35 sjúk­lingar nú á Land­spítala með Co­vid-19

Á vef Landspítala segir að líkt og í gær eru þrír á gjörgæslu, allir í öndunarvél. 

Af þeim 35 sem eru inniliggjandi eru tólf óbólusettir og 23 hafa verið bólusettir að minnsta kosti einu sinni.

Meðalaldur innlagðra er 65 ár.

9.345 sjúklingar eru í Covid-göngudeild spítalans, þar af 3.257 börn. Í gær var staðan sú að 8.815 sjúklingar voru í Covid-göngudeild spítalans, þar af 3.150 börn.

Frá upphafi fjórðu bylgju, 30. júní 2021, hafa verið 355 innlagnir vegna COVID-19 á Landspítala.

165 starfsmenn Landspítala eru nú einangrun, samanborið við 163 í gær.