Fótbolti

Al Hilal með ris­a­til­boð í Ru­bén N­e­ves og setja plön Barcelona í upp­nám

Siggeir Ævarsson skrifar
Neves er orðaður við ansi mörg lið þessa dagana
Neves er orðaður við ansi mörg lið þessa dagana Vísir/Getty

Lið Al Hilal hefur lagt fram risatilboð í Rubén Neves, fyrirliða Wolves, samkvæmt Fabrizo Romano. Allt leit út fyrir að Neves væri á leið til Barcelona í lok maí en Spánverjarnir hafa ekki náð að klára kaupin, þrátt fyrir að hafa náð samningum við leikmanninn sjálfan.

Í lok maí bárust þær fréttir að kaupin væru frágengin, kaupverðið 26 milljónir punda og Neves klár í bátana. Síðan þá eru liðnar um þrjár vikur og Wolves eru orðnir langeygir að klára málið og fá krónur í kassann. Nú virðist vera komin ný vending í málið, risatilboð frá Sádí-Arabíu.

Upphæð tilboðsins fylgir ekki sögunni en Neves virðist vera nokkuð eftirsóttur. Hefur hann meðal annars verið orðaður við Manchester United og Liverpool. Hann hefur leikið með Úlfunum síðan 2017, alls 253 leiki í öllum keppnum og skorað 30 mörk.

Enski boltinn Fótbolti

Mest lesið


Fleiri fréttir

Sjá meira


×

Mest lesið