Hvað á dýravinur að kjósa? Valgerður Árnadóttir skrifar 6. september 2021 11:32 Píratar eru græn hreyfing og fá hæstu einkunn Sólarinnar, kvarða Ungra umhverfissinna, um umhverfis- og loftslagsstefnur allra flokka í framboði til alþingiskosninga. En það sem fáir vita og sennilega enginn er að mæla er hvar er helst að finna grænkeravænar stefnur. Hvar standa flokkarnir þegar kemur að dýravernd og dýraeldi? Hvað á dýravinur að kjósa? Sjálf er ég grænkeri og þegar ég fór að rýna í flokkana fyrir 4 árum þá fann ég engan sem var að leggja áherslu á dýravernd. Það var varla minnst á þá staðreynd að villt dýralíf er í bráðri útrýmingarhættu vegna ágangs mannsins og hvergi minnst á slæmar aðstæður dýra í verksmiðjubúskap. Ég fann hreinlega hvað það var mikið tabú að einu sinni minnast á það. Allir flokkar voru svo hræddir um að verða óvinsælir að þeir þorðu ekki að snerta þetta málefni. En svo kynntist ég nokkrum Pírötum sem voru á sömu bylgjulengd og ég. Þau voru búin að vinna í dýravelferðarmálum og vildu gera enn betur. Í fyrsta sinn fann ég samhljóm með fólki í pólitík og ákvað að gefa Pírötum séns og afrakstur þess má sjá mörgum stefnum Pírata Landbúnaður og græn umskipti Um 13% losunar gróðurhúsalofttegunda á Íslandi er hægt að rekja beint til landbúnaðar og munar þar mest um metanropa jórturdýra. Metanið, sem er tuttugu til þrjátíu sinnum öflugri gróðurhúsalofttegund en koltvísýringur, verður til við iðragerjun í meltingarfærum þeirra. Um 83% losunar frá íslenskum landbúnaði skrifast á sauðfjár- og nautgripabú. Græn umskipti í matvælaframleiðslu kalla á breyttar neysluvenjur og breyttu styrkjakerfi í landbúnaði. Við ætlum að setja markmið um að draga úr neyslu á dýraafurðum, sem eru þau matvæli sem hafa stærsta vistsporið. Við styðjum þau markmið með afgerandi grænum skrefum í öllum opinberum mötuneytum. Við ætlum að tryggja bændum sem fara í græn umskipti grunnframfærslu og hvatastyrki. Þá ætlum við að stuðla að innleiðingu nýrrar tækni á borð við kjötrækt og lóðrétta ræktun, svo hún verði samkeppnishæf við önnur framleidd matvæli. VIð ætlum að endurskoða landbúnaðarstefnu með markmið um samdrátt í losun gróðurhúsalofttegunda að teknu tilliti til losunar frá dýrahaldi, jarðrækt, innflutningi hráefnis og tækja og samanburði við innflutta erlenda framleiðslu. Þá ætlum við að leggja af niðurgreiðslur til innlendrar matvælaframleiðslu með hátt kolefnisspor. Aukin áhersla á plöntufæði Píratar ætla jafnframt að stóraukaylrækt og jarðrækt á plöntufæði - grænmeti, korni og baunum - með hvatastyrkjum, lægra raforkuverði til grænnar framleiðslu og innleiðingu þriggja fasa raforku um allt land. Píratar telja að löggjafarvaldið eigi að móta heildræna langtímasýn um grænan landbúnað og matvælaframleiðslu, ásamt flutningi og vinnslu hráefna og matvæla fyrir neytendamarkað. Sérfræðingar á sviði umhverfis- og loftslagsmála, landbúnaðarmála og matvælaþróunar skulu vera leiðandi í stefnumótunarferlinu. Þá ætlum við að styðja við nýsköpun, rannsóknir og þróun í vistvænum landbúnaði, frumframleiðslu matvæla og annarri matvælavinnslu á Íslandi, þannig að allir einstaklingar og fyrirtæki geti sótt hvatastyrki til að ná árangri í að skapa blómlegan landbúnað