„Alvarlegt hvernig farið er með Landspítalann“ Elín Margrét Böðvarsdóttir skrifar 13. desember 2020 15:45 Oddný Harðardóttir, þingmaður Samfylkingarinnar. Vísir/Vilhelm Þingmaður Samfylkingarinnar segir alvarlegt að gerð sé aðhaldskrafa á heilbrigðisstofnanir nú á tímum heimsfaraldurs kórónuveiru. Formaður fjárlaganefndar segir að krónutölur þurfi að skoða í stærra samhengi hvað varðar aðhaldskröfur á Landspítalann. Hann vill að því verði hætt að setja almennar aðhaldskröfur og vill að tekin verði upp ný aðferðafræði í staðinn. Willum Þór Þórsson, þingmaður Framsóknarflokksins og formaður fjárlaganefndar, Oddný G. Harðardóttir, þingmaður Samfylkingarinnar og Jón Steindór Valdimarsson, þingmaður Viðreisnar, skiptust á skoðunum um fjárlagafrumvarpið í þættinum Sprengisandi á Bylgjunni í morgun. Gert er ráð fyrir að ríkissjóður verði rekinn með nokkur hundruð milljarða halla á næstu árum. Aðspurð sagðist Oddný ekki vera á þeirri skoðun að öllum þessum fjármunum yrði varið þangað sem þörfin sé mest. „Nei því miður þá er það ekki í öllum tilfellum, auðvitað eru margar ágætar tillögur þarna innan um og við í Samfylkingunni samþykktum mjög margar tillögur meirihluta nefndarinnar,“ sagði Oddný. Nefndi hún sem dæmi fjármagn sem ætlað er til fjölgunar hjúkrunarrýma og viðbótarfjármagn sem ætlað er inn í framhaldsskólakerfið. „Það sem er hins vegar alvarlegt er hvernig farið er með Landspítalann og að aðhaldskrafa sé gerð á heilbrigðiskerfið í stöðunni sem við erum í,“ sagði Oddný. „Aðhaldskrafan er um tveir milljarðar á kerfið í heild, ég held að það séu 400 milljónir á Landspítalann sjálfan og Landspítalinn þarf síðan að glíma við uppsafnaðan halla upp á fjóra milljarða. Og stjórnarliðar virðast ekki ætla að hreyfa sig í þessu,“ sagði Oddný. Ekki megi í sífellu benda á allt fjármagnið sem varið sé í byggingu nýs Landspítala. „Milljónirnar í ný verkefni og betri þjónustu eru örfáar,“ bætti Oddný við. Hún hafi jafnframt áhyggjur af stöðu atvinnulausra og þeirra sem þurfi á fjárhagsaðstoð sveitarfélaga að halda. Vill hætta almennum aðhaldskröfum „Ég held að hrærigrauturinn sé aðallega út af umræðunni. Nú erum við með lög um opinber fjármál sem eru býsna skír. Ef að stofnun fer umfram fjárheimildir þá skal sá halli sem myndast, eða afgangur, flytjast á milli ára eins og í dæmi Landspítalans,“ sagði Willum. „Þar að auki sé almenn aðhaldskrafa sem er 0,5 prósent og við getum haft allar skoðanir á því hvort það sé skynsamlegt að vera með almenna aðhaldskröfu í kerfinu eður ei. Mitt mat er að við ættum að fara út í allt aðra aðferðafræði,“ sagði Willum. Aðhaldskrafan feli í sér að stjórnendur þurfi að leita að möguleikum til hagræðingar í kerfinu, án þess að það komi niður á þjónustu. Willum Þór Þórsson er formaður fjárlaganefndar.vísir „Fjárhæðirnar sem við erum að tala um í þessu samhengi eiga ekki að rugla svona umræðuna. 400 milljónir eru þessi hagræðing á móti 80 milljörðum sem spítalinn er með í sínum rekstri,“ sagði Willum og ítrekaði að þessi 400 milljóna aðhaldskrafa eigi ekki að skila sér í lakari þjónustu. „Ég var svona að vona að eftir því sem árin liðu að við gætum náð þessari umræðu niður í eitthvert eðlilegt horf,“ segir Willum. „Þessi halli sem við erum að tala um, þetta er um 1% af heildarumfanginu sem hefur safnast upp á einhverjum þremur árum.