Handbolti

Gott gengi Hauka heldur á­fram

Runólfur Trausti Þórhallsson skrifar
Elín Klara Þorkelsdóttir var frábær að venju.
Elín Klara Þorkelsdóttir var frábær að venju. Vísir/Vilhelm

Haukar hafa unnið fjóra af fyrstu fimm leikjum sínum í Olís-deild kvenna í handbolta. Liðið vann góðan sex marka sigur á KA/Þór í kvöld, lokatölur 26-20.

Haukar hafa byrjað tímabilið af krafti og halda því áfram. Akureyringar komust lítt áleiðis gegn sterku liði Hauka á Ásvöllum í kvöld. Á endanum unnu Haukar þægilegan sex marka sigur.

Elín Klara Þorkelsdóttir var markahæst að venju hjá Haukum með átta mörk. Þar á eftir kom Inga Dís Jóhannsdóttir með fimm mörk á meðan Sara Odden skoraði fjögur. Hjá KA/Þór skoraði Lydía Gunnþórsdóttir sjö mörk. Í marki gestanna varði Matea Lonac 17 skot.

Haukar eru í 2. sæti með 8 stig líkt og Íslandsmeistarar Vals sem tróna á toppnum með leik til góða.

Handbolti Olís-deild kvenna Haukar KA Þór Akureyri

Mest lesið


Fleiri fréttir

Sjá meira


×

Mest lesið