Katrín og Lilja þráspurðar um ábyrgð og mögulegt vanhæfi Bjarna Hólmfríður Gísladóttir skrifar 30. nóvember 2022 11:13 Katrín sagði Bjarna hafa axlað ábyrgð með því að knýja á um birtingu kaupendalistans og biðja um skýrslu um málið. Þórunn Sveinbjarnardóttir, formaður nefndarinnar, var hins vegar ekki lengi að skjóta til baka að það að biðja um skýrslu félli varla undir það að axla ábyrgð. Vísir/Vilhelm Katrín Jakobsdóttir forsætisráðherra varði miklum hluta fyrirspurnatíma á fundi með stjórnskipunar- og eftirlitsnefnd í að svara fyrir möguleg afglöp Bjarna Benediktssonar, fjármála- og efnahagsráðherra. Forsætisráðherra og Lilja Alfreðsdóttir viðskiptaráðherra voru boðaðar á fund nefndarinnar í dag til að svara spurningum nefndarmanna um söluna á hlut ríkisins í Íslandsbanka 22. mars síðastliðinn. Báðar voru Katrín og Lilja sammála þeim sjónarmiðum að mikið hefði skort á gegnsæi og upplýsingagjöf í tengslum við söluna og sögðu ráðherra ítrekað hafa gengið á eftir því að kaupendalistinn yrði gerður opinber. Margar, ef ekki flestar, spurningar þingmanna vörðuðu ábyrgð og hæfi Bjarna Benediktssonar fjármála- og efnahagsráðherra. Lilja greindi enn fremur frá því að það hefði „fokið í hana“ þegar listinn var birtur, ekki síst með tilliti til þess hvernig staðið var að valinu á svokölluðum „fagfjárfestum“ og hversu lágar upphæðirnar hefðu verið í mörgum tilvikum. Aðspurð sagðist Lilja standa við þá sannfæringu sína að almennt útboð væri heppilegri leið en tilboðsleiðin en það gekk lítið hjá Þórhildi Sunnu Ævarsdóttur, þingmanni Pírata, að fá það á hreint hjá ráðherrunum hvort „tilboðssala“, sem fjallað er um í greinargerð með frumvarpinu sem varð að lögum nr. 155/2012 um sölumeðferð eignarhluta ríkisins í fjármálafyrirtækjum, væri það sama og „tilboðsaðferð“. Þórhildur Sunna vitnaði í umrædda greinargerð þegar spurt var um ábyrgð fjármálaráðherra á söluferlinu, í ljósi þess að náin ættingi, faðir Bjarna, var meðal kaupenda. Spurði þingmaðurinn ítrekað að því hvort það hefði ekki verið skylda ráðherra að athuga hæfi sitt áður en hann samþykkti söluna að tillögu Bankasýslunnar. Forsætisráðherra sagði það ekki hafa verið hlutverk Bjarna að yfirfara kaupendalistann, enda hefðu lög um sjálfstæða Bankasýsluna verið sett með það í huga að „armslengd“ væri á milli stofnunarinnar og stjórnmálanna, það er að segja ráðherra. Lilja sagðist ekki hafa viljað viðrað efasemdir sínar um tilboðsaðferðina opinberlega til að hafa ekki áhrif á viðskipti með bréf í bankanum.Vísir/Vilhelm Þórhildur Sunna benti hins vegar á að í greingargerðinin með lögum nr 155/2012 kæmi fram að sala hluta með útboði eða skráning bréfa í kauphöll væri ferli sem væri frábrugðið hefðbundinni tilboðssölu, til dæmis fælu almennt útboð eða skráning bréfa ekki í sér „mat á einstaka tilboðum eða eiginlegar samningaviðræður við einstaka kaupendur“. Þannig mætti lesa úr greinargerðinni að tilboðssala fæli í sér mat á einstaka tilboðum og eiginlegar samningaviðræður en þess er einnig getið í greinargerðinni að ráðherra taki ákvörðun um samþykki eða höfnin tilboða fyrir hönd ríkisins, eins og eðilegt megi teljast. Katrín ítrekaði þá afstöðu sína að það væri í raun óeðlilegt ef ráðherra hefði það á sínum höndum að samþykkja eða hafna einstaka kaupendur. Sigmar Guðmundsson, þingmaður Viðreisnar, benti hins vegar á að spurningin snérist ekki um val fjármálaráðherra á einstaka kaupendum, heldur hvort hann hefði verið hæfur til að taka lokaákvörðun um söluna þegar faðir hans var í kaupendahópnum. Forsætisráðherra og viðskiptaráðherra voru báðar spurðar að því hvernig þær sæju framhaldið fyrir sér, það er að tilhögun á sölu á öðrum eignarhlutum ríkisins í fjármálastofnunum. Báðar sögðust bíða skýrslu fjármálaeftirlits Seðlabanka Íslands um söluna í vor og voru þær sammála um að tryggja þyrfti gagnsæi og upplýsingagjöf. Þá voru Katrín og Lilja báðar á því að flest þeirra markmiða sem sett voru fyrir söluna hefðu náðst. Ríkisstjórn Katrínar Jakobsdóttur Salan á Íslandsbanka Efnahagsmál Íslenskir bankar Mest lesið Nota 130 milljón dala gjöf til að greiða hermönnum laun Erlent Maður varð fyrir skoti í Árnessýslu Innlent Bíll fór í sjóinn á Ísafirði Innlent Útspil bankans sýni að dómurinn auki samkeppni Innlent Grunsamleg útboð í samráði sem gæti verið víðtækt Innlent Nýtt fíkniefni læðist inn á íslenskan markað Innlent Fundu verksmiðju fyrir ólögleg þyngdarstjórnunarlyf Erlent Bandaríkjamenn ræsa út stærsta flugmóðurskip heims Erlent Sakaðir um blekkingar vegna skipaganganna Erlent Grímuklæddur og ofurölvi í slagsmálum Innlent Fleiri fréttir Grímuklæddur og ofurölvi í slagsmálum Útspil bankans sýni að dómurinn auki samkeppni Bíll fór í sjóinn á Ísafirði Maður varð fyrir skoti í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Sjá meira
Forsætisráðherra og Lilja Alfreðsdóttir viðskiptaráðherra voru boðaðar á fund nefndarinnar í dag til að svara spurningum nefndarmanna um söluna á hlut ríkisins í Íslandsbanka 22. mars síðastliðinn. Báðar voru Katrín og Lilja sammála þeim sjónarmiðum að mikið hefði skort á gegnsæi og upplýsingagjöf í tengslum við söluna og sögðu ráðherra ítrekað hafa gengið á eftir því að kaupendalistinn yrði gerður opinber. Margar, ef ekki flestar, spurningar þingmanna vörðuðu ábyrgð og hæfi Bjarna Benediktssonar fjármála- og efnahagsráðherra. Lilja greindi enn fremur frá því að það hefði „fokið í hana“ þegar listinn var birtur, ekki síst með tilliti til þess hvernig staðið var að valinu á svokölluðum „fagfjárfestum“ og hversu lágar upphæðirnar hefðu verið í mörgum tilvikum. Aðspurð sagðist Lilja standa við þá sannfæringu sína að almennt útboð væri heppilegri leið en tilboðsleiðin en það gekk lítið hjá Þórhildi Sunnu Ævarsdóttur, þingmanni Pírata, að fá það á hreint hjá ráðherrunum hvort „tilboðssala“, sem fjallað er um í greinargerð með frumvarpinu sem varð að lögum nr. 155/2012 um sölumeðferð eignarhluta ríkisins í fjármálafyrirtækjum, væri það sama og „tilboðsaðferð“. Þórhildur Sunna vitnaði í umrædda greinargerð þegar spurt var um ábyrgð fjármálaráðherra á söluferlinu, í ljósi þess að náin ættingi, faðir Bjarna, var meðal kaupenda. Spurði þingmaðurinn ítrekað að því hvort það hefði ekki verið skylda ráðherra að athuga hæfi sitt áður en hann samþykkti söluna að tillögu Bankasýslunnar. Forsætisráðherra sagði það ekki hafa verið hlutverk Bjarna að yfirfara kaupendalistann, enda hefðu lög um sjálfstæða Bankasýsluna verið sett með það í huga að „armslengd“ væri á milli stofnunarinnar og stjórnmálanna, það er að segja ráðherra. Lilja sagðist ekki hafa viljað viðrað efasemdir sínar um tilboðsaðferðina opinberlega til að hafa ekki áhrif á viðskipti með bréf í bankanum.Vísir/Vilhelm Þórhildur Sunna benti hins vegar á að í greingargerðinin með lögum nr 155/2012 kæmi fram að sala hluta með útboði eða skráning bréfa í kauphöll væri ferli sem væri frábrugðið hefðbundinni tilboðssölu, til dæmis fælu almennt útboð eða skráning bréfa ekki í sér „mat á einstaka tilboðum eða eiginlegar samningaviðræður við einstaka kaupendur“. Þannig mætti lesa úr greinargerðinni að tilboðssala fæli í sér mat á einstaka tilboðum og eiginlegar samningaviðræður en þess er einnig getið í greinargerðinni að ráðherra taki ákvörðun um samþykki eða höfnin tilboða fyrir hönd ríkisins, eins og eðilegt megi teljast. Katrín ítrekaði þá afstöðu sína að það væri í raun óeðlilegt ef ráðherra hefði það á sínum höndum að samþykkja eða hafna einstaka kaupendur. Sigmar Guðmundsson, þingmaður Viðreisnar, benti hins vegar á að spurningin snérist ekki um val fjármálaráðherra á einstaka kaupendum, heldur hvort hann hefði verið hæfur til að taka lokaákvörðun um söluna þegar faðir hans var í kaupendahópnum. Forsætisráðherra og viðskiptaráðherra voru báðar spurðar að því hvernig þær sæju framhaldið fyrir sér, það er að tilhögun á sölu á öðrum eignarhlutum ríkisins í fjármálastofnunum. Báðar sögðust bíða skýrslu fjármálaeftirlits Seðlabanka Íslands um söluna í vor og voru þær sammála um að tryggja þyrfti gagnsæi og upplýsingagjöf. Þá voru Katrín og Lilja báðar á því að flest þeirra markmiða sem sett voru fyrir söluna hefðu náðst.
Ríkisstjórn Katrínar Jakobsdóttur Salan á Íslandsbanka Efnahagsmál Íslenskir bankar Mest lesið Nota 130 milljón dala gjöf til að greiða hermönnum laun Erlent Maður varð fyrir skoti í Árnessýslu Innlent Bíll fór í sjóinn á Ísafirði Innlent Útspil bankans sýni að dómurinn auki samkeppni Innlent Grunsamleg útboð í samráði sem gæti verið víðtækt Innlent Nýtt fíkniefni læðist inn á íslenskan markað Innlent Fundu verksmiðju fyrir ólögleg þyngdarstjórnunarlyf Erlent Bandaríkjamenn ræsa út stærsta flugmóðurskip heims Erlent Sakaðir um blekkingar vegna skipaganganna Erlent Grímuklæddur og ofurölvi í slagsmálum Innlent Fleiri fréttir Grímuklæddur og ofurölvi í slagsmálum Útspil bankans sýni að dómurinn auki samkeppni Bíll fór í sjóinn á Ísafirði Maður varð fyrir skoti í Árnessýslu Ný viðbygging og hafragrautur í Hveragerði Grunsamleg útboð í samráði sem gæti verið víðtækt Stuttur fundur og hittast næst á mánudag Kvennaverkfall og lánabreytingar hjá Landsbanka Nýtt fíkniefni læðist inn á íslenskan markað Hóf störf of snemma eftir kvörtun vegna heimilisofbeldis Vara við vafasömum Excel-skjölum í umferð „bókstaflega út um allt“ Meinað að taka þátt þar sem hún þurfti að hafa barnið með sér Vill fund vegna „alvarlegrar stöðu“ á lánamarkaði Þingnefnd ræðir stöðuna á Grundartanga: „Þetta er bara óljóst“ Sjálfstæðismenn stefna á leiðtogaprófkjör í borginni Íslendingar meðal sakborninga en enginn í varðhaldi Bein útsending: Konur streyma á Arnarhól Blöskrar „vælið“ vegna Norðuráls Neita öllum ásökunum um samráð Leggja til breytingar við Reykjavíkurflugvöll eftir að lá við árekstri kennsluvéla Sættir sig ekki við sýknu tálbeitunnar Heimilar umferð um Vonarskarð Sennilegt að ástand Þingvallavegar hafi haft áhrif á aðdraganda banaslyss Miðla sögu jafnréttisbaráttunnar á Íslandi til útlanda Bein útsending: Nútíma kvennabarátta – Staða kvenna af erlendum uppruna á vinnumarkaði Dóra Björt stefnir á formanninn Þjóðin klofin í afstöðu til þess hvort jafnrétti kynjanna hafi verið náð Bein útsending: Umhverfismat vegna Sundabrautar kynnt Varnar- og öryggisstefna fyrir Ísland: Áhersla á Norðurslóðir, NATO og samstarf við Bandaríkin Allt að áttatíu þúsund mæti í miðbæinn og götulokanir í gildi Sjá meira