Svona var þetta bara Anna Steinsen skrifar 15. september 2023 06:00 Þegar ég var yngri átti ég fyrirmynd. Ég vissi ekki á þeim tíma að hún væri fyrirmyndin mín enda var ég ekkert sérstaklega að pæla í því. Þetta var og er systir mín, 12 árum eldri og íþróttakona. Æfði handbolta, fótbolta og badminton. Arna systir komst í landsliðið í handbolta og fótbolta og varð seinna meir fyrsta konan til að þjálfa unglingalandslið kvenna í fótbolta. Aldrei pældi ég í þessu, svona var þetta bara en fyrir framan mig var mín helsta fyrirmynd í íþróttum. Í þá daga, kringum 1985, var landsliði kvenna í fótbolta komið á laggirnar í fyrsta skipti. Svo var það lagt niður í nokkur ár því það var ekki til nægur peningur til að halda úti bæði landsliði kvenna og karla. Það þótti bara eðlilegt. Þegar landslið kvenna í fótbolta fór af stað á ný þá var enginn læknir með kvennaliðinu, bara karla liðinu. Strákarnir fengu yfirleitt meira og stelpurnar minna. Svo fór ég sjálf að æfa íþróttir. Gerði alveg eins og systir mín, æfði handbolta, fótbolta og badminton. Komst í unglingalandsliðið og fetaði í fótspor systur minnar eins og ég gat. Hún var búin að ryðja veginn ásamt öllum íþróttakonunum sem komu á undan minni kynslóð og við héldum svo áfram. Ég man að mér fannst alveg eðlilegt að við fengjum ekki sömu góðu æfingatímana og strákarnir, fengjum ekki að spila á aðalgrasinu eins og þeir, ekki að æfa í skrúfutakkaskónum á grasinu eins og þeir og svo framvegis. En með árunum komu breytingar til hins betra. 21% atvinnukvenna í íþróttum beittar ofbeldi Við erum komin langa leið. Í dag eru íþróttafélög, mörg hver, að gera góða hluti í að jafna hlut kvenna og karla en við erum enn langt frá því að ná jafnrétti innan íþrótta. Karlar í fótbolta fá enn miklu hærri laun heldur en konur í fótbolta. Samt leggja þau sig jafnmikið fram og eyða jafnmiklum tíma í íþróttina. Er það bara í lagi? Í nýrri samantekt UN Women og UNESCO um kynbundið ofbeldi og stöðu kvenna innan íþrótta kemur fram að í greininni ríkir enn mikið kynjamisrétti. Ójöfn dreifing valds og fjármagns er einnig við lýði innan íþrótta, þar sem karlar skipa flestar stjórnunarstöður og íþróttamenn fá hærri laun og betri aðbúnað en íþróttakonur. Íþróttakonur um allan heim búa enn þá við það úrelda viðhorf að þær afli íþróttafélögum og –samböndum lægri tekna og því ætti síður að fjárfesta í þeim. Skýrsla UN Women og UNESCO leiddi einnig í ljós að 21% atvinnukvenna í íþróttum voru beittar kynferðislegu ofbeldi sem barn í íþróttum. Það er tvöfalt hærra hlutfall en meðal atvinnumanna í íþróttum. Næsta kynslóð mun læra af spænsku heimsmeisturunum Nýverið reis spænska landslið kvenna, nýorðnar heimsmeistarar, upp gegn spænska knattspyrnusambandinu. Sættu sig ekki við orðinn hlut, settu mörk, stóðu saman og breyttu. Því nú eru hlutirnir (sem þóttu einu sinni í lagi) ekki í lagi. Þvílíkar fyrirmyndir sem þær eru fyrir ungar stelpur. Kannski gera þær sér ekki grein fyrir því, hvorki landsliðskonurnar né ungu stúlkurnar. Þær eru samt að skrifa söguna. Sú kynslóð íþróttakvenna sem kemur á eftir mun læra af þeim og halda áfram að breyta og krefjast jafnréttis og réttlætis. Það er því ótrúlega mikilvægt að sofna ekki á verðinum. Heldur halda áfram að berjast fyrir jafnrétti, því konur eiga jafnmikinn rétt á því að ná árangri í íþróttum eins og karlar. Ekkert kyn er framar öðru og íþróttirnar eiga að endurspegla það. Á allan hátt. Höfundur er stjórnarformaður UN Women á Íslandi Viltu birta grein á Vísi? Sendu okkur póst. Senda grein Fótbolti Spánn Mannréttindi Jafnréttismál Tengdar fréttir Koss dauðans hjá Rubiales Luis Rubiales hefur tilkynnt að hann muni segja af sér sem forseti spænska knattspyrnusambandsins. Þetta staðfesti hann í spjallþætti með Piers Morgan í kvöld. 10. september 2023 20:22 Heilindi fótboltans geti verið í hættu Forráðamenn þýsku félaganna Dortmund og Bayern München hafa kallað eftir skýrara og harðara regluverki þegar kemur að eigu eignarhaldsfélaga á fleira en einu fótboltaliði. Skýrsla frá Knattspyrnusambandi Evrópu, UEFA, segir heilindi Evrópuboltans geta verið í hættu. 