“ „Það er skilningur allra að þessi halli er bara innan sviga og til hliðar,“ sagði Willum. Um sé að ræða „bókhaldsstærð“ sem ekki eigi að koma niður á þjónustu og ekki verði dregin af þeim fjármunum sem renna til spítalans til að mæta kostnaði vegna kórónuveirufaraldursins. Í faraldrinum hafi áherslan hafa verið að bregðast við honum og sá kostnaður sem fallið hafi til sökum þessa hafi verið bættur upp með um sex milljörðum í fjáraukalögum. „Ég er fylgjandi því til framtíðar að við förum að hætta svona almennu aðhaldi inn í kerfinu. Við eigum bara að segja, kalla þetta endurmat útgjalda. Sú aðferðafræði er í vinnslu og þá geta menn bara lagst yfir sinn rekstur, sem að þekkja hann miklu betur en við sem erum um þetta að fjalla, sem eru stofnuninni alla daga, og þeir segja við getum gert þetta svona og hagrætt á þessu sviði, án þess að það komi niður á þjónustunni,“ sagði Willum. Jón Steindór Valdimarsson er þingmaður Viðreisnar og áheyrnarfulltrúi í fjárlaganefnd.visir Jón Steindór Valdimarsson, þingmaður Viðreisnar og áheyrnarfulltrúi í fjárlaganefnd segir ýmislegt gott að finna í fjárlagafrumvarpinu þótt annað mætti betur fara að hans mati. „Ríkisstjórnin er svo sem ekkert öfundsverð af þeirri stöðu sem uppi er, en það er margt í þessu frumvarpi sem er gott, skárra væri það nú,“ sagði Jón Steindór. Viðreisn hafi stutt margar ef ekki flestar aðgerðir sem gripið hafi verið til. „En það þýðir ekki það að það sé ekki ýmislegt þarna að okkar mati sem að hefði mátt betur fara.“ Til dæmis hafi Viðreisn lagt fram eigin tillögur sem lutu að atvinnuleysi, tillögu um að koma til móts við sveitarfélög vegna félagsþjónustu og þá kveðst hann undrandi yfir því að ekki sé gert ráð fyrir neinu nýju fjármagni til að mæta kostnaði sem ný lög, sem kveða á um að sálfræðiþjónusta falli undir sjúkratryggingar, hafi í för með sér. Síðari hluta viðtalsins á Sprengisandi má heyra í spilaranum hér að neðan. Landspítalinn Faraldur kórónuveiru (COVID-19) Sprengisandur Alþingi Fjárlagafrumvarp 2021 Heilbrigðismál Mest lesið Vilja losna við lífsýni sem tengt var Ásu Erlent „Dökk að utan en mjólkurhvít að innan“ Innlent Fer hörðum orðum um „óveðursskýið“ Jóhann Pál Innlent Sár yfir Nóbelnum og rak Modi í faðm Xi Erlent Friðarsúlan „gagnslaus“ og megi alveg eins heita „woke-súlan“ Innlent Vilja reisa gervigreindarborgir á rústum Gasa Erlent Mótorhjólakappi fluttur á sjúkrahús eftir árekstur við framúrakstur Innlent „Mikill léttir“ af nýjum þingflokksformanni Innlent Skipagöng ólíklegri eftir að tilboð reyndust of há Erlent Gamall Volvo stóð í ljósum logum í Breiðholti Innlent Fleiri fréttir Vinstri græn biðjast ekki afsökunar á útlendingafrumvarpinu BMX brós strákarnir hafa skemmt á flestum bæjarhátíðum sumarsins Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Tvö útköll vegna veiðarfæra í skrúfum Ósammála því að jarðvarmavirkjanir séu í losunarbókhaldinu Vilja búa til „friðarfána“ svo ekki þurfi að flagga erlendum fánum „Dökk að utan en mjólkurhvít að innan“ Þjóðin sé orðin þreytt á málþófi Tókst ekki að flýja lögreglu og var gómaður með þrjá hnífa og meint eiturlyf Leikskólabörn sungu með 89 ára harmonikuleikara í Garðabæ Skorar á verktaka að lækka íbúðaverð Björguðu ketti sem var fastur inni í Teslu Varnaðarorð sálfræðings, auðveldari leið inn á húsnæðismarkað og bangsakvöld Lýst eftir Ólafi í Búlgaríu Þyrlan kölluð út vegna beinbrotinnar göngukonu Vesturbæjarlaug opnar enn á ný Fjallað um Skjöld Íslands í forsíðugrein stórblaðs Skjálfti fannst í byggð Sjá meira
