Viðbrögð við Júró-útspili RÚV: „Galið“ að leggja ákvörðunina á sigurvegarann Hallgerður Kolbrún E. Jónsdóttir skrifar 24. janúar 2024 11:12 Álfur Birkir, Úlfar Viktor, Sigríður Andersen og Máni Pétursson eru meðal þeirra sem hafa furðað sig á nýjasta útspili RÚV. Vísir Ákvörðun Ríkisútvarpsins um að bíða þar til eftir Söngvakeppni sjónvarpsins um að taka ákvörðun um þátttöku í Eurovision í Svíþjóð hefur fallið misvel í kramið hjá landsmönnum. Margir segja þetta útspil galið og vinsælla væri ef Söngvakeppnin væri haldin án möguleika á að fara til Svíþjóðar. Eins og greint var frá í gær ætlar Ríkisútvarpið ekki að taka ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins, sem hefst á laugardag. RÚV hefur verið beitt miklum þrýstingi um að taka ekki þátt í Eurovision vegna þátttöku Ísrael í keppninni. Útvarpsstjóra var nýverið afhentur undirskriftalisti 550 íslenskra tónlistarmanna, þar sem farið var fram á að Ísland drægi sig úr keppninni yrði Ísrael með. Fyrir liggur að Ísrael mun taka þátt í keppninni í Malmö í maí. Útvarpsstjóra var jafnframt afhentur í desember undirskriftalisti níu þúsund manna sem vilja ekki að Ísland taki þátt í keppninni. Við það tilefni sagði Stefán Eiríksson útvarpsstjóri ekki RÚV að taka utanríkispólitískar ákvarðanir. Rúnar Freyr sagði í kvöldfréttum Stöðvar 2 í gær að hugmyndin sé ekki að láta sigurvegarann taka þessa ákvörðun. Ákvörðunin sé alfarið á RÚV en verði tekin í samráði við keppandann sem beri sigur úr býtum. „Engin pressa!“ Nýjasta útspil RÚV í málinu, að taka ekki ákvörðun fyrr en eftir Söngvakeppnina, hefur fallið illa í kramið hjá mörgum. Mikil umræða hefur skapast á samfélagsmiðlum og skrifar Úlfar Viktor Björnsson, sem keppti í Söngvakeppninni í fyrra, til dæmis á Facebook að það sé „galin pæling að leggja þá risastóru ákvörðun á sigurvegara keppninnar hvort hann eigi að freista þess að fara út á þetta flotta svið eða draga sig úr keppni.“ Hann segir að með þessu þurfi að treysta á prinsipp sigurvegarans og að um veruleikafirringu sé að ræða. „Með þessu er RÚV algjörlega að firra sig allri ábyrgð frá því að taka skýra afstöðu gegn þjóðarmorði og kasta henni frekar á unga og upprennandi tónlistarmenn sem eðlilega vilja fátt meira en að láta ljós sitt skína. Það er hrikalega ljótt og illa gert og ég skil ekki að þeir haldi að keppendum sé gerður einhver greiði með því.“ Vignir Rafn Valþórsson, leikari og leikstjóri, gerir stólpagrín að Rúnari Frey Gíslasyni verkefnastjóra á RÚV og Stefáni Eiríkssyni á Facebook. Hann skrifar að þeir félagar leggi, með ákvörðuninni um að taka ekki ákvörðun, ákvörðunina alfarið í hendurnar á sigurvegaranum, sem líklega verði barn á táningsaldri. „Viðkomandi má bara alveg taka þessa ákvörðun sjálft. Engin pressa! Það besta er að þannig get ég haldið í allar auglýsingatekjur, símakosningadæmið OG fríað mig frá allri ábyrgð ef svo ólíklega vill til að „sigurvegarinn“ tekur þá asnalegu (fyrir mig) ákvörðun að halda sig heima.“ „Ég læt alltaf sex ára dóttur mína taka óþægilegar ákvarðanir“ Sigríður Andersen, fyrrverandi þingmaður og ráðherra, vekur athygli á því á Twitter að enginn þingmaður hafi tjáð sig sérstaklega um þessi Eurovision-mál. „Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunar í utanríkismálum til óþekkts tónlistarmanns? En kannski bara ekki.