9. september 2023 10:00 Mest lesið Halldór 29.03.2025 Halldór Fækkum kennurum um 90% Björgmundur Örn Guðmundsson Skoðun Uppsagnarbréf til góða fólksins Daníel Freyr Jónsson Skoðun Hugtakastríðið mikla Sigmar Guðmundsson Skoðun Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun Kristni og íslam: Samfélag sem hvílir á skilningi Skúli S. Ólafsson Skoðun Falsfréttastjóri RÚV dýpkar holuna sína Einar Steingrímsson Skoðun Tannhjól í mulningsvél? Arnar Þór Jónsson Skoðun Ekki er allt sem sýnist Ólafur Helgi Marteinsson Skoðun Ákall um breytingar Gissur Freyr Gissurarson Skoðun Skoðun Skoðun Ósunginn óður til doktorsnema Styrmir Hallsson skrifar Skoðun Frjáls umræða ekki lengur leyfð í USA – Skoðanafrelsi í hættu – Amerískt Gestapo í uppsiglingu? Ole Anton Bieltvedt skrifar Skoðun Tannhjól í mulningsvél? Arnar Þór Jónsson skrifar Skoðun Fækkum kennurum um 90% Björgmundur Örn Guðmundsson skrifar Skoðun Uppsagnarbréf til góða fólksins Daníel Freyr Jónsson skrifar Skoðun Kristni og íslam: Samfélag sem hvílir á skilningi Skúli S. Ólafsson skrifar Skoðun Hugtakastríðið mikla Sigmar Guðmundsson skrifar Skoðun Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson skrifar Skoðun Ekki er allt sem sýnist Ólafur Helgi Marteinsson skrifar Skoðun Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir skrifar Skoðun Vilji til að rjúfa kyrrstöðu í húsnæðiskreppunni Finnbjörn A. Hermannsson skrifar Skoðun Grænt ál frá Íslandi er mikilvægt fyrir sjálfstæða Evrópu Guðríður Eldey Arnardóttir skrifar Skoðun Þegar barn óttast önnur börn Kolbrún Áslaugar Baldursdóttir skrifar Skoðun Falsfréttastjóri RÚV dýpkar holuna sína Einar Steingrímsson skrifar Skoðun Ákall um breytingar Gissur Freyr Gissurarson skrifar Skoðun Veit sem sagt Grímur betur? Hjörtur J. Guðmundsson skrifar Skoðun Hvernig talar maður við tölvur og hafa vélar rökhugsun? Henning Arnór Úlfarsson skrifar Skoðun Laun kvenna og karla Sigríður Ingibjörg Ingadóttir,Steinunn Bragadóttir skrifar Skoðun Verkin sem ríkisstjórnin verður dæmd af Diljá Mist Einarsdóttir skrifar Skoðun Open Letter to new HÍ Rector re Disability Support Hópur starfsfólks og nemenda við HÍ skrifar Skoðun Vanfjármögnun vísindanna Magnús Hallsson,Styrmir Hallsson skrifar Skoðun Kárhóll og Kína: Þegar vísindi verða pólitísk tól Davíð Michelsen skrifar Skoðun Mál Ásthildar Lóu Þórsdóttur – Hvernig manneskjur viljum við vera? Hulda Steingrímsdóttir skrifar Skoðun Ríkisstjórn gegn fjölskyldusameiningum? Þorbjörg Þorvaldsdóttir skrifar Skoðun Lýðræðið deyr í myrkrinu Heiðar Örn Sigurfinnsson skrifar Skoðun Færni til framtíðar Álfheiður Ingólfsdóttir skrifar Skoðun Ofbeldi Bjarni Karlsson skrifar Skoðun Lestu Gaza Móheiður Hlíf Geirlaugsdóttir skrifar Skoðun Ný fjármálaáætlun - tækifæri til að efna loforðin um bætt geðheilbrigði Sandra B. Franks skrifar Skoðun 10 ár og bull í lokin Jón Pétur Zimsen skrifar Sjá meira
Þegar ég var yngri átti ég fyrirmynd. Ég vissi ekki á þeim tíma að hún væri fyrirmyndin mín enda var ég ekkert sérstaklega að pæla í því. Þetta var og er systir mín, 12 árum eldri og íþróttakona. Æfði handbolta, fótbolta og badminton. Arna systir komst í landsliðið í handbolta og fótbolta og varð seinna meir fyrsta konan til að þjálfa unglingalandslið kvenna í fótbolta. Aldrei pældi ég í þessu, svona var þetta bara en fyrir framan mig var mín helsta fyrirmynd í íþróttum. Í þá daga, kringum 1985, var landsliði kvenna í fótbolta komið á laggirnar í fyrsta skipti. Svo var það lagt niður í nokkur ár því það var ekki til nægur peningur til að halda úti bæði landsliði kvenna og karla. Það þótti bara eðlilegt. Þegar landslið kvenna í fótbolta fór af stað á ný þá var enginn læknir með kvennaliðinu, bara karla liðinu. Strákarnir fengu yfirleitt meira og stelpurnar minna. Svo fór ég sjálf að æfa íþróttir. Gerði alveg eins og systir mín, æfði handbolta, fótbolta og badminton. Komst í unglingalandsliðið og fetaði í fótspor systur minnar eins og ég gat. Hún var búin að ryðja veginn ásamt öllum íþróttakonunum sem komu á undan minni kynslóð og við héldum svo áfram. Ég man að mér fannst alveg eðlilegt að við fengjum ekki sömu góðu æfingatímana og strákarnir, fengjum ekki að spila á aðalgrasinu eins og þeir, ekki að æfa í skrúfutakkaskónum á grasinu eins og þeir og svo framvegis. En með árunum komu breytingar til hins betra. 