Næst stærsta flugfélag Ástralíu í þrot

Næst stærsta flugfélag Ástralíu, Virgin Australia, hefur lýst yfir gjaldþroti og er því fyrsta ástralska stórfyrirtækið sem verður faraldrinum að bráð. BBC greinir frá.

Bann við ferðalögum hefur haft mikil áhrif á starfsemi flugfélagsins en félagið átti þegar í erfiðleikum vegna skulda.

Ekki tókst að tryggja lán frá áströlsku ríkisstjórninni og var ákvörðunin því tekin. „Ákvörðun okkar í dag er ætlað að tryggja framtíð Virgin Australia Group. Ástralía þarf á öðru flugfélagi að halda og við erum örugg um að við munum hefja okkur til flugs að nýju, sagði Paul Scurrah forstjóri.