Lífið

Jóhann er 83 ára og sjóðandi heitur á Tinder

Stefán Árni Pálsson skrifar
Jóhann og Einar náðu heldur betur vel saman.
Jóhann og Einar náðu heldur betur vel saman.

Þeir Jóhann Scheihter og Einar Baldvin Brimar bjuggu saman í íbúð í þrjá daga síðasta sumar. Jóhann er fæddur árið 1940 og starfar sem leiðsögumaður. Einar Baldvin er 25 ára heimsspeki- og laganemi, og þjálfar einnig ungt fólk í fótbolta.

Þættirnir Sambúðin hófu göngu sína á Stöð 2 á dögunum. Í þáttunum er fylgst með sex pörum sem saman sett eru af einni manneskju sem komin er á eftirlaunaaldur og annarri ungri manneskju um tvítugt.

Sambúð þeirra Jóhanns og Einars gekk vonum framar. Jóhann er einhleypur í dag sem Einari þótti nokkuð merkilegt. Hann náði að plata Jóhann í að skrá sig á stefnumótaappið Tinder.

Jóhann vakti mikla lukku á Tinder og vildu þónokkrar konur kynnast honum betur eins og sést í myndbrotinu hér að neðan. Ellefu konur höfðu áhuga á Jóhanni af þeim fimmtán sem eru skráðar á hans aldri. Sem segir að 73 prósent kvenna á Tinder höfðu áhuga á Jóhanni í hans aldursflokki. Geri aðrir betur.

Hægt er að horfa á þáttinn í heild sinni á Stöð2+.

Klippa: Jóhann er 73 ára og sjóðandi heitur á Tinder
Sambúðin Tinder Ástin og lífið Eldri borgarar


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.