Borðleggjandi Svafar Helgason skrifar 23. október 2020 18:00 Ef ég hefði spurt næstu manneskju úti á götu fyrir viku síðan hvað henni þætti um það að lögreglufólk bæru á búningi sínum nýnasistamerki ætti ég bágt með að trú að svarið við því væri eitthvað loðið eða flókið. Ég stend í þeirri trú að það sé hreinlega innmúrað í samfélagssáttmálanum að slíkt eigi ekki að eiga sér stað, af ásetningi eður ei. Að það sé borðleggjandi almenn skynsemi og ekki eitthvað róttækt PC væl að líta á það verulega alvarlegum augum ef slík uppákoma á sér stað. Lögreglan hefur það meðal annars þau hlutverk í samfélaginu að veita vernd og hjálpa fólki ef það er í hættu. Lögreglufólk þurfa að vera aðilar sem allir þjóðfélagshópar geti treyst sér til að leita til. Auðvitað eru starfsmenn lögreglunar bara venjulegt fólk og hjá þeim finnast mannlegir breiskleikar eins og hjá okkur öllum. Þess vegna skiptir svo miklu máli að hægt sé að ganga að þeim jöfnum og ekki sé alið á áhyggjum um það hvort tiltekinn lögregluþjónn beri innra með sér illvilja í garð náungans. Lögreglan fer með ofbeldisvald yfir þjóðinni og ekkert er eðlilegra en að borgarar hafi skoðanir á því hvernig lögreglan fer með það vald. Nú er vinnustaðamenning og almennar skoðanir lögreglufólks ekki mjög gegnsætt fyrirbæri. Vita má þó að þetta er gríðarlega erfitt og álagsþungt starf, og ekki nægilega vel borgað. Þegar bætt er ofan á það þá staðreynd að valdbeiting hefur áhrif á geðheilsu er það deginum ljósara að lögreglufólk eigi að fá stuðning í starfi sínu og almenninlega hjálp þegar á bjátar. Þegar löggur fara að bera á sér merki með hauskúpum þá er eðlilegt að fólk spurji sig á hvaða vegferð þau sem gegna valdastöðum yfir okkur séu, því það er erfitt að lesa vinaleg skilaboð úr slíku. Þegar bætt er við að hauskúpan sé tákn skáldpersónunni Punisher, en sú tekur lög og dóm í eigin hendur og myrðir glæpamenn án allrar kerfislegrar meðferðar, eru skilaboðin þeim mun óþægilegri. Þegar á því er bætt að fáninn bak við hauskúpuna hefur verið þekkt nýnasista tákn í u.þ.b tuttugu ár þá eru skilaboðin orðin ógnandi þeim sem þekkja til þessara samsettra þátta. Mörg hafa þó sagst ekki þekkja til þessara tákna og sjá ekki ógnina fólgna í þeim.Gerum okkur grein fyrir því hvernig hundaflautur verka. Það að flestir geri sér ekki grein fyrir nýnasistatengingu ákveðina merkja er einmitt tilgangurinn. Þá þekkja aðrir "innvinklaðir" nýnasistar merkin sem og jaðarsettir þjóðfélagshópar á meðan meðal jón/ína kannast ekkert við merkinguna á bak við. Þegar Punisher kúpan er sett á Vínlandsfána þá er alveg skýrt út frá samhenginu að hér sé um merki að ræða sem opinber lögregluþjónn ætti aldrei að bera. Þetta merki er réttilega hægt að túlka sem ógnunartilburði við ákveðna minnihlutahópa. Nú má alveg velta fyrir sér hvort að lögregukonan hafi verið ein af þessum meðal jón/ínum sem ekki þekkja þessa tengingu en hún bar samt þetta merki á sér í nokkur ár. Viðbrögðin hjá henni ætti eðlilega að vera hryllingur um að slíkt merki gæti hafa tengst störfum hennar á nokkurn máta eftir að í ljós kemur hvaða þýðingu það ber. Hversu margar manneskjur fundu gagnvart vantrausti eða ótta við að sjá þetta merki á henni? Ein viðbröð væru að vera reið eða sár gagnvart þeim sem plötuðu upp á sig að ganga með slíkt merki, jafnvel sorg og eftirsjá yfir að hafa þurft að bera það, og