Viðskipti innlent

Taka við veitinga- og verslunar­rekstri á Þing­völlum

Atli Ísleifsson skrifar
Í tilefni samþykktar tilboðsins mættu þeir Aðalsteinn Pálsson framkvæmdastjóri, Ágúst Þór Eiríksson eigandi Drífu ehf., Einar Á. E. Sæmundsen þjóðgarðsvörður og Einar Júlíus Gunnþórsson sölustjóri Drífu ehf. á Þingvöll.
Í tilefni samþykktar tilboðsins mættu þeir Aðalsteinn Pálsson framkvæmdastjóri, Ágúst Þór Eiríksson eigandi Drífu ehf., Einar Á. E. Sæmundsen þjóðgarðsvörður og Einar Júlíus Gunnþórsson sölustjóri Drífu ehf. á Þingvöll. Þingvellir

Icewear hefur tekið við veitinga- og verslunarrekstri Þjóðgarðsins á Þingvöllum, Þjónustumiðstöðinni á Leirum og einnig Gestastofu sem er staðsett rétt við útsýnisskífuna á Hakinu, þar sem gengið er niður í Almannagjá.

Icewear greinir frá þessu í tilkynningu, en salan opnar á morgun.

Haft er eftir Aðalsteini Pálssyni, framkvæmdastjóra Icewear, að markmiðið sé að bjóða innlendum og erlendum gestum Þjóðgarðsins upp á úrval af gjafavöru sem tengist Þingvöllum, sögu Íslendinga og merkilegum atburðum, náttúru staðarins og ekki síst dýralífinu á svæðinu.

„Hönnun á vörulínu sem tengist Þingvöllum er þegar hafin og við erum mjög spennt fyrir því að takast á við verkerfnið sem tengist þessum merkilega stað sem skipar sérstakan sess í hugum allra Íslendinga,” segir Aðalsteinn.

Í tilkynningunni segir að Drífa ehf reki verslanir Icewear og Icemart og hafi þjóðgarðurinn á Þingvöllum tekið tilboði félagsins í veitinga- og verslunarrekstur á Þingvöllum í kjölfar útboðs Ríkiskaupa. „Þrjú tilboð bárust í reksturinn og var Drífa ehf. með hagstæðasta tilboðið og er samningur gerður til 3ja ára með möguleika á að framlengja samning tvisvar sinnum um eitt ár.“

Verslun Ferðamennska á Íslandi Þjóðgarðar Þingvellir


Mest lesið


Fleiri fréttir

Sjá meira


×

Mest lesið