og öflugan matvælamarkað fyrir neytendur á Íslandi. Dýravernd og dýraréttindi Við ætlum að setja ákvæði um dýravernd í stjórnarskrá og varúðarákvæði í löggjöf þannig að velferð dýra njóti vafans í ákvarðanatöku er varðar dýrahald, að hagur dýranna sé ætíð hafður að leiðarljósi. Efla embætti yfirdýralæknis þannig að það geti unnið sjálfstætt að eftirliti, fræðslu, gagnaöflun og faglegri stjórnsýslu varðandi dýravelferð. Stjórnsýsla dýravelferðar skal vera óháð stjórnsýslu matvælaöryggis. Auka þarf valdheimildir til að sinna velferð dýra. Við viljum vernda, endurheimta og stuðla að sjálfbærri nýtingu landvistkerfa, sjálfbærri stjórnun skóga, berjast gegn eyðimerkurmyndun, stöðva og snúa við jarðvegseyðingu og sporna við hnignun líffræðilegs fjölbreytileika. Nauðsynlegt er að sporna við lausagöngu búfjár, þá sérstaklega sauðfjár, í markvissum skrefum. Þá ætlum við að endurskoða lög um villt dýr og fugla á Íslandi til að tryggja vernd þeirra. Spendýr í sjó eiga að njóta sömu verndar og spendýr á landi, þ.m.t. selir og hvalir. Banna skal veiði á villtum dýrum sem eru á válista, þ.m.t. veiði á heimskautaref, lunda, sel og hval, í samræmi við varúðarregluna. Andrés Ingi Jónsson, þingmaður Pírata og frambjóðandi í Reykjavík norður, hefur beitt sér fyrir þessu á þingi og mun halda áfram að gera það hljóti hann kosningu. Reglur og úrræði fyrir velferð allra húsdýra, með áherslu á alifugla, svín og loðdýra eiga að taka mið af þörfum dýranna til rýmis, loftgæða, heilsu og eðlislægra þarfa t.d. útivist. Ef ekki er unnt að mæta þörfum dýranna er ekki grundvöllur fyrir dýrahaldinu. Þá viljum við að öll loðdýrarækt verði hætt fyrir 1. janúar 2023, engin ný leyfi útgefin eða ræktun aukin á tímabilinu þar til algjört bann tekur gildi. Framtíð matvælaframleiðslu á sjávarfangi Helstu næringarefni sem við fáum úr fiski koma úr fæðunni þeirra, smáþörungum. Í þeim má finna hátt hlutfalls prótíns, lífsnauðsynlegar amínósýrur og fitusýrur, þar á meðal omega- 3,6 og 7, ásamt vítamínum. Smáþörungar eru ofurfæða og Píratar vilja efla rannsóknir og þróun á smáþörungum til neyslu. Þróun fiskeldis við Ísland er komin í óefni. Fiskeldi er ekki framtíð matvælaframleiðslu og umgjörð starfseminnar þarf að taka mið af því. Píratar vilja takmarka mjög leyfisveitingar á sjókvíaeldi og sjá til þess að það eldi sem nú fer fram í opnum kvíum verði flutt í lokaðar kvíar hið fyrsta eða verði gert að hætta starfssemi. Ef Íslendingar ætla sér að halda áfram að stunda fiskeldi gera Píratar þá lágmarkskröfu að það fari fram á landi. Kjötrækt Talandi um framtíðina: Píratar ætla að styðja fyrirtæki, stofnanir og einstaklinga til að leita nýrra leiða í umhverfisvænni matvælaframleiðslu sem felur ekki í sér dýraeldi. Til að mynda ætlum við að efla rannsóknir og þróun á kjötrækt, aðferð til þess að búa til kjöt án þess að slátra þurfi dýri. Björn Leví Gunnarsson, þingmaður og oddviti Pírata í Reykjavík suður, hefur barist fyrir aukinni áherslu á kjötrækt hér á landi og hefur gert þingsályktunartillögur til að þetta verði að veruleika. Kjötrækt er einfaldlega framtíðin. „Tilhugsun sem mörgum þykir kannski furðuleg í dag, en tæknin er þegar til staðar og henni fleygir hratt fram,“ eins