Innlent

Sló met í sínu fyrsta Lauga­vegs­hlaupi

Vésteinn Örn Pétursson skrifar
Andrea nýkomin í mark, ánægð með árangurinn. Áhorfendur fagna henni ákaft, enda var hún að slá met.
Andrea nýkomin í mark, ánægð með árangurinn. Áhorfendur fagna henni ákaft, enda var hún að slá met. Skjáskot

Andrea Kolbeinsdóttir kom í mark fyrst kvenna í Laugavegshlaupinu í dag, á óopinbera tímanum 4:55:55. Með því sló hún brautarmet í kvennaflokki, en gamla metið var 5:00:37.

Þetta kemur fram á Facebook-síðu Laugavegshlaupsins. Andrea er 22 ára og var að hlaupa sitt fyrsta Laugavegshlaup. Hún gerði sér lítið fyrir og bætti aldursflokkametið sem sett var þegar hún fæddist, að því er fram kemur á Facebook.

Rannveig Oddsdóttir, sem setti gamla metið á síðasta ári, kom önnur í mark á tímanum 5:09:55.

Bretinn Andrew Douglas kom fyrstur í mark karlamegin, á tímanum 4:10:38. Annar í mark var Þorbergur Ingi Jónsson, á tímanum 4:32:02, en hann var fyrstur Íslendinga í mark.

Hlaup Rangárþing ytra Laugavegshlaupið

Mest lesið


Fleiri fréttir

Sjá meira


×

Mest lesið