Lífið

Íhaldið alltaf verið sterkt í ættasamfélaginu í Garði

Kristján Már Unnarsson skrifar
Oddný Harðardóttir er úr Garði en eiginmaðurinn Eiríkur Hermannsson er Keflvíkingur.
Oddný Harðardóttir er úr Garði en eiginmaðurinn Eiríkur Hermannsson er Keflvíkingur. Arnar Halldórsson

Hjónin Oddný Harðardóttir alþingismaður og Eiríkur Hermannsson, fyrrverandi fræðslustjóri, segja frá ættasamfélaginu og pólitíkinni í Garði í þættinum Um land allt á Stöð 2. „Íhaldið hefur alltaf verið mjög sterkt hérna,“ segir Eiríkur og rifjar upp að vinstri menn og óháðir hafi þó tvisvar náð meirihluta.

„1978 var vinstribylgja. Þá féll íhaldið hér og svo aftur 2006,“ segir Oddný.

„Þegar Oddný leiddi listann,“ skýtur Eiríkur að. 

„Það gekk ekki svona vel þegar ég leiddi hann,“ bætir hann við og hlær en sjálfur var hann lengi skólastjóri í Garðinum.

Við heyrum hvað Garðmönnum finnst um að hafa sameinast Sandgerðingum í nýja sveitarfélaginu Suðurnesjabæ.

Njarðvíkingurinn Elías Líndal Jóhannsson rafvirkjameistari og Garðmaðurinn Guðlaug Sigurðardóttir, Gullý, sem lengi sat í stjórn Knattspyrnufélagsins Víðis.Arnar Halldórsson

Fyrrverandi formaður Knattspyrnufélagsins Víðis, Guðlaug Sigurðardóttir, oftast kölluð Gullý, ræðir um hvernig er fyrir Garðbúa með gamla Víðishjartað að venjast því að halda með Reyni/Víði.

Hún segir einnig frá dætrum rafvirkjans sem giftust rafvirkjum en stórfjölskyldan vinnur að miklu leyti hjá SI-raflögnum, fyrirtæki sem foreldrar hennar stofnuðu.

Hér má sjá sex mínútna myndskeið úr þættinum:

Um land allt Suðurnesjabær

Tengdar fréttir

Bobba í Nesfiski segist vera bæði frek og nýjungagjörn

Hún heitir Þorbjörg Bergsdóttir en í Garðinum er hún alltaf kölluð Bobba. Hún er aðaleigandi og stjórnarformaður Nesfisks, stærsta fyrirtækis byggðarinnar, sem heimsótt er í þættinum Um land allt á Stöð 2.

Ein stærsta fjöldagröf Íslands er á Útskálum

Ein stærsta fjöldagröf á Íslandi er í kirkjugarðinum á Útskálum á Suðurnesjum. Gröfin er um leið minnisvarði um einhvern mesta mannskaða í sögu Íslandsbyggðar.



Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.