Fótbolti

Meiddist á æfingu og fór ekki með til Ítalíu

Runólfur Trausti Þórhallsson skrifar
Victor Lindelöf mun ekki aðstoða Harry Maguire og David de Gea í vörninni gegn Atalanta annað kvöld.
Victor Lindelöf mun ekki aðstoða Harry Maguire og David de Gea í vörninni gegn Atalanta annað kvöld. Catherine Ivill/Getty Images

Sænski miðvörðurinn Victor Lindelöf verður ekki í byrjunarliði Manchester United er liðið sækir Atalanta heim í Meistaradeild Evrópu annað kvöld.

Lindelöf hafði komið inn í lið Man United eftir að Raphaël Varane meiddist. Hélt hann svo sæti sínu er Ole Gunnar Solskjær, þjálfari liðsins, stillti upp í þriggja miðvarða kerfi gegn Tottenham Hotspur um helgina.

Svíinn verður hins vegar fjarri góðu gamni er Man Utd mætir Atalanta í Bergamo annað kvöld en hann meiddist á æfingu og ferðaðist ekki með liðinu til Ítalíu.

Man Utd er sem stendur efst í F-riðli með sex stig er þremur umferðum er lokið. Villareal og Atalanta eru með fjögur stig á meðan Young Boys rekur lestina með þrjú stig. Þeirra eini sigur kom gegn Man Utd í fyrstu umferð.

Fótbolti Enski boltinn Meistaradeild Evrópu í fótbolta karla

Mest lesið


Fleiri fréttir

Sjá meira


×

Mest lesið