Eld­gos er hafið

Þetta kemur fram í tilkynningu frá Veðurstofunni. Samkvæmt upplýsingum fréttastofu er gosið sunnan Hagafells og norðan varnargarðanna í Grindavík. 

Hér má sjá eldgosið í beinni útsendingu:

Í tilkynningu frá almannavörnum segir að þyrla Landhelgisgæslunar sé að fara í loftið til að taka stöðuna.

„Almannnavarnir hækka almannavarnarstig úr hættustigi upp á neyðarstig. Þegar frekari upplýsingar liggja fyrir um staðsetningu sendum við nýja tilkynningu,“ segir í tilkynningunni.

Rétt fyrir klukkan þrjú í nótt hófst áköf smáskjálftahrina við Sundhnúksgíga. Hátt í 200 jarðskjálftar hafa verið mældir á svæðinu og færðist virknin í átt að Grindavík þegar leið á morguninn.

Hægt er að fá nýjustu tíðindi af gosinu í vaktinni að neðan.