Ákærður fyrir að brjóta á konu sem lá sofandi í rúmi sínu

Málið var þingfest í Héraðsdómi Reykjavíkur í morgun. Í ákæru héraðssaksóknara kemur fram að konan hafi verið sofandi þegar karlmaðurinn fór í heimildarleysi inn í húsnæðið. Hann hafi með ofbeldi og ólögmætri nauðung og án samþykkis hennar haft önnur kynferðismök en samræði við konuna.

Ákærði er sakaður um að hafa afklætt sig, farið upp í rúm til konunnar, lagst ofan á hana og haldið fastri. Hann hafi kysst hana á munninn og um allan líkama, þuklað á henni þar á meðal bæði á brjóstum og kynfærum. Þá hafi hann endurtekið sett fingur inn í leggöngu hennar og reynt að þröngva getnaðarlimi sínum inn í leggöng hennar.

Fram kemur í ákærunni að konan hafi sagt ákærða að hún vildi þetta ekki og barist á móti honum. Meðal annars með því að reyna að ýta manninum af sér og klemma saman lærin. Hún hafi svo náð að komast undan manninum og flýja úr herberginu.

Lágmarksrefsing við brotum karlmannsins er eins árs fangelsi en hámarksrefsing sextán ár.