Þetta er svona næstum því skyldu­verk­efni

„Ekki beint hræðast en við þurfum að taka þá alvarlega. Þeir eru greinilega í hörku formi og ég held að þeir hafi vanmetið dálítið Marokkó en lið sem er sjö mörkum undir á móti Marakkó eigum við að vinna,“ sagði Jóhann Gunnar um mótherja kvöldsins og hélt áfram.

„Það eru samt alveg leikmenn þarna sem mér finnst góðir og þeir eru hættir þessari þrír-þrír vörn sem dugði kannski í tuttugu til þrjátíu mínútur og hrundi svo. Nú eru þeir með allt í lagi sex-núll vörn svo fara þeir í fimm-einn vörn í seinni hálfleik og taka bara mann út svo við þurfum að vera undirbúnir fyrir það líka.“

„Þeir eru töluvert erfiðari andstæðingur en Marokkó þó þeir hafi bara unnið þá með einu marki, ég vil meina það. Við þurfum að varast hægri skyttuna – númer 87 – mér fannst hún mjög góð. Þetta verður ekkert gefið en þetta er svona næstum því skylduverkefni,“ sagði Jóhann Gunnar að lokum.

Jóhann Gunnar vill sjá markvörðinn Björgvin Pál Gústavsson í hópnum. Sama hvort það er á kostnað annars af markvörðum Íslands eða þá útileikmanns. Hann vill einnig fá Kára Kristján Kristjánsson inn í hópinn.

Viðtalið í heild sinni má sjá í spilaranum hér að neðan.