og Björn Leví skrifaði á dögunum. Árangur í meirihlutasamstarfi Pírata í Reykjavík Þegar Píratar gengu í meirihlutasamstarf í Reykjavíkurborg árið 2018 var eitt af skilyrðunum að innleidd yrði Matarstefna Reykjavíkurborgar. Í stefnunni má finna markmið um aukna fæðu úr jurtaríkinu í mötuneytum borgarinnar. Ein af aðgerðum til að ná því markmiði er að grænkeraréttir eða grænkeraútgáfa af rétti dagsins, standi til boða í öllum stærri mötuneytum borgarinnar og að kolefnisspor matvæla skuli mælt og miðlað. Hugmynd Halldórs Auðar Svanssonar, fyrrv. borgarfulltrúa og núverandi 3. sæti á lista Reykjavík Suður, um Dýraþjónustu Reykjavíkur varð jafnframt að veruleika í kjölfar þess að við Píratar komum henni í meirihlutasáttmála 2018 og hefur hún tekið til starfa í Reykjavík. Dýraþjónustan (DÝR) ber ábyrgð á neyðarsíma, eftirliti með dýrahaldi og villtum dýrum í borginni, þjónustu og samskiptum við gæludýraeigendur, leyfisveitingum og framfylgd samþykkta borgarinnar um gæludýrahald. Vegna þessarar vinnu hafa hundagjöld lækkað um helming, hundahald verið formlega leyft, stutt veglega við uppbyggingu hundagerða, hundaeftirlitið hefur verið lagt niður og málefni katta færð frá meindýraeyði til DÝR. Samhliða er verið að þróa áfram Húsdýragarðinn svo hann verði rekinn að fyrirmynd dýraathvarfa í stað fyrri stefnu um „bóndabýli í bæ,“ selalaugin verður stækkuð til að betur fari um selina sem þar eru fyrir. Það á þó hvorki að láta þá seli fjölga sér né veiða nýja seli til búsetu þar, í framtíðinni verður laugin notuð fyrir dýr í neyð eins og kópinn Kára. Sigurborg Ósk Haraldsdóttir, fyrrv. borgarfulltrúi Pírata, kom því í gegn sem finna má í stefnu okkar að selir fái friðhelgi á strandsvæðum og við árósa í Reykjavík og jafnframt að allri veiði á bæði land- og útsel verði hætt innan lögsögu borgarinnar. Flokkur aðgerða Það sem ég týni til hér að ofan er tekið beint úr samþykktum stefnum Pírata sem má kynna sér betur hér: Umhverfis- og loftslagsstefna, Dýrahald og velferð dýra, Fiskeldisstefna, Matvæla- og landbúnaðarstefna, Stefna um dýraþjónustu og Dýravelferð- Reykjavíkurborg.Það er ekki í boði fyrir flokka sem kalla sig græn og vilja láta taka sig alvarlega að leggja ekki áherslu á breytt landbúnaðarstyrkjakerfi með hliðsjón af breyttum matarvenjum. Það vita það allir að slíkar áherslur breytast ekki í ríkisstjórn með Sjálfstæðisflokknum og öðrum flokkum sem fengu falleinkunn í mati Sólarinnar. Ég er grænkeri og hagsmunir náttúru og dýra eru mitt leiðarljós. Ég á heima í Pírötum vegna þess að flokkurinn leggur raunverulega áherslu á þessi mál, sem sést t.d. í því að loftslagsmál, náttúru- og dýravernd eru hluti af sjálfri efnahagsstefnu flokksins. Vegna þess og fólksins sem ég hef kynnst og starfað með síðastliðin 4 ár þá treysti ég Pírötum best til að grípa til raunverulegra aðgerða í málaflokknum. Höfundur er í 4. sæti á lista í Reykjavíkurkjördæmi Norður og annar varaborgarfulltrúi Pírata í Reykjavík. Viltu birta grein á Vísi? Sendu okkur póst. Senda grein Valgerður Árnadóttir Skoðun: Kosningar 2021 Píratar Alþingiskosningar 2021 Dýraheilbrigði Mest lesið Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun Skýr stefna um málfrelsi Róbert