Handbolti

Óðinn Þór og Oddur með stórleiki

Runólfur Trausti Þórhallsson skrifar
Óðinn Þór í leik með KA. Hann skoraði níu mörk fyrir Kadetten í Sviss í kvöld.
Óðinn Þór í leik með KA. Hann skoraði níu mörk fyrir Kadetten í Sviss í kvöld. Vísir/Hulda Margrét

Óðinn Þór Ríkharðsson átti stórleik þegar Kadetten Schaffhausen vann Bern í svissnesku úrvalsdeildinni í handbolta í kvöld. Sömu sögu er að segja af Oddi Gretarssyni í þýsku B-deildinni.

Óðinn Þór skorðai níu mörk og var markahæstur í liði Kadetten sem vann fimm marka sigur á Bern, lokatölur 37-32. Var þetta 11. sigur liðsins í fyrstu 13 leikjum tímabilsins en Aðalsteinn Eyjólfsson er þjálfari liðsins.

Oddur skoraði 11 mörk í fimm marka sigri Balingen á Nordhorn í þýsku B-deildinni, lokatölur 29-24. Sex marka Odds komu af vítalínunni. Daníel Þór Ingason skoraði eitt mark í liði Balingen.

Þá skoraði Sveinn Andri Sveinsson þrjú mörk í tapi Empor Rostock fyrir Eisenach, lokatölur 31-23 Eisenach í vil. Hafþór Vignisson skoraði eitt mark í liði Rostock.

Handbolti Þýski handboltinn

Mest lesið


Fleiri fréttir

Sjá meira


×

Mest lesið