Handbolti

Yfir­gefur Viggó til að taka við stöðu Viktors Gísla

Runólfur Trausti Þórhallsson skrifar
Viggó Kristjánsson og Tobias Thulin saman hjá Stuttgart. Thulin er nú á leið til GOG í Danmörku.
Viggó Kristjánsson og Tobias Thulin saman hjá Stuttgart. Thulin er nú á leið til GOG í Danmörku. Getty Images

Sænski markvörðurinn Tobias Thulin mun ganga í raðir danska handknattleiksfélagsins GOG í sumar. Á hann að fylla skarð Viktors Gísla Hallgrímssonar sem er á leið til Nantes í Frakklandi.

Hinn 21 árs gamli Viktor Gísli samdi við Nantes fyrr í vetur og mun ganga til liðs við franska stórliðið er samningur hans í Danmörku rennur út. Um er að ræða um stórt skref á ferli Viktors Gísla þar sem Nantes er eitt sterkasta lið Evrópu.

GOG hefur nú fundið arftaka Viktors Gísla þar sem hinn 26 ára gamli Svíi Tobias Thulin hefur skrifað undir tveggja ára samning við félagið. Hann kemur frá Stuttgart í Þýskalandi þar sem Viggó Kristjánsson er allt í öllu.

Thulin hefur leikið með Magdeburg og Stuttgart í Þýskalandi ásamt því að leika í heimalandinu. Hann vann Evrópudeildina með Magdeburg á síðasta ári. Þá var hann hluti af sænska landsliðinu sem hrósaði sigri á Evrópumótinu í handbolta fyrr á árinu.

Handbolti Þýski handboltinn Danski handboltinn

Mest lesið


Fleiri fréttir

Sjá meira


×

Mest lesið