H. Haraldsson Skoðun Munar þig um 5-7 milljónir árlega? Jón Pétur Zimzen Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun Kosningar í september Guðveig Lind Eyglóardóttir Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun Framtíð nemenda í Kópavogi í fyrsta sæti Halla Björg Evans Skoðun Keldnaland – fjölmenn hverfi í mótun Þorsteinn R. Hermannsson Skoðun Olíuleit á Drekasvæði - tilvistarleit Halldór Reynisson Skoðun Skoðun Skoðun Lesblindir og stuðningur í skólum Snævar Ívarsson skrifar Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar Skoðun Rýnt í stöðu kvenna með örorkulífeyri Huld Magnúsdóttir skrifar Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar Skoðun Olíuleit á Drekasvæði - tilvistarleit Halldór Reynisson skrifar Skoðun Kosningar í september Guðveig Lind Eyglóardóttir skrifar Skoðun Þegar orkuöflun er sett á ís - dæmið frá Suður-Afríku Hallgrímur Óskarsson skrifar Skoðun Framtíð nemenda í Kópavogi í fyrsta sæti Halla Björg Evans skrifar Skoðun Skýr stefna um málfrelsi Róbert H. Haraldsson skrifar Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar Skoðun Munar þig um 5-7 milljónir árlega? Jón Pétur Zimzen skrifar Skoðun Keldnaland – fjölmenn hverfi í mótun Þorsteinn R. Hermannsson skrifar Skoðun Eflum traustið Helgi Áss Grétarsson,Marta Guðjónsdóttir skrifar Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar Skoðun Hver er kjarninn í samfélagi sem selur hjarta sitt? Trausti Breiðfjörð Magnússon skrifar Skoðun Seljum börnum nikótín! Hugi Halldórsson skrifar Skoðun Sundrung á vinstri væng Jökull Sólberg Auðunsson skrifar Skoðun Þegar samfélagið missir vinnuna Hrafn Splidt Þorvaldsson skrifar Skoðun Akademískt frelsi og ókurteisi Kolbeinn H. Stefánsson skrifar Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar Skoðun Yfir hverju er verið að brosa? Árni Kristjánsson skrifar Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar Skoðun Stjórnvöld sem fjárfestatenglar Baldur Thorlacius skrifar Skoðun Ákall til ESB-sinna: Hvar eru undanþágurnar? Einar Jóhannes Guðnason skrifar Skoðun Er ég ömurlegt foreldri ef ég segi nei við barnið mitt? Stefán Þorri Helgason skrifar Skoðun Vindorkuvæðing í skjóli nætur Kristín Helga Gunnarsdóttir skrifar Skoðun Þátttökuverðlaun Þórdísar Ragnar Þór Pétursson skrifar Skoðun Fjármálaráðherra búinn að segja A Ögmundur Jónasson skrifar Skoðun Hagfræði-tilgáta ómeðtekin Karl Guðlaugsson skrifar Skoðun Ótryggt aðgengi á Veðurstofureit Friðjón R. Friðjónsson skrifar Sjá meira
Píratar eru græn hreyfing og fá hæstu einkunn Sólarinnar, kvarða Ungra umhverfissinna, um umhverfis- og loftslagsstefnur allra flokka í framboði til alþingiskosninga. En það sem fáir vita og sennilega enginn er að mæla er hvar er helst að finna grænkeravænar stefnur. Hvar standa flokkarnir þegar kemur að dýravernd og dýraeldi? Hvað á dýravinur að kjósa? Sjálf er ég grænkeri og þegar ég fór að rýna í flokkana fyrir 4 árum þá fann ég engan sem var að leggja áherslu á dýravernd. Það var varla minnst á þá staðreynd að villt dýralíf er í bráðri útrýmingarhættu vegna ágangs mannsins og hvergi minnst á slæmar aðstæður dýra í verksmiðjubúskap. Ég fann hreinlega hvað það var mikið tabú að einu sinni minnast á