“ Ég hef ekki heyrt einn einasta fulltrúa fjárveitingarvaldsins tjá sig um þetta. Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunnar í utanríkismálum til óþekkts tónlistarmanns? En kannski bara ekki. https://t.co/zK9UL9IM6r— Sigríður Á. Andersen (@siggaandersen) January 23, 2024 Fjölmiðlamaðurinn Máni Pétursson skrifar um málið í lokaðri Facebook-færslu þar sem hann furðar sig á því að ábyrgðin sé lögð á herðar sigurvegarans. „Sá sem vinnur keppnina fær sem sagt að ráða hvor hópurinn kallar hann hálfvita. Hópurinn sem styður frið eða hópurinn sem kallar alla friðarsinna gyðingahatara. Vá frábær verðlaun.“ Mikil umræða skapaðist undir færslu Mána. Þar segir Arndís Anna Kristínardóttir Gunnarsdóttir þingkona Pírata Mána hafa greint stöðuna ágætlega. Þorsteinn Kolbeinsson tónlistarmaður segir augljóst að RÚV reyni með þessu að „kaupa sér frið“ til að halda keppnina, fá áhorf og auglýsingatekjur. Emil Morávek spyr hvort ákvörðunin sýni ekki bara þroska: „Ég læt alltaf 6 ára dóttur mína taka allar þær ákvarðanir sem mér þykir óþægilegt að taka og gæti þess að ábyrgðin hvíli á henni. Þetta hefur reynst vel á mínu heimili.“ „Aumingjalegt“ útspil Álfur Birkir, formaður Samtakanna ´78, skrifar að ekkert Eurovision-ball verði heima hjá honum í ár, hvorki á laugardaginn, í mars eða í maí. „Á meðan RÚV hefur ekki tekið ákvörðun um að sniðganga Eurovision í Svíþjóð í ár er Söngvakeppni sjónvarpsins ekkert nema framlenging Evrópukeppninnar. Ég get ekki með neinu móti notið þess þegar íslenska þjóðin velur sér framlag til að standa á sviði með áróðursmaskínu Ísrael og ætla því ekki að horfa á Söngvakeppnina eins og ég hef gjarnan gert. Jón Axel Ólafsson útvarpsmaður segir mikið á sigurvegarann lagt. „Sama hvað hann gerir, þá tapar hann. Það er ekki sanngjarnt.“ Páll Magnússon stjórnmálamaður skrifar í athugasemd við færslu Jóns Axels að útspilið sé ekki stórmannlegt hjá RÚV. „Reyndar frekar aumingjalegt - að setja listafólkið í skotlínuna til að koma sjálfu sér í skjól.“ Steinunn Ólína Þorsteinsdóttir leikkona lætur einnig í sér heyra og hún segist ekki hafa áhyggjur af þessu, sigurvegarinn muni að sjálfsögðu taka ómakið af heigulshætti stjórnenda RÚV: Eurovision Ríkisútvarpið Samfélagsmiðlar Átök í Ísrael og Palestínu Tengdar fréttir Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00 „Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25 Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10 Mest lesið Þetta er fólkið á bak við Skjöld Íslands Innlent Móðir og níu mánaða barn hætt komnar í Þrengslunum Innlent Ozzy Osbourne allur Erlent Hótað og ógnað eftir að hafa aðstoðað lögreglu Innlent Skildirnir hafi hótað konum sem setji út á þá Innlent Alvarlega slösuð bankakona lagði VÍS eftir langa og stranga baráttu Innlent Hitinn víða yfir 50 stig og vatnsforðinn að þorna upp Erlent Hefði sagt nei: Sumarfrí bæjarfulltrúa opnaði fyrir endurskipulag á Nónhæð Innlent Reyndu að koma í veg fyrir að hún settist upp í hjá afrískum bílstjóra Innlent Brú skóf þakið af tveggja hæða rútu Erlent Fleiri fréttir Ættingjar að verða fyrir hryllilegum ódæðum Starfsfólk kannist ekki við uppsteyt á kvennadeild Landspítalans Bergþórshvoll brenndur á fjögurra daga Njáluhátíð Skildirnir hafi hótað konum sem setji út á þá Fyrsti konsertflygilinn í Skálholtskirkju vígður „Hvetjum