Willum Þór Þórsson, þingmaður Framsóknarflokksins og formaður fjárlaganefndar, Oddný G. Harðardóttir, þingmaður Samfylkingarinnar og Jón Steindór Valdimarsson, þingmaður Viðreisnar, skiptust á skoðunum um fjárlagafrumvarpið í þættinum Sprengisandi á Bylgjunni í morgun. Gert er ráð fyrir að ríkissjóður verði rekinn með nokkur hundruð milljarða halla á næstu árum. Aðspurð sagðist Oddný ekki vera á þeirri skoðun að öllum þessum fjármunum yrði varið þangað sem þörfin sé mest. „Nei því miður þá er það ekki í öllum tilfellum, auðvitað eru margar ágætar tillögur þarna innan um og við í Samfylkingunni samþykktum mjög margar tillögur meirihluta nefndarinnar,“ sagði Oddný. Nefndi hún sem dæmi fjármagn sem ætlað er til fjölgunar hjúkrunarrýma og viðbótarfjármagn sem ætlað er inn í framhaldsskólakerfið. „Það sem er hins vegar alvarlegt er hvernig farið er með Landspítalann og að aðhaldskrafa sé gerð á heilbrigðiskerfið í stöðunni sem við erum í,“ sagði Oddný. „Aðhaldskrafan er um tveir milljarðar á kerfið í heild, ég held að það séu 400 milljónir á Landspítalann sjálfan og Landspítalinn þarf síðan að glíma við uppsafnaðan halla upp á fjóra milljarða. Og stjórnarliðar virðast ekki ætla að hreyfa sig í þessu,“ sagði Oddný. Ekki megi í sífellu benda á allt fjármagnið sem varið sé í byggingu nýs Landspítala. „Milljónirnar í ný verkefni og betri þjónustu eru örfáar,“ bætti Oddný við. Hún hafi jafnframt áhyggjur af stöðu atvinnulausra og þeirra sem þurfi á fjárhagsaðstoð sveitarfélaga að halda. Vill hætta almennum aðhaldskröfum „Ég held að hrærigrauturinn sé aðallega út af umræðunni. Nú erum við með lög um opinber fjármál sem eru býsna skír. Ef að stofnun fer umfram fjárheimildir þá skal sá halli sem myndast, eða afgangur, flytjast á milli ára eins og í dæmi Landspítalans,“ sagði Willum. „Þar að auki sé almenn aðhaldskrafa sem er 0,5 prósent og við getum haft allar skoðanir á því hvort það sé skynsamlegt að vera með almenna aðhaldskröfu í kerfinu eður ei. Mitt mat er að við ættum að fara út í allt aðra aðferðafræði,“ sagði Willum. Aðhaldskrafan feli í sér að stjórnendur þurfi að leita að möguleikum til hagræðingar í kerfinu, án þess að það komi niður á þjónustu. Willum Þór Þórsson er formaður fjárlaganefndar.vísir „Fjárhæðirnar sem við erum að tala um í þessu samhengi eiga ekki að rugla svona umræðuna. 400 milljónir eru þessi hagræðing á móti 80 milljörðum sem spítalinn er með í sínum rekstri,“ sagði Willum og ítrekaði að þessi 400 milljóna aðhaldskrafa eigi ekki að skila sér í lakari þjónustu. „Ég var svona að vona að eftir því sem árin liðu að við gætum náð þessari umræðu niður í eitthvert eðlilegt horf,“ segir Willum. „Þessi halli sem við erum að tala um, þetta er um 1% af heildarumfanginu sem hefur safnast upp á einhverjum þremur árum.“ „Það er skilningur allra að þessi halli er bara innan sviga og til hliðar,“ sagði Willum. Um sé að ræða „bókhaldsstærð“ sem ekki eigi að koma niður á þjónustu og ekki verði dregin af þeim fjármunum sem renna til spítalans til að mæta kostnaði vegna kórónuveirufaraldursins. Í faraldrinum hafi áherslan hafa verið að bregðast við honum og sá kostnaður sem fallið hafi til sökum þessa hafi verið bættur upp með um sex milljörðum í fjáraukalögum. „Ég er fylgjandi því til framtíðar að við förum að hætta svona almennu aðhaldi inn í kerfinu. Við eigum bara að segja, kalla þetta endurmat útgjalda. Sú aðferðafræði er í vinnslu og þá geta menn bara lagst yfir sinn rekstur, sem að þekkja hann miklu betur en við sem erum um þetta