Reiður Ronaldo beitti oln­boga og lyfti hnefa

Ronaldo fékk beint rautt spjald, fjórum mínútum fyrir leikslok, þegar hann gaf mótherja sínum olnbogaskot, pirraður yfir því að fá ekki taka innkast í friði.

Al Nassr var 2-0 undir þegar þetta gerðist og féll úr leik þó að Sadio Mané næði að minnka muninn seint í uppbótartíma.

Ronaldo var enn reiður eftir að hafa fengið rauða spjaldið, kreppti hnefa og virtist í augnablik ætla að ógna dómara leiksins.

Hinum 39 ára gamla Ronaldo hefur ekki gengið eins vel að vinna titla með Al Nassr eins og fyrr á ferlinum. Liðið er að öllum líkindum búið að missa af sádiarabíska meistaratitlinum en það er tólf stigum á eftir Al Hilal, þegar sjö umferðir eru eftir. Þá féll það úr leik í 8-liða úrslitum Meistaradeildar Asíu en er komið í undanúrslit sádiarabíska bikarsins.