það. Allir flokkar voru svo hræddir um að verða óvinsælir að þeir þorðu ekki að snerta þetta málefni. En svo kynntist ég nokkrum Pírötum sem voru á sömu bylgjulengd og ég. Þau voru búin að vinna í dýravelferðarmálum og vildu gera enn betur. Í fyrsta sinn fann ég samhljóm með fólki í pólitík og ákvað að gefa Pírötum séns og afrakstur þess má sjá mörgum stefnum Pírata Landbúnaður og græn umskipti Um 13% losunar gróðurhúsalofttegunda á Íslandi er hægt að rekja beint til landbúnaðar og munar þar mest um metanropa jórturdýra. Metanið, sem er tuttugu til þrjátíu sinnum öflugri gróðurhúsalofttegund en koltvísýringur, verður til við iðragerjun í meltingarfærum þeirra. Um 83% losunar frá íslenskum landbúnaði skrifast á sauðfjár- og nautgripabú. Græn umskipti í matvælaframleiðslu kalla á breyttar neysluvenjur og breyttu styrkjakerfi í landbúnaði. Við ætlum að setja markmið um að draga úr neyslu á dýraafurðum, sem eru þau matvæli sem hafa stærsta vistsporið. Við styðjum þau markmið með afgerandi grænum skrefum í öllum opinberum mötuneytum. Við ætlum að tryggja bændum sem fara í græn umskipti grunnframfærslu og hvatastyrki. Þá ætlum við að stuðla að innleiðingu nýrrar tækni á borð við kjötrækt og lóðrétta ræktun, svo hún verði samkeppnishæf við önnur framleidd matvæli. VIð ætlum að endurskoða landbúnaðarstefnu með markmið um samdrátt í losun gróðurhúsalofttegunda að teknu tilliti til losunar frá dýrahaldi, jarðrækt, innflutningi hráefnis og tækja og samanburði við innflutta erlenda framleiðslu. Þá ætlum við að leggja af niðurgreiðslur til innlendrar matvælaframleiðslu með hátt kolefnisspor. Aukin áhersla á plöntufæði Píratar ætla jafnframt að stóraukaylrækt og jarðrækt á plöntufæði - grænmeti, korni og baunum - með hvatastyrkjum, lægra raforkuverði til grænnar framleiðslu og innleiðingu þriggja fasa raforku um allt land. Píratar telja að löggjafarvaldið eigi að móta heildræna langtímasýn um grænan landbúnað og matvælaframleiðslu, ásamt flutningi og vinnslu hráefna og matvæla fyrir neytendamarkað. Sérfræðingar á sviði umhverfis- og loftslagsmála, landbúnaðarmála og matvælaþróunar skulu vera leiðandi í stefnumótunarferlinu. Þá ætlum við að styðja við nýsköpun, rannsóknir og þróun í vistvænum landbúnaði, frumframleiðslu matvæla og annarri matvælavinnslu á Íslandi, þannig að allir einstaklingar og fyrirtæki geti sótt hvatastyrki til að ná árangri í að skapa blómlegan landbúnað og öflugan matvælamarkað fyrir neytendur á Íslandi. Dýravernd og dýraréttindi Við ætlum að setja ákvæði um dýravernd í stjórnarskrá og varúðarákvæði í löggjöf þannig að velferð dýra njóti vafans í ákvarðanatöku er varðar dýrahald, að hagur dýranna sé ætíð hafður að leiðarljósi. Efla embætti yfirdýralæknis þannig að það geti unnið sjálfstætt að eftirliti, fræðslu, gagnaöflun og faglegri stjórnsýslu varðandi dýravelferð. Stjórnsýsla dýravelferðar skal vera óháð stjórnsýslu matvælaöryggis. Auka þarf valdheimildir til að sinna velferð dýra. Við viljum vernda, endurheimta og stuðla að sjálfbærri nýtingu landvistkerfa, sjálfbærri stjórnun skóga, berjast gegn eyðimerkurmyndun, stöðva og snúa við jarðvegseyðingu og sporna við hnignun líffræðilegs fjölbreytileika. Nauðsynlegt er að sporna við lausagöngu búfjár, þá sérstaklega sauðfjár, í markvissum skrefum. Þá ætlum við að endurskoða lög um villt dýr og fugla á Íslandi til að tryggja vernd þeirra. Spendýr í sjó eiga að njóta sömu verndar og spendýr á landi, þ.m.t. selir og hvalir. Banna skal veiði á villtum dýrum sem eru á válista, þ.m.t. veiði á heimskautaref, lunda, sel og hval, í samræmi við varúðarregluna. Andrés Ingi Jónsson, þingmaður Pírata og frambjóðandi í Reykjavík norður, hefur beitt sér fyrir þessu á þingi og mun halda áfram að gera það hljóti hann kosningu. Reglur og úrræði fyrir velferð allra húsdýra, með áherslu á alifugla, svín og loðdýra eiga að taka mið af þörfum dýranna til rýmis, loftgæða, heilsu og eðlislægra þarfa t.d. útivist. Ef ekki er unnt að mæta þörfum dýranna er ekki grundvöllur fyrir dýrahaldinu. Þá viljum við að öll loðdýrarækt verði hætt fyrir 1. janúar 2023, engin ný leyfi útgefin eða ræktun aukin á tímabilinu þar til algjört bann tekur gildi. Framtíð matvælaframleiðslu á sjávarfangi Helstu næringarefni sem við fáum úr fiski koma úr fæðunni þeirra, smáþörungum. Í þeim má finna hátt hlutfalls prótíns, lífsnauðsynlegar amínósýrur og fitusýrur, þar á meðal omega- 3,6 og 7, ásamt vítamínum. Smáþörungar eru ofurfæða og Píratar vilja efla rannsóknir og þróun á smáþörungum til neyslu. Þróun fiskeldis við Ísland er komin í óefni. Fiskeldi er ekki framtíð matvælaframleiðslu og umgjörð starfseminnar þarf að taka mið af því. Píratar vilja takmarka mjög leyfisveitingar á sjókvíaeldi og sjá til þess að það eldi sem nú fer fram í opnum kvíum verði flutt í lokaðar kvíar hið fyrsta eða verði gert að hætta starfssemi. Ef Íslendingar ætla sér að halda áfram að stunda fiskeldi gera Píratar þá lágmarkskröfu að það fari fram á landi. Kjötrækt Talandi um framtíðina: Píratar ætla að styðja fyrirtæki, stofnanir og einstaklinga til að leita nýrra leiða í umhverfisvænni matvælaframleiðslu sem felur ekki í sér dýraeldi. Til að mynda ætlum við að efla rannsóknir og þróun á kjötrækt, aðferð til þess að búa til kjöt án þess að slátra þurfi dýri. Björn Leví Gunnarsson, þingmaður og oddviti Pírata í Reykjavík suður, hefur barist fyrir aukinni áherslu á kjötrækt hér á landi og hefur gert þingsályktunartillögur til að þetta verði að veruleika. Kjötrækt er einfaldlega framtíðin. „Tilhugsun sem mörgum þykir kannski furðuleg í dag, en tæknin er þegar til staðar og henni fleygir hratt fram,“ eins og Björn Leví skrifaði á dögunum. Árangur í meirihlutasamstarfi Pírata í Reykjavík Þegar Píratar gengu í meirihlutasamstarf í Reykjavíkurborg árið 2018 var eitt af skilyrðunum að innleidd yrði Matarstefna Reykjavíkurborgar. Í stefnunni má finna markmið um aukna fæðu úr jurtaríkinu í mötuneytum borgarinnar. Ein af aðgerðum til að ná því markmiði er að grænkeraréttir eða grænkeraútgáfa af rétti dagsins, standi til boða í öllum stærri mötuneytum borgarinnar og að kolefnisspor matvæla skuli mælt og miðlað. Hugmynd Halldórs Auðar Svanssonar, fyrrv. borgarfulltrúa og núverandi 3. sæti á lista Reykjavík Suður, um Dýraþjónustu Reykjavíkur varð jafnframt að veruleika í kjölfar þess að við Píratar komum henni í meirihlutasáttmála 2018 og hefur hún tekið til starfa í Reykjavík. Dýraþjónustan (DÝR) ber ábyrgð á neyðarsíma, eftirliti með dýrahaldi og villtum dýrum í borginni, þjónustu og samskiptum við gæludýraeigendur, leyfisveitingum og framfylgd samþykkta borgarinnar um gæludýrahald. Vegna þessarar vinnu hafa hundagjöld lækkað um helming, hundahald verið formlega leyft, stutt veglega við uppbyggingu hundagerða, hundaeftirlitið hefur verið lagt niður og málefni katta færð frá meindýraeyði til DÝR. Samhliða er verið að þróa áfram Húsdýragarðinn svo hann verði rekinn að fyrirmynd dýraathvarfa í stað fyrri stefnu um „bóndabýli í bæ,“ selalaugin verður stækkuð til að betur fari um selina sem þar eru fyrir. Það á þó hvorki að láta þá seli fjölga sér né veiða nýja seli til búsetu þar, í framtíðinni verður laugin notuð fyrir dýr í neyð eins og kópinn Kára. Sigurborg Ósk Haraldsdóttir, fyrrv. borgarfulltrúi Pírata, kom því í gegn sem finna má í stefnu okkar að selir fái friðhelgi á strandsvæðum og við árósa í Reykjavík og jafnframt að allri veiði á bæði land- og útsel verði hætt innan lögsögu borgarinnar. Flokkur aðgerða Það sem ég týni til hér að ofan er tekið beint úr samþykktum stefnum Pírata sem má kynna sér betur hér: Umhverfis- og loftslagsstefna, Dýrahald og velferð dýra, Fiskeldisstefna, Matvæla- og landbúnaðarstefna, Stefna um dýraþjónustu og Dýravelferð- Reykjavíkurborg.Það er ekki í boði fyrir flokka sem kalla sig græn og vilja láta taka sig alvarlega að leggja ekki áherslu á breytt landbúnaðarstyrkjakerfi með hliðsjón af breyttum matarvenjum. Það vita það allir að slíkar áherslur breytast ekki í ríkisstjórn með Sjálfstæðisflokknum og öðrum flokkum sem fengu falleinkunn í mati Sólarinnar. Ég er grænkeri og hagsmunir náttúru og dýra eru mitt leiðarljós. Ég á heima í Pírötum vegna þess að flokkurinn leggur raunverulega áherslu á þessi mál, sem sést t.d. í því að loftslagsmál, náttúru- og dýravernd eru hluti af sjálfri efnahagsstefnu flokksins. Vegna þess og fólksins sem ég hef kynnst og starfað með síðastliðin 4 ár þá treysti ég Pírötum best til að grípa til raunverulegra aðgerða í málaflokknum. Höfundur er í 4. sæti á lista í Reykjavíkurkjördæmi Norður og annar varaborgarfulltrúi Pírata í Reykjavík.
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun
Skoðun Skóli án aðgreiningar – fallegt orðalag en brotakennd framkvæmd Sóldís Birta Reynisdóttir skrifar
Skoðun Brot sem fyrnast í höndum lögreglu – hversu mörg í viðbót? Þórhildur Gyða Arnarsdóttir skrifar
Skoðun Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir skrifar
Skoðun Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson skrifar
Skoðun Hvar liggur ábyrgð hins fullorðna á hegðun ungmenna í samfélaginu? Rakel Guðbjörnsdóttir skrifar
Skoðun Umbætur á skólakerfinu. Hættum að ljúga. Hættum því alveg og hættum því strax Atli Harðarson skrifar
Börn í gámaskólum á meðan bæjarskrifstofur stækka – hvar er forgangsröðin? Ásgeir Elvar Garðarsson Skoðun
Skóli án aðgreiningar – fallegt orðalag en brotakennd framkvæmd Sóldís Birta Reynisdóttir Skoðun
Umbætur á skólakerfinu. Hættum að ljúga. Hættum því alveg og hættum því strax Atli Harðarson Skoðun
Heilsufarsmat á vinnustöðum: Góð fjárfesting í heilbrigði og vellíðan starfsfólks Gígja Valgerður Harðardóttir Skoðun