Erlent

Hundrað manns látnir eftir regnstorm í norðaustur Brasilíu

Magnús Jochum Pálsson skrifar
Loftmynd yfir borginni Recife í Pernambuco-fylki í Brazilíu þar sem minnst hundrað manns hafa látist í flóðum.
Loftmynd yfir borginni Recife í Pernambuco-fylki í Brazilíu þar sem minnst hundrað manns hafa látist í flóðum. AP/Clauber Cleber Caetano

Tala látinna er komin upp í hundrað eftir regnstorm sem hrinti af stað flóðum og aurskriðum við borgina Recife í norðaustur Brasilíu.

Um 1.200 björgunarsveitarmenn á bátum og þyrlum leita að fólki sem er enn saknað eftir að heil fátækrahverfi sópuðust til í Pernambuco-fylki.

Undanfarið ár hafa hundruðir manna látist í flóðum og aurskriðum í Brasilíu. Í febrúarmánuði létust yfir 200 manns þegar flóð og skriðuföll lögðu borgina Petrópólis í rúst.

Að sögn CNN Brasil hafa næstum 4.000 manns misst heimili sín frá því að regnskúrar hófust á miðvikudaginn síðastliðinn.

Sérfræðingar hafa tengt regnstorma í Brasilíu við La Niña, flókið veðufræðilegt fyrirbæri í Kyrrahafinu, sem hefur haft áhrif á veðurfar um allan heim síðan það myndaðist árið 2020.

Frétt BBC.

Brasilía Náttúruhamfarir Loftslagsmál

Tengdar fréttir

Minnst 94 farist í brasilísku borginni Petrópolis

Minnst 94 hafa farist í skriðuföllum og skyndiflóðum í brasilísku borginni Petrópolis eftir að fossandi rigning skall á svæðinu sem staðsett er í fjallgarði norður af Rio de Janeiro.

Mest lesið


Fleiri fréttir

Sjá meira


×

Mest lesið