Innlent

45 sjúk­lingar á Land­spítala með Co­vid-19

Atli Ísleifsson skrifar
Meðalaldur innlagðra með Covid-19 á Landspítala er 62 ár.
Meðalaldur innlagðra með Covid-19 á Landspítala er 62 ár. Vísir/Vilhelm

45 sjúklingar liggja á Landspítala með Covid-19 og hefur þeim fjölgað um sex milli daga.

Frá þessu segir á vef Landspítalans. Þar segir að sjö séu nú á gjörgæslu og fjórir þeirra í öndunarvél. Fimm þeirra sem eru á gjörgæslu eru óbólusettir og tveir bólusettir.

Meðalaldur innlagðra er 62 ár.

8.551 sjúklingur er í Covid-göngudeild spítalans, þar af 2.558 börn. Í gær var staðan sú að 8.521 sjúklingur var í Covid-göngudeild spítalans og þar af 2.530 börn.

Frá upphafi fjórðu bylgju, 30. júní 2021, hafa verið 318 innlagnir vegna COVID-19 á Landspítala.

150 starfsmenn Landspítalans eru nú í einangrun samanborið við 183 í gær. 

Faraldur kórónuveiru (COVID-19) Landspítalinn

Mest lesið


Fleiri fréttir

Sjá meira


×

Mest lesið