Yaroslava Mahuchikh clears 2.02m to win an emotional #WorldIndoorChamps high jump gold for Ukraine
— World Athletics (@WorldAthletics) March 19, 2022
Mahuchikh tryggði sér heimsmeistaratitilinn í hástökki kvenna með því að stökkva 2,02 metra og gera betur en Ástralinn Eleanor Patterson (2,00 metrar) og Kasakinn Nadezhda Dubovitskaya (1,98 metrar).
Þessi tvítuga úkraínska frjálsíþróttakona er nefnilega búin að upplifa afar erfiða tíma síðustu vikur eftir að hún þurfti að flýja heimili sitt í Dnipro eftir innrás Rússa í Úkraínu.
Fyrir þremur vikum þá flúði hún heimaborga sína og ferðaðist um tvö þúsund kílómetra leið í bíl til Belgrad í Serbíu. Ferðalagið tók þrjá daga en hún þurfti meðal annars að fela sig í kjallara á leiðinni.
The world was cheering on Yaroslava Mahuchikh
— CITIUS MAG (@CitiusMag) March 19, 2022
Gold in the women s high jump for Ukraine at the #WorldIndoorChamps after a long journey to even get to the start
(h/t @KatharineMerry) pic.twitter.com/TJo1dlZ6k5
Hún ferðaðist alla þessa leið með það markmið að ná því að keppa á heimsmeistaramótinu. Ekki beint draumaundirbúningur fyrir íþróttamann en henni tókst engu að síður að stökkva hærra en allir í hástökkskeppninni.
Hún var ekki að ná góðum árangri í fyrsta sinn því hún varð önnur á HM 2019 og í þriðja sæti á Ólympíuleikunum í Tókýó.
Úkraína eignaðist tvo verðlaunahafi á heimsmeistaramótinu í ár því Maryna Bekh-Romanchuk vann silfurverðlaun í þrístökkinu þar sem Yulimar Rojas frá Venesúela setti heimsmet og vann gull.
Congratulations girls!
— Euromaidan Press (@EuromaidanPress) March 21, 2022
In an amazing moment, Ukrainian athletes won 2 medals at the World Indoor Athletics Championships in Belgrade!
Gold:Yaroslava Mahuchikh (high jump, 2.02m)
Silver:Maryna Bekh-Romanchuk (triple jump, 14.74m)
#StandWithUkraine pic.twitter.com/kspL7AK6N4
Auðvitað hjálpaði það Yaroslavu að þurfa ekki að keppa við hina rússnesku Mariya Lasitskene. Rússum var bannað að taka þátt í heimsmeistaramótinu vegna innrásar þeirra í Úkraínu. Lasitskene var ríkjandi heims- og Ólympíumeistari.