fólk til þess að treysta okkur bara fyrir því“ Sækja mann sem datt af hestbaki Lögregla afþakkar þjónustu Skjaldar Íslands og Guðni boðar brennu Félagið Ísland-Palestína harmar skvettuna Rán og frelsissvipting í Árbæ Mótmælandi skvetti málningu á ljósmyndara Morgunblaðsins Brottfararstöð dómsmálaráðherra komin í samráðsgátt Móðir og níu mánaða barn hætt komnar í Þrengslunum Þetta er fólkið á bak við Skjöld Íslands Reyndu að koma í veg fyrir að hún settist upp í hjá afrískum bílstjóra Tveir af þremur ánægðir með beitingu „kjarnorkuákvæðisins“ Alvarlega slösuð bankakona lagði VÍS eftir langa og stranga baráttu Lærði skriðsund á YouTube og syndir Ermarsund á morgun Sjálfsagt að taka málið fyrir: „Leysist ekkert sjálfkrafa við að ganga inn í Evrópusambandið“ Lögreglan hugsi yfir Skildi Íslands: Eitt lögbrot verði ekki réttlætt með öðru Eldur í verslunarhúsnæði á Laugavegi Play tekur dýfu í skugga afkomuviðvörunar og Njáll Trausti vill funda Hótað og ógnað eftir að hafa aðstoðað lögreglu Laugavegurinn að „deyja úr velgengni“ Loftgæði mun betri á höfuðborgarsvæðinu Njáll Trausti vill fund hið fyrsta í atvinnuveganefnd Hefði sagt nei: Sumarfrí bæjarfulltrúa opnaði fyrir endurskipulag á Nónhæð Með vesen í miðborginni og á bráðamóttöku og síðar handtekinn vegna þjófnaðar Virknin bundin við einn gíg: Gasmengunar gæti orðið vart á Suðurlandi Ekki hægt að draga ályktanir um hver varð manninum „líklegast“ að bana Sjá meira
Eins og greint var frá í gær ætlar Ríkisútvarpið ekki að taka ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins, sem hefst á laugardag. RÚV hefur verið beitt miklum þrýstingi um að taka ekki þátt í Eurovision vegna þátttöku Ísrael í keppninni. Útvarpsstjóra var nýverið afhentur undirskriftalisti 550 íslenskra tónlistarmanna, þar sem farið var fram á að Ísland drægi sig úr keppninni yrði Ísrael með. Fyrir liggur að Ísrael mun taka þátt í keppninni í Malmö í maí. Útvarpsstjóra var jafnframt afhentur í desember undirskriftalisti níu þúsund manna sem vilja ekki að Ísland taki þátt í keppninni. Við það tilefni sagði Stefán Eiríksson útvarpsstjóri ekki RÚV að taka utanríkispólitískar ákvarðanir. Rúnar Freyr sagði í kvöldfréttum Stöðvar 2 í gær að hugmyndin sé ekki að láta sigurvegarann taka þessa ákvörðun. Ákvörðunin sé alfarið á RÚV en verði tekin í samráði við keppandann sem beri sigur úr býtum. „Engin pressa!“ Nýjasta útspil RÚV í málinu, að taka ekki ákvörðun fyrr en eftir Söngvakeppnina, hefur fallið illa í kramið hjá mörgum. Mikil umræða hefur skapast á samfélagsmiðlum og skrifar Úlfar Viktor Björnsson, sem keppti í Söngvakeppninni í fyrra, til dæmis á Facebook að það sé „galin pæling að leggja þá risastóru ákvörðun á sigurvegara keppninnar hvort hann eigi að freista þess að fara út á þetta flotta svið eða draga sig úr keppni.“ Hann segir að með þessu þurfi að treysta á prinsipp sigurvegarans og að um veruleikafirringu sé að ræða. „Með þessu er RÚV algjörlega að firra sig allri ábyrgð frá því að taka skýra afstöðu gegn þjóðarmorði og kasta henni frekar á unga og upprennandi tónlistarmenn sem eðlilega vilja fátt meira en að láta ljós sitt skína. Það er hrikalega ljótt og illa gert og ég skil ekki að þeir haldi að keppendum sé gerður einhver greiði með því.