að fjalla, sem eru stofnuninni alla daga, og þeir segja við getum gert þetta svona og hagrætt á þessu sviði, án þess að það komi niður á þjónustunni,“ sagði Willum. Jón Steindór Valdimarsson er þingmaður Viðreisnar og áheyrnarfulltrúi í fjárlaganefnd.visir Jón Steindór Valdimarsson, þingmaður Viðreisnar og áheyrnarfulltrúi í fjárlaganefnd segir ýmislegt gott að finna í fjárlagafrumvarpinu þótt annað mætti betur fara að hans mati. „Ríkisstjórnin er svo sem ekkert öfundsverð af þeirri stöðu sem uppi er, en það er margt í þessu frumvarpi sem er gott, skárra væri það nú,“ sagði Jón Steindór. Viðreisn hafi stutt margar ef ekki flestar aðgerðir sem gripið hafi verið til. „En það þýðir ekki það að það sé ekki ýmislegt þarna að okkar mati sem að hefði mátt betur fara.“ Til dæmis hafi Viðreisn lagt fram eigin tillögur sem lutu að atvinnuleysi, tillögu um að koma til móts við sveitarfélög vegna félagsþjónustu og þá kveðst hann undrandi yfir því að ekki sé gert ráð fyrir neinu nýju fjármagni til að mæta kostnaði sem ný lög, sem kveða á um að sálfræðiþjónusta falli undir sjúkratryggingar, hafi í för með sér. Síðari hluta viðtalsins á Sprengisandi má heyra í spilaranum hér að neðan.
Landspítalinn Faraldur kórónuveiru (COVID-19) Sprengisandur Alþingi Fjárlagafrumvarp 2021 Heilbrigðismál Mest lesið Vilja losna við lífsýni sem tengt var Ásu Erlent „Dökk að utan en mjólkurhvít að innan“ Innlent Fer hörðum orðum um „óveðursskýið“ Jóhann Pál Innlent Sár yfir Nóbelnum og rak Modi í faðm Xi Erlent Friðarsúlan „gagnslaus“ og megi alveg eins heita „woke-súlan“ Innlent Vilja reisa gervigreindarborgir á rústum Gasa Erlent Mótorhjólakappi fluttur á sjúkrahús eftir árekstur við framúrakstur Innlent „Mikill léttir“ af nýjum þingflokksformanni Innlent Skipagöng ólíklegri eftir að tilboð reyndust of há Erlent Gamall Volvo stóð í ljósum logum í Breiðholti Innlent Fleiri fréttir Vinstri græn biðjast ekki afsökunar á útlendingafrumvarpinu BMX brós strákarnir hafa skemmt á flestum bæjarhátíðum sumarsins Mótorhjólakappi fluttur á sjúkrahús eftir árekstur við framúrakstur Friðarsúlan „gagnslaus“ og megi alveg eins heita „woke-súlan“ Netþrjótar hirða meira en hálfan milljarð og verktaki bendir á borgina Gamall Volvo stóð í ljósum logum í Breiðholti Varðturnarnir á bak og burt Mikill hugur hjá skógræktarfólki um allt land Fer hörðum orðum um „óveðursskýið“ Jóhann Pál Boðar sumarveður inn í september Google Maps beinir ökumönnum um Krýsuvíkurleiðina vegna villu Uppsagnir vegna veiðigjalda, hamfarakólnun og fagnaðarlæti Flokks fólksins Ísland standi frammi fyrir hamfarakólnun verði ekkert gert „Mikill léttir“ af nýjum þingflokksformanni Hafstraumar, menntun, húsnæðisverð og pólitíkin í haust á Sprengisandi Tvö útköll vegna veiðarfæra í skrúfum Ósammála því að jarðvarmavirkjanir séu í losunarbókhaldinu Vilja búa til „friðarfána“ svo ekki þurfi að flagga erlendum fánum „Dökk að utan en mjólkurhvít að innan“ Þjóðin sé orðin þreytt á málþófi Tókst ekki að flýja lögreglu og var gómaður með þrjá hnífa og meint eiturlyf Leikskólabörn sungu með 89 ára harmonikuleikara í Garðabæ Skorar á verktaka að lækka íbúðaverð Björguðu ketti sem var fastur inni í Teslu Varnaðarorð sálfræðings, auðveldari leið inn á húsnæðismarkað og bangsakvöld Lýst eftir Ólafi í Búlgaríu Þyrlan kölluð út vegna beinbrotinnar göngukonu Vesturbæjarlaug opnar enn á ný Fjallað um Skjöld Íslands í forsíðugrein stórblaðs Skjálfti fannst í byggð Sjá meira