Viðskipti innlent

Mastodon innbyggður í Vivaldi

Samúel Karl Ólason skrifar
Notendur Vivaldi hafa nú beinan aðgang að Mastodon í gegnum vafrann.
Notendur Vivaldi hafa nú beinan aðgang að Mastodon í gegnum vafrann. Vivaldi

Vivaldi er orðinn fyrsti vafrinn sem er með samfélagsmiðilinn Mastodon innbyggðan í kóða vafrans. Það er meðal annarra breytinga sem gerðar hafa verið á vafranum.

Vinsældir Mastodon hafa aukist verulega á undanförnum vikum, í kjölfar þess að auðjöfurinn Elon Musk eignaðist Twitter. Margir telja Mastodon vera góðan valkost í stað Twitter.

Í síðasta mánuði tók Vivaldi sérstakan vefþjón fyrir Mastodon í notkun en nú hefur bætt um betur. Vivaldi Social veitir notendum beinan aðgang að Mastodon.

Áhugasamir geta fundið frekari upplýsingar á vef Vivaldi.

Verndun persónuupplýsina hefur lengi verið í forgangi hjá Vivaldi.

Frumkvöðullinn Jón von Tetzchner er forstjóri Vivaldi. Fyrirtækið er með höfuðstöðvar í Osló en fyrirtækið er einnig með starfsstöð á Eiðistorgi á Seltjarnarnesi og í Boston í Bandaríkjunum.

Samfélagsmiðlar Netöryggi

Tengdar fréttir

Vivaldi fyrsti vafrinn fyrir Android Automotive OS

Vafrinn Vivaldi er nú í boði í Polestar 2 og er fyrst vafrinn sem fáanlegur er í Android-stýrikerfi fyrir bíla, Android Automotive OS. Um samstarf við sænska rafmagnsbílaframleiðandann Polestar er að ræða.

Vivaldi með nýjungar til að forðast gagnasöfnun tæknirisa

Í fréttatilkynningu frá Vivaldi segir að með nýrri útgáfu vafrans, Vivaldi 4.0 sem kynnt er til sögunnar í dag, bjóðist notendum enn fleiri þjónustur en áður sem gerir fólki kleift að forðast upplýsingaöflun gagnaheildsala og tæknirisa.



Mest lesið


Fleiri fréttir

Sjá meira


×

Mest lesið