Bein útsending: Kvöldfréttir Stöðvar 2

Þá verður rætt við Þórólf Guðnason, sóttvarnalækni, sem hvetur alla til að mæta í AztraZeneca bólusetningu á miðvikudag. Það ætlar hann að gera sjálfur.

Í fréttatímanum förum við yfir líflega umræður á þingi, þar á meðal um Samherjamálið, og rætt verður við Katrínu Jakobsdóttur, formann Vinstri grænna um mikla endurnýjun sem verður í þingflokknum í haust.

Greint verður frá stöðunni á Indlandi en fjöldi ríkja kemur nú Indverjum til aðstoðar í baráttunni við kórónuveirufaraldurinn og við sýnum frá sumarstemningu í miðbæ Reykjavíkur í fallega sumarveðrinu sem höfuðborgarbúar fengu að njóta í dag.

Þetta og margt fleira í kvöldfréttum á samtengdum rásum Stöðvar 2 og Bylgjunnar klukkan 18.30. Hægt er að hlusta á fréttatímann í spilaranum hér að neðan.