“ Vignir Rafn Valþórsson, leikari og leikstjóri, gerir stólpagrín að Rúnari Frey Gíslasyni verkefnastjóra á RÚV og Stefáni Eiríkssyni á Facebook. Hann skrifar að þeir félagar leggi, með ákvörðuninni um að taka ekki ákvörðun, ákvörðunina alfarið í hendurnar á sigurvegaranum, sem líklega verði barn á táningsaldri. „Viðkomandi má bara alveg taka þessa ákvörðun sjálft. Engin pressa! Það besta er að þannig get ég haldið í allar auglýsingatekjur, símakosningadæmið OG fríað mig frá allri ábyrgð ef svo ólíklega vill til að „sigurvegarinn“ tekur þá asnalegu (fyrir mig) ákvörðun að halda sig heima.“ „Ég læt alltaf sex ára dóttur mína taka óþægilegar ákvarðanir“ Sigríður Andersen, fyrrverandi þingmaður og ráðherra, vekur athygli á því á Twitter að enginn þingmaður hafi tjáð sig sérstaklega um þessi Eurovision-mál. „Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunar í utanríkismálum til óþekkts tónlistarmanns? En kannski bara ekki.“ Ég hef ekki heyrt einn einasta fulltrúa fjárveitingarvaldsins tjá sig um þetta. Telja þingmenn þetta mál þeim óviðkomandi? Utanríkismálanefnd hefur kannski skoðun á þessari útvistun stefnumótunnar í utanríkismálum til óþekkts tónlistarmanns? En kannski bara ekki. https://t.co/zK9UL9IM6r— Sigríður Á. Andersen (@siggaandersen) January 23, 2024 Fjölmiðlamaðurinn Máni Pétursson skrifar um málið í lokaðri Facebook-færslu þar sem hann furðar sig á því að ábyrgðin sé lögð á herðar sigurvegarans. „Sá sem vinnur keppnina fær sem sagt að ráða hvor hópurinn kallar hann hálfvita. Hópurinn sem styður frið eða hópurinn sem kallar alla friðarsinna gyðingahatara. Vá frábær verðlaun.“ Mikil umræða skapaðist undir færslu Mána. Þar segir Arndís Anna Kristínardóttir Gunnarsdóttir þingkona Pírata Mána hafa greint stöðuna ágætlega. Þorsteinn Kolbeinsson tónlistarmaður segir augljóst að RÚV reyni með þessu að „kaupa sér frið“ til að halda keppnina, fá áhorf og auglýsingatekjur. Emil Morávek spyr hvort ákvörðunin sýni ekki bara þroska: „Ég læt alltaf 6 ára dóttur mína taka allar þær ákvarðanir sem mér þykir óþægilegt að taka og gæti þess að ábyrgðin hvíli á henni. Þetta hefur reynst vel á mínu heimili.“ „Aumingjalegt“ útspil Álfur Birkir, formaður Samtakanna ´78, skrifar að ekkert Eurovision-ball verði heima hjá honum í ár, hvorki á laugardaginn, í mars eða í maí. „Á meðan RÚV hefur ekki tekið ákvörðun um að sniðganga Eurovision í Svíþjóð í ár er Söngvakeppni sjónvarpsins ekkert nema framlenging Evrópukeppninnar. Ég get ekki með neinu móti notið þess þegar íslenska þjóðin velur sér framlag til að standa á sviði með áróðursmaskínu Ísrael og ætla því ekki að horfa á Söngvakeppnina eins og ég hef gjarnan gert. Jón Axel Ólafsson útvarpsmaður segir mikið á sigurvegarann lagt. „Sama hvað hann gerir, þá tapar hann. Það er ekki sanngjarnt.“ Páll Magnússon stjórnmálamaður skrifar í athugasemd við færslu Jóns Axels að útspilið sé ekki stórmannlegt hjá RÚV. „Reyndar frekar aumingjalegt - að setja listafólkið í skotlínuna til að koma sjálfu sér í skjól.“ Steinunn Ólína Þorsteinsdóttir leikkona lætur einnig í sér heyra og hún segist ekki hafa áhyggjur af þessu, sigurvegarinn muni að sjálfsögðu taka ómakið af heigulshætti stjórnenda RÚV:
