Viggó fær nýjan samning hjá Leipzig þrátt fyrir meiðslin

Samingur Viggós gildir til ársins 2027 og var hann tilkynntur fyrir framan fjögur þúsund manns fyrir leik liðsins gegn Gummersbach í þýsku úrvalsdeildinni í kvöld. Leipzig þurfti hins vegar að sætta sig við tap í leiknum.

Viggó hefur verið algjör lykilmaður í liði Leipzig í vetur og er fjórði markahæsti leikmaður deildarinnar með 135 mörk fyrir liðið á tímabilinu. Gengi Leipzig á tímabilinu var slæmt framan af, en eftir að Rúnar Sigtryggsson tók við þjálfun liðsins hefur Leipzig skotist upp töfluna með Viggó fremstan í fylkingu.

Liðsmenn Leipzig þurfa þó að klára tímabilið án Viggós sem meiddist í síðustu viku og verður ekki með liðinu út tímabilið.