21% atvinnukvenna í íþróttum beittar ofbeldi Við erum komin langa leið. Í dag eru íþróttafélög, mörg hver, að gera góða hluti í að jafna hlut kvenna og karla en við erum enn langt frá því að ná jafnrétti innan íþrótta. Karlar í fótbolta fá enn miklu hærri laun heldur en konur í fótbolta. Samt leggja þau sig jafnmikið fram og eyða jafnmiklum tíma í íþróttina. Er það bara í lagi? Í nýrri samantekt UN Women og UNESCO um kynbundið ofbeldi og stöðu kvenna innan íþrótta kemur fram að í greininni ríkir enn mikið kynjamisrétti. Ójöfn dreifing valds og fjármagns er einnig við lýði innan íþrótta, þar sem karlar skipa flestar stjórnunarstöður og íþróttamenn fá hærri laun og betri aðbúnað en íþróttakonur. Íþróttakonur um allan heim búa enn þá við það úrelda viðhorf að þær afli íþróttafélögum og –samböndum lægri tekna og því ætti síður að fjárfesta í þeim. Skýrsla UN Women og UNESCO leiddi einnig í ljós að 21% atvinnukvenna í íþróttum voru beittar kynferðislegu ofbeldi sem barn í íþróttum. Það er tvöfalt hærra hlutfall en meðal atvinnumanna í íþróttum. Næsta kynslóð mun læra af spænsku heimsmeisturunum Nýverið reis spænska landslið kvenna, nýorðnar heimsmeistarar, upp gegn spænska knattspyrnusambandinu. Sættu sig ekki við orðinn hlut, settu mörk, stóðu saman og breyttu. Því nú eru hlutirnir (sem þóttu einu sinni í lagi) ekki í lagi. Þvílíkar fyrirmyndir sem þær eru fyrir ungar stelpur. Kannski gera þær sér ekki grein fyrir því, hvorki landsliðskonurnar né ungu stúlkurnar. Þær eru samt að skrifa söguna. Sú kynslóð íþróttakvenna sem kemur á eftir mun læra af þeim og halda áfram að breyta og krefjast jafnréttis og réttlætis. Það er því ótrúlega mikilvægt að sofna ekki á verðinum. Heldur halda áfram að berjast fyrir jafnrétti, því konur eiga jafnmikinn rétt á því að ná árangri í íþróttum eins og karlar. Ekkert kyn er framar öðru og íþróttirnar eiga að endurspegla það. Á allan hátt. Höfundur er stjórnarformaður UN Women á Íslandi
Koss dauðans hjá Rubiales Luis Rubiales hefur tilkynnt að hann muni segja af sér sem forseti spænska knattspyrnusambandsins. Þetta staðfesti hann í spjallþætti með Piers Morgan í kvöld. 10. september 2023 20:22
Heilindi fótboltans geti verið í hættu Forráðamenn þýsku félaganna Dortmund og Bayern München hafa kallað eftir skýrara og harðara regluverki þegar kemur að eigu eignarhaldsfélaga á fleira en einu fótboltaliði. Skýrsla frá Knattspyrnusambandi Evrópu, UEFA, segir heilindi Evrópuboltans geta verið í hættu. 9. september 2023 10:00
Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun
Skoðun Frjáls umræða ekki lengur leyfð í USA – Skoðanafrelsi í hættu – Amerískt Gestapo í uppsiglingu? Ole Anton Bieltvedt skrifar
Skoðun Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson skrifar
Skoðun Skóli án aðgreiningar: Hentar ýktasta mynd skólastefnunnar öllum börnum? Jóna Sigríður Valbergsdóttir skrifar
Skoðun Grænt ál frá Íslandi er mikilvægt fyrir sjálfstæða Evrópu Guðríður Eldey Arnardóttir skrifar
Skoðun Open Letter to new HÍ Rector re Disability Support Hópur starfsfólks og nemenda við HÍ skrifar
Skoðun Mál Ásthildar Lóu Þórsdóttur – Hvernig manneskjur viljum við vera? Hulda Steingrímsdóttir skrifar
Skoðun Ný fjármálaáætlun - tækifæri til að efna loforðin um bætt geðheilbrigði Sandra B. Franks skrifar
Forsjárhyggja Sjálfstæðis- og Framsóknarfólks í Hafnarfirði í garð fólks með fötlun Stefán Már Gunnlaugsson Skoðun