já skömm. Það voru þó ekki viðbrögð lögreglukonunar heldur ósætti við að merkin sem hún bar væru túlkuð á máta sem fólki finnst ógnandi. Nú er ég ekki talsmaður þess að það eigi að hundellta fólk og reyna að troða upp á það skömm, það er líklega engum greiði gerður með slíku. Ég var ánægður með viðbrögð dómsmálaráðherra og yfirlögregluþjóna með að gera það skýrt og frá upphafi að þetta væri óviðunandi uppákoma og myndi ekki eiga sér stað aftur. En svo tók Arinbjörn formaður samtaka lögreglumanna til máls og krafðist þess að Þórhildur Sunna þingmaður Pírata segði af sér fyrir það að vilja láta rannsaka hvort þekkingarleysi á rasískum táknum eða hvort rasismi hafi átt lykilhlutverk í því að lögreglufólk væru að merkja sig slíkum táknum. Ég hef aldrei verið ánægðari með að hún Þórhildur Sunna sé á þingi til að bera upp heiðri almennrar skynsemi og satt best að segja þá vekur það furðu mína að hún sé einhvernvegin ein á þeim báti. Viðbrögð Arinbjörns og einnig annara sem pökkuðu í vörn innan lögreglunar eru áhyggjuefni. Fólk sér bæði mynd af lögregluþjóni með þetta nýnasistamerki á sér og svo viðbrögð innan lögreglunar um samstöðu um að firra sig gagnrýni fyrir að bera nýnasistamerki. Hvernig á landinn að bregðast við því? Í gærmorgun var ég mjög sáttur við viðbrögð lögreglunar og taldi ekki ástæða til að ætla að mikill rasimi eða meðvirkni gagnvart rasisma viðgengist hjá lögreglunni en eftir orðræðuna eftir því sem deginum leið get ég ekki verið eins viss og það veldur mér alvarlegum áhyggjum um hag nokkura vina minna ef þeir þurfa lögregluaðstoð. Þetta eru ekki bara einhverjar úthrópanir þetta eru raunverulegar áhyggjur hjá fólki. Það vald sem lögreglan býr yfir í samfélaginu krefst þess af okkur í samfélaginu að við segjum upphátt þegar eitthvað óþægilegt kemur upp á um störf hennar. Lögreglan kemur okkur öllum við. Það er ekki boðlegt fyrir lögreglufólk núna að pakka í vörn gegn þeirri einföldu kröfu um að bera ekki ógnandi merki á sér eða merki sem tengjast nýnasistahreyfingum. Það er ekki loðið og það er ekki flókið. Þetta á að vera borðleggjandi.Ef ég spyrði manneskju núna úti á götu hvað henni þætti um það að lögreglufólk bæru á búningi sínum nýnasistamerki og svarið voðalega loðið og flókið þá er það líklega stærsti sigur sem nýnasistarnir í Norðurvígi hafa unnið til á klakanum, jafnvel ef þeir unnu ekki til þess sjálfir. Viltu birta grein á Vísi? Sendu okkur póst. Senda grein Lögreglan Mest lesið Halldór 05.07.2025 Halldór Baldursson Halldór Ágætu fyrrum samstarfsaðilar á Þjóðminjasafni Íslands Uggi Jónsson Skoðun Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson Skoðun Menntastefna 2030 Guðmundur Ingi Kristinsson Skoðun Íslendingar greiða sama hlutfall útgjalda í mat og Norðurlöndin Margrét Gísladóttir Skoðun Laxaharmleikur Jóhannes Sturlaugsson Skoðun Það sem ekki má segja um það sem enginn vill sjá Viðar Hreinsson Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun Ferðamannaþorpin - Náttúruvá Þóra B. Hafsteinsdóttir Skoðun Krónan, Nettó, Hagkaup, Bónus - það er kominn tími á formlega sniðgöngu Helen Ólafsdóttir Skoðun Skoðun Skoðun Málþófið um veiðigjöldin vekur miskunnsama Samverja Sigurjón Þórðarson skrifar Skoðun Menntastefna 2030 Guðmundur Ingi Kristinsson skrifar Skoðun Ágætu fyrrum samstarfsaðilar á Þjóðminjasafni Íslands Uggi Jónsson skrifar Skoðun Ