Þetta er í fjórtánda skiptið sem Murray tekur þátt á Wimbeldon-mótinu, en aldrei hefur hann fallið jafn snemma úr leik. Murray hefur fagnað sigri á þessu þekktasta tennismóti heims í tvígang.
Isner vann viðureignina að lokum 3-1 eftir að hafa unnið fyrstu tvö settin, 6-4 og 7-6, áður en Murray vann þriðja settið 7-6. Isner vann fjórða settið svo 6-4 og tryggði sér sigur í viðureigninni.
Hinn 35 ára Murray, sem hefur unnið þrjá risatitla á ferlinum og sat um tíma í efsta sæti heimslistans, er því úr leik á Wimbeldon-mótinu, en Josh Isner mætir Ítalanum Jannik Sinner í þriðju umferð.