Eurovision Ríkisútvarpið Samfélagsmiðlar Átök í Ísrael og Palestínu Tengdar fréttir Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00 „Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25 Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10 Mest lesið Þetta er fólkið á bak við Skjöld Íslands Innlent Móðir og níu mánaða barn hætt komnar í Þrengslunum Innlent Ozzy Osbourne allur Erlent Hótað og ógnað eftir að hafa aðstoðað lögreglu Innlent Skildirnir hafi hótað konum sem setji út á þá Innlent Alvarlega slösuð bankakona lagði VÍS eftir langa og stranga baráttu Innlent Hitinn víða yfir 50 stig og vatnsforðinn að þorna upp Erlent Hefði sagt nei: Sumarfrí bæjarfulltrúa opnaði fyrir endurskipulag á Nónhæð Innlent Reyndu að koma í veg fyrir að hún settist upp í hjá afrískum bílstjóra Innlent Brú skóf þakið af tveggja hæða rútu Erlent Fleiri fréttir Ættingjar að verða fyrir hryllilegum ódæðum Starfsfólk kannist ekki við uppsteyt á kvennadeild Landspítalans Bergþórshvoll brenndur á fjögurra daga Njáluhátíð Skildirnir hafi hótað konum sem setji út á þá Fyrsti konsertflygilinn í Skálholtskirkju vígður „Hvetjum fólk til þess að treysta okkur bara fyrir því“ Sækja mann sem datt af hestbaki Lögregla afþakkar þjónustu Skjaldar Íslands og Guðni boðar brennu Félagið Ísland-Palestína harmar skvettuna Rán og frelsissvipting í Árbæ Mótmælandi skvetti málningu á ljósmyndara Morgunblaðsins Brottfararstöð dómsmálaráðherra komin í samráðsgátt Móðir og níu mánaða barn hætt komnar í Þrengslunum Þetta er fólkið á bak við Skjöld Íslands Reyndu að koma í veg fyrir að hún settist upp í hjá afrískum bílstjóra Tveir af þremur ánægðir með beitingu „kjarnorkuákvæðisins“ Alvarlega slösuð bankakona lagði VÍS eftir langa og stranga baráttu Lærði skriðsund á YouTube og syndir Ermarsund á morgun Sjálfsagt að taka málið fyrir: „Leysist ekkert sjálfkrafa við að ganga inn í Evrópusambandið“ Lögreglan hugsi yfir Skildi Íslands: Eitt lögbrot verði ekki réttlætt með öðru Eldur í verslunarhúsnæði á Laugavegi Play tekur dýfu í skugga afkomuviðvörunar og Njáll Trausti vill funda Hótað og ógnað eftir að hafa aðstoðað lögreglu Laugavegurinn að „deyja úr velgengni“ Loftgæði mun betri á höfuðborgarsvæðinu Njáll Trausti vill fund hið fyrsta í atvinnuveganefnd Hefði sagt nei: Sumarfrí bæjarfulltrúa opnaði fyrir endurskipulag á Nónhæð Með vesen í miðborginni og á bráðamóttöku og síðar handtekinn vegna þjófnaðar Virknin bundin við einn gíg: Gasmengunar gæti orðið vart á Suðurlandi Ekki hægt að draga ályktanir um hver varð manninum „líklegast“ að bana Sjá meira
Stjórnarmaður segir ábyrgðinni varpað yfir á listafólkið án aðkomu stjórnar Stjórnarmaður í Ríkisútvarpinu segir að stjórnendur stofnunarinnar hafi varpað allri ábyrgð á þátttöku Íslendinga í Eurovision yfir á listafólkið sem tekur þátt í Söngvakeppninni. Það hafi verið gert alfarið á aðkomu stjórnar hlutafélagsins opinbera. 23. janúar 2024 22:00
„Þetta er hálft skref í rétta átt“ Daníel Ágúst Haraldsson, sem var einn fjölda tónlistarmanna sem mótmæltu fyrirhugaðri þátttöku Íslendinga í Eurovision, segist fagna því að yfirmenn Ríkisútvarpsins hafi frestað endanlegri þátttöku fram yfir Söngvakeppni sjónvarpsins. Hann hefði þó viljað sjá skrefið stigið til fulls. 23. janúar 2024 18:25
Ákveða sig eftir Söngvakeppnina Ríkisútvarpið ætlar ekki að taka neina ákvörðun um þátttöku sína í Eurovision í Svíþjóð fyrr en að lokinni Söngvakeppni sjónvarpsins. Að óbreyttu verður Ísland meðal þátttökuþjóða í Malmö í maí. 23. janúar 2024 17:10