Lærisveinar Guðjóns Vals áfram á sigurbraut

Elliði Snær Vignisson skoraði tvö mörk fyrir lærisveina Guðjóns Vals Sigurðssonar í Gummersbach. Hákon Daði Styrmisson lék ekki í kvöld en hann verður frá út leiktíðina vegna meiðsla.

Í liði Emsdetten skoraði Örn Vésteinsson, sonur Vésteins Hafsteinssonar, tvö mörk en hann samdi við liðið fyrr á þessu ári. Anton Rúnarsson komst ekki á blað.

Gummersbach er sem fyrr í toppsæti þýsku B-deildarinnar með 38 stig, sjö stigum á undan liðinu sem er í 3. sæti þegar 24 leikjum er lokið en efstu tvö lið deildarinnar fara upp í þýsku úrvalsdeildina.