Ráðin nýr svæðis­stjóri Eim­skips fyrir vestan

Í tilkynningu frá félaginu segir að Arna Lára, sem hafi lokið MS gráðu í alþjóðaviðskiptum og markaðsfræði frá Háskóla Íslands á árinu, hafi starfað sem verkefnastjóri hjá Nýsköpunarmiðstöð Íslands síðustu þrettán ár. Hún muni taka við nýja starfinu í upphafi næsta árs.

Haft er eftir Böðvari Erni Kristinssyni, forstöðumanni innanlandsflutninga hjá Eimskip, að félagið sé ánægt að fá Örnu Lári til liðs við sig. 

„Við erum einnig afar ánægð að fá konu í hóp svæðisstjóra en Arna Lára er fyrsta konan til að gegna því starfi hjá Eimskip. Vestfirðir eru afar mikilvægt svæði í okkar áætlunarflutningum og ekki síður fiskflutningum. Með aukinni netverslun sjáum við einnig tækifæri í að þjónusta Vestfirðinga enn betur þegar kemur að smærri sendingum.“