Sigrar hjá Íslendingaliðunum

Arnór Þór Gunnarsson skoraði þrjú mörk í tíu marka sigri Bergischer í dag, lokatölur 30-20. Bergischer er í 8. sæti deildarinnar með níu stig að loknum átta leikjum.

Gummersbach vann sex marka heimasigur á Tusem Essen í B-deild þýska handboltans í dag, lokatölur 29-23 lærisveinum Guðjóns Vals Sigurðssonar í vil. 

Hákon Daði Styrmisson skoraði fjögur mörk úr leiknum og Elliði Snær Vignisson skoraði tvö ásamt því að gefa eina stoðsendingu.

Gummersbach er nú með þriggja stiga forystu á toppi deildarinnar en liðið er með 16 stig að níu leikjum loknum.