Grínaðist með hjónabandið og drap konuna fjórum árum síðar Magnús Jochum Pálsson skrifar 14. ágúst 2023 10:55 Timothy Bliefnick keppti í Family Feud árið 2019 og grínaðist með að hjónaband sitt hefðu verið mistök. Hér er hann með kynninum vinsæla, Steve Harvey. Youtube Bandarískur maður sem grínaðist með hjónaband sitt í þáttunum Family Feud fékk lífstíðardóm fyrir að skjóta fyrrverandi eiginkonu sína til bana. Hann hafði rannsakað ítarlega hvernig hann ætti að fremja morðið. Hinn 40 ára gamli Timothy Bliefnick hlaut þrefaldan lífstíðardóm á föstudag í Illinois-ríki fyrir að brjótast inn til fyrrverandi eiginkonu sinnar, Rebeccu Postle Bliefnick, í febrúar og skjóta hana fjórtán sinnum með hljóðdeyfðri byssu með þeim afleiðingum að hún lést. Rebecca bjó ein með þremur sonum þeirra, sem voru á aldrinum sex, tíu og tólf ára, í borginni Quincy í Illinois. Þau hjónin skildu árið 2021 og deildu forræði yfir drengjunum. Faðir Rebeccu fann lík hennar eftir að hún hafði ekki sótt synina í skólann. Í samtali við lögreglu laug Timothy því að hann kannaðist ekkert við málið og að innbrotsþjófar hefðu brotist inn í húsið. Þær útskýringar dugðu hins vegar skammt. Gúgglaði hvernig ætti að brjótast inn Við rannsókn málsins kom í ljós að Timothy hafði rannsakað hvernig ætti að fremja morðið og leitað að upplýsingum á netinu. Hann hafði meðal annars gúgglað hvernig ætti að brjóta upp glugga með kúbeini og búa til heimagerðan hljóðdeyfi. Lögreglumynd af Timothy Bliefnick sem fékk þrefaldan lífstíðardóm fyrir hrottalegt morð á fyrrverandi eiginkonu sinni..Adams County Jail „Þú rannsakaðir þetta morð,“ sagði dómarinn Robert Adrian við Bliefnick þegar hann kvað upp dóminn. „Þú skipulagðir þetta morð. Þú æfðir þetta morð. Þú braust inn í húsið hennar og skaust hana einu sinni, tvisvar, þrisvar, fjórum, fimm, sex, sjö, átta, níu, tíu, ellefu, tólf, þrettán, fjórtán sinnum,“ sagði dómarinn. „Ég veit ekki hvað þetta tók þig langan tíma en sumum skotanna var skotið á meðan hún lá á gólfinu,“ sagði dómarinn. „Þú gerðir þetta allt á meðan börnin þín voru sofandi í húsi þínu, makindaleg í rúmum sínum.“ Móðir Rebeccu Bliefnick, sem var yfirleitt kölluð Becky, las upp yfirlýsingu fyrir dóminum „Við höfum verið skilin eftir með tóm sem er ekki hægt að fylla. Við eigum bara minningar. Sál þín er svört af hatri. Í hjarta þínu er aðeins ást á sjálfum þér. Þú ættir aldrei að fá að ganga laus aftur.“ Óttaðist eiginmanninn fyrrverandi Timothy Bliefnick keppti í spurningaþáttunum Family Feud með fjölskyldu sinni árið 2019. Eiginkona hans var ekki með í þættinum en kom þó við sögu þegar þáttastjórnandinn Steve Harvey spurði hann hver hefðu verið stærstu mistökin sem Timothy hefði gert í brúðkaupi sínu. Bliefnick-fjölskyldan á meðan allt lék í lyndi.Facebook Bliefnick sagðist þá elska konuna sína en mistökin hefðu verið að segja já við altarið. Hann dró síðan strax í land og sagði „Ekki mín mistök. Ég elska konuna mína.“ „Ég er að fara að lenda í vandræðum út af þessu,“ bætti hann síðan vandræðalega við. Þau hjónin giftu sig árið 2009 en skildu 2021. Skilnaðurinn var ljótur og sóttu þau bæði um nálgunarbann hvort gegn öðru. Þá hafði Rebecca Bliefnick sagt við systur sína að hún óttaðist Timothy. Fyrir dauða sinn hafði Rebecca sent sms á systur sína þar sem hún sagðist óttast að Timothy myndi reyna að skaða hana einhvern veginn og reyna að taka hana frá börnum sínum eða börnin frá henni. Sá ótti var greinilega á rökum reistur. Bandaríkin Erlend sakamál Mest lesið Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Fagna afmæli virkjunar sem sökkti sveitajörðum en rafvæddi síldarbæ Innlent Beinaber gísl látinn grafa eigin gröf á Gasa Erlent Kvenfólkið í Eyjum bjargaði deginum Innlent Reiður Trump segir Schumer að fara til helvítis Erlent Búast við gasi á höfuðborgarsvæðinu og Akranesi Innlent Að bugast á hálf nöktum ferðamönnum og beita sektum Erlent Fleiri fréttir Reiður Trump segir Schumer að fara til helvítis Grunaður um að myrða heila fjölskyldu en skilja ungabarnið eftir á lífi Beinaber gísl látinn grafa eigin gröf á Gasa Að bugast á hálf nöktum ferðamönnum og beita sektum „Fordæmalaus hitabylgja“ leikur Skandínava grátt Maxwell flutt í þægilegra fangelsi Breyti engu á jörðu niðri að viðurkenna sjálfstæði Palestínu Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Sjá meira
Hinn 40 ára gamli Timothy Bliefnick hlaut þrefaldan lífstíðardóm á föstudag í Illinois-ríki fyrir að brjótast inn til fyrrverandi eiginkonu sinnar, Rebeccu Postle Bliefnick, í febrúar og skjóta hana fjórtán sinnum með hljóðdeyfðri byssu með þeim afleiðingum að hún lést. Rebecca bjó ein með þremur sonum þeirra, sem voru á aldrinum sex, tíu og tólf ára, í borginni Quincy í Illinois. Þau hjónin skildu árið 2021 og deildu forræði yfir drengjunum. Faðir Rebeccu fann lík hennar eftir að hún hafði ekki sótt synina í skólann. Í samtali við lögreglu laug Timothy því að hann kannaðist ekkert við málið og að innbrotsþjófar hefðu brotist inn í húsið. Þær útskýringar dugðu hins vegar skammt. Gúgglaði hvernig ætti að brjótast inn Við rannsókn málsins kom í ljós að Timothy hafði rannsakað hvernig ætti að fremja morðið og leitað að upplýsingum á netinu. Hann hafði meðal annars gúgglað hvernig ætti að brjóta upp glugga með kúbeini og búa til heimagerðan hljóðdeyfi. Lögreglumynd af Timothy Bliefnick sem fékk þrefaldan lífstíðardóm fyrir hrottalegt morð á fyrrverandi eiginkonu sinni..Adams County Jail „Þú rannsakaðir þetta morð,“ sagði dómarinn Robert Adrian við Bliefnick þegar hann kvað upp dóminn. „Þú skipulagðir þetta morð. Þú æfðir þetta morð. Þú braust inn í húsið hennar og skaust hana einu sinni, tvisvar, þrisvar, fjórum, fimm, sex, sjö, átta, níu, tíu, ellefu, tólf, þrettán, fjórtán sinnum,“ sagði dómarinn. „Ég veit ekki hvað þetta tók þig langan tíma en sumum skotanna var skotið á meðan hún lá á gólfinu,“ sagði dómarinn. „Þú gerðir þetta allt á meðan börnin þín voru sofandi í húsi þínu, makindaleg í rúmum sínum.“ Móðir Rebeccu Bliefnick, sem var yfirleitt kölluð Becky, las upp yfirlýsingu fyrir dóminum „Við höfum verið skilin eftir með tóm sem er ekki hægt að fylla. Við eigum bara minningar. Sál þín er svört af hatri. Í hjarta þínu er aðeins ást á sjálfum þér. Þú ættir aldrei að fá að ganga laus aftur.“ Óttaðist eiginmanninn fyrrverandi Timothy Bliefnick keppti í spurningaþáttunum Family Feud með fjölskyldu sinni árið 2019. Eiginkona hans var ekki með í þættinum en kom þó við sögu þegar þáttastjórnandinn Steve Harvey spurði hann hver hefðu verið stærstu mistökin sem Timothy hefði gert í brúðkaupi sínu. Bliefnick-fjölskyldan á meðan allt lék í lyndi.Facebook Bliefnick sagðist þá elska konuna sína en mistökin hefðu verið að segja já við altarið. Hann dró síðan strax í land og sagði „Ekki mín mistök. Ég elska konuna mína.“ „Ég er að fara að lenda í vandræðum út af þessu,“ bætti hann síðan vandræðalega við. Þau hjónin giftu sig árið 2009 en skildu 2021. Skilnaðurinn var ljótur og sóttu þau bæði um nálgunarbann hvort gegn öðru. Þá hafði Rebecca Bliefnick sagt við systur sína að hún óttaðist Timothy. Fyrir dauða sinn hafði Rebecca sent sms á systur sína þar sem hún sagðist óttast að Timothy myndi reyna að skaða hana einhvern veginn og reyna að taka hana frá börnum sínum eða börnin frá henni. Sá ótti var greinilega á rökum reistur.
Bandaríkin Erlend sakamál Mest lesið Vestmanneyingar „slógu velferðarskjaldborg“ yfir gesti Innlent Stúlkan sem fór í sjóinn er látin Innlent Landsvirkjun sé ekki „löngu búin að semja“ við alla landeigendur Innlent Grunaður um að myrða heila fjölskyldu en skilja ungabarnið eftir á lífi Erlent Fagna afmæli virkjunar sem sökkti sveitajörðum en rafvæddi síldarbæ Innlent Beinaber gísl látinn grafa eigin gröf á Gasa Erlent Kvenfólkið í Eyjum bjargaði deginum Innlent Reiður Trump segir Schumer að fara til helvítis Erlent Búast við gasi á höfuðborgarsvæðinu og Akranesi Innlent Að bugast á hálf nöktum ferðamönnum og beita sektum Erlent Fleiri fréttir Reiður Trump segir Schumer að fara til helvítis Grunaður um að myrða heila fjölskyldu en skilja ungabarnið eftir á lífi Beinaber gísl látinn grafa eigin gröf á Gasa Að bugast á hálf nöktum ferðamönnum og beita sektum „Fordæmalaus hitabylgja“ leikur Skandínava grátt Maxwell flutt í þægilegra fangelsi Breyti engu á jörðu niðri að viðurkenna sjálfstæði Palestínu Trump ræsir út kjarnorkukafbáta eftir „ögrandi“ ummæli Rússa „Clinton áætlunin“ líklega tilbúningur rússneskra njósnara „Ekki taka. Endurheimta. Þetta er okkar“ Arabaríkin sameinast um afvopnun Hamas og fordæmingu á árásunum 7. október Bukele ryður leiðina að einræði í El Salvador Freista þess að hindra að Bandaríkin fargi miklu magni getnaðarvarna Hvatti ríki til að stuðla að stjórnarskiptum í Rússlandi Tollar á vörur frá Íslandi verða 15 prósent samkvæmt forsetatilskipun Leynilega geimfarið sent á sporbraut í áttunda sinn Samþykkja ný lög um spillingarrannsóknir eftir mótmæli Múhameð eykur forskotið og enginn nefndur Keir Gera miklar breytingar á kjördæmum Texas, að beiðni Trumps Suðureyjargöng skilyrt hækkun eftirlaunaaldurs Kínverjar leita leiða til að granda gervihnöttum Musks Í áfalli eftir að hafa fengið bréf frá árásarmanninum inn um lúguna Dregur í land og segir Starmer og félaga verðlauna Hamas Létu sprengjum rigna á Kænugarð Segja 30 hafa látist í skotárás Ísraelshers við dreifingu neyðargagna Kanada í hóp þeirra sem hyggjast viðurkenna sjálfstæði Palestínu Sjö dáið úr hungri síðasta sólarhringinn Rannsaka tengsl þyngdarstjórnunarlyfja við bráða brisbólgu Gargaði á flokksfélaga sína Fyrsta ástralska geimflaugin flaug í fjórtán sekúndur Sjá meira