Dagur framlengir við ÍBV

Dagur Arnarsson hefur verið lykilmaður hjá ÍBV síðustu árin en hann er ekki nema 25 ára gamall þrátt fyrir að búa yfir mikilli reynslu. Hann hefur tekið þátt í öllum titlum sem ÍBV hefur unnið á síðustu árum og lék á dögunum sinn 250. leik fyrir félagið. Hann hefur fagnað tveimur Íslandsmeistaratitlum og þremur bikartitlum með ÍBV.

Á tímabilinu hefur Dagur tekið þátt í tuttugu og einum leik með ÍBV sem situr í 8.sæti Olís-deildarinnar en liðið á leiki til góða á liðin fyrir ofan sig en erfiðlega hefur gengið að koma Eyjamönnum til lands að undanförnu eða andstæðingum liðsins til Eyja.