Sport

Matthías náði sér ekki á strik gegn heimsmeistaranum

Hjörtur Leó Guðjónsson skrifar
Íslandsmeistarinn Matthías Örn mætti heimsmeistaranum Peter Wright í kvöld.
Íslandsmeistarinn Matthías Örn mætti heimsmeistaranum Peter Wright í kvöld. PDC

Pílukastarinn Matthias Örn Friðriksson náði sér ekki á strik gegn ríkjandi heimsmeistara Peter „Snakebite“ Wright á PDC Nordic Masters pílumótinu í Kaupmannahöfn í kvöld.

Vinna þurfti sex af ellefu leggjum til að sigra leikinn og heimsmeistarinn tryggði sér öruggan sigur með því að vinna fyrstu sex leggina.

Matthías þurfti því að sætta sig við 6-0 tap gegn einum af allra bestu pílukösturum heims, en Peter Wright er tvöfaldur heimsmeistari í íþróttinni.

Peter Wright er því á leið í átta manna úrslit mótsins þar sem hann mætir landa sínum Gary Anderson.

Pílukast

Mest lesið


Fleiri fréttir

Sjá meira


×

Mest lesið