Marsspá Siggu Kling - Steingeitin

Þú hefur þá miklu gjöf að þegar allt er vitlaust í kringum þig, þá ert þú rólegust af öllum. Þegar þú finnur að lífið er að sveiflast dálítið hratt, þá er eins og þú getir gefið skipun um að það verði rólegt í hjarta þínu. Það verður svo mikið treyst á þig og þú getur borið það allt saman. Þeir sem vilja bjóða ástinni í kaffi verða líka að vera tilbúnir að gefa eftir. Þegar maður er svona sterkur eins og þú ert, þá finnst þér eins og þú þurfir ekki á neinum að halda inn í líf þitt, nema þeim sem eru þar fyrir.

Gefðu lífinu tækifæri til þess að senda þér ástina og það er akkúrat best ef sá aðili sem er að koma til þín er allt öðruvísi en þú. Það er svo gott jin & jang.

Ekki vera á of miklum hraða, alla vega ekki alltaf. Gáðu hvort þú getir setið í nátturinni í tíu mínútur ein, því þá endurhleðstu. Þér finnst þú stundum vera alveg búin með batteríin og vera alveg búin á því, svo þú þarft þessa hleðslu. Það merkilegasta í lífinu er barnalegt og einfalt. Þú býrð á góðum stað og þó að þú breytir einhverju eða færir þig til, þá verður það ekki langt sem þú ferð.

Ekki hrökkva í varnarstöðu þó þú fáir óþægilegar spurningar, talaðu bara rólega. Þú hefur nefnilega lent í áfalli sem þú lokar á, lokar innra með þér og fólk getur verið mjög forvitið um það. Þú færð stöðuhækkun og taktu að þér alla þá ábyrgð sem þér verður rétt því þú getur það.

Knús og kossar, Sigga Kling