
Skoðun Varhugaverð þróun í leikskólamálum Finnbjörn A. Hermannsson,Guðrún Margrét Guðmundsdóttir skrifar
Skoðun Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt skrifar
Skoðun Álit Einhverfupaunksins um ABA meðferð og kennslu á Íslandi Sigrún Ósk Stefánsdóttir skrifar
Skoðun Akureyrarbær greiðir götu kvennaathvarfs á Akureyri eins og kostur er Ásthildur Sturludóttir skrifar
Davíð Oddsson stendur ekki við eigin ritsjórnarstefnu - Þolir og birtir ekki gagnrýni á eigin skrif Ole Anton Bieltvedt Skoðun