Kvöldfréttir Stöðvar 2

Við segjum frá því að bólusetningar í Laugardalshöll munu hefjast að nýju en gert er ráð fyrir 32.000 manns í höllina á aðeins þremur dögum nú í ágúst.

Þá verður rætt við Íslending í Grikklandi, sem segir þungt hljóð í heimamönnum vegna þeirra miklu gróðurelda sem geisa nú í landinu. Þeir stafa af mestu hitabylgju sem gengið hefur yfir landið í þrjátíu ár.

Við hittum líka fyrir hressan bílasala sem fer nánast allra sinna ferða á Massey Ferguson dráttavél. Hann segir aðra ökumenn taka honum vel í umferðinni og sýna tillitssemi þegar hann fer um götur Selfoss og nágrennis.

Þetta og fleira í kvöldfréttum Stöðvar 2, í beinni útsendingu á Stöð 2, Bylgjunni og hér á Vísi, klukkan 18:30.