Innlent

Lést vegna Covid-19 en lá inni af öðrum ástæðum

Kolbeinn Tumi Daðason skrifar
Einstaklingurinn lést á Landspítalanum um helgina.
Einstaklingurinn lést á Landspítalanum um helgina. Vísir/Hanna

Einstaklingurinn sem lést á Landspítalanum af völdum Covid-19 um helgina var lagður inn á spítalann af öðrum orsökum. Þetta kemur fram á vef Landspítalans.

Alls hafa 34 látist hér á landi í tengslum við Covid-19 frá upphafi faraldursins.

13 sjúklingar liggja á Landspítala vegna COVID-19, allir fullorðnir. Sex eru óbólusettir. Tveir eru á gjörgæslu, báðir í öndunarvél. Meðalaldur inniliggjandi er 56 ár.

946 sjúklingar, þar af 238 börn, í COVID göngudeild spítalans. Nýskráðir þar í gær voru 53 fullorðnir og 22 börn.

Frá upphafi fjórðu bylgju, 30. júní 2021, hefur verið 151 innlögn vegna COVID-19 á Landspítala.

Fimm sjúklingar og tveir starfsmenn greindust með Covid-19 í hópsýkingu sem kom upp á hjartadeild Landspítalans í síðustu viku. 

Faraldur kórónuveiru (COVID-19) Landspítalinn

Tengdar fréttir

Mest lesið


Fleiri fréttir

Sjá meira


×

Mest lesið