Lögregla var einnig kölluð á vettvang vegna þjófnaðar úr verslun í póstnúmerinu 108 en þar reyndust tveir einstaklingar hafa haft á brott með sér vörur að verðmæti 40 þúsund krónur. Teknar voru skýrslur af mönnunum sem fóru svo sína leið.
Annað útkall barst vegna innbrots og þjófnaðar úr verslun í Vesturbænum þar sem innbrotsþjófur flúði inn á byggingarsvæði en var eltur uppi af „hópi réttvísra borgara“, eins og segir í yfirliti lögreglu. Hann var handtekinn og gisti fangageymslu.
Einn var handtekinn vegna innbrots í bifreið og þýfinu sem hann hafði á brott skilað til eiganda. Annar var sektaður fyrir að reykspóla. Þá voru nokkrir stöðvaðir grunaðir um akstur undir áhrifum.