Tíma­mót í jeppa­sögunni – Konungurinn er mættur

Þetta er upptakturinn að kynslóðaskiptum því seinna á árinu tekur Land Cruiser 250 við krúnunni af Land Cruiser 150 sem þjónað hefur vel og dyggilega í 14 ár.

„Það ríkir mikil spenna hér innanhúss og auðvitað líka á meðal íslenskra jeppaáhugamanna,“ segir Páll Þorsteinsson, upplýsingafulltrúi Toyota á Íslandi. „Það er alltaf viðburður í sögu Toyota þegar nýr Land Cruiser er kynntur til sögunnar, ekki síst hér á Íslandi en Land Cruiser hefur verið flaggskipið okkar hér á landi í langan tíma. Við höfum fundið fyrir miklum áhuga enda strax kominn langur biðlisti eftir nýja jeppanum.“

Glæsileg saga þessa konungs jeppanna heldur því áfram.

Fyrsta eintakið af Land Cruiser 250 kom til landsins á dögunum. Þetta er sýningareintak sem er á ferð um Evrópu til að kynna nýja kynslóð og stoppar hér á landi í aðeins örfáa daga.

„Nýi Land Cruiserinn er mjög fjölhæfur og sterkur alvöru jeppi með enn betri og sterkari grind en forveri sinn. Fimm útfærslur verða í boði í almennri sölu; First Edition, Luxury, VX, GX og LX. Hann er því sannarlega bíll sem hentar frábærlega við íslenskar aðstæður.“

Fróðleg og skemmtileg sögusýning

Í tilefni af komu bílsins og forsýningar á honum verður efnt til Land Cruiser sögusýningar þar sem rúmlega 70 ára sögu bílsins verða gerð skil og vel valin eintök frá fyrri árum verða sýnd.

„Það ætlum við m.a. að sýna nokkur gömul og falleg eintök af Land Cruiser jeppum en saga hans hér á landi er rúmlega hálfrar aldar gömul. Auk þess verðum við með ýmsan fróðleik um sögu Land Cruiser jeppanna á Íslandi. Þessi sýning er mikill hvalreki fyrir allt áhugafólk um jeppa og þá sérstaklega Land Cruiser jeppann.“

Forsýning á Land Cruiser 250 og sögusýning hefst í Toyota Kauptúni á laugardaginn 2. mars kl. 12 og stendur yfir til kl. 16.

Nánari upplýsingar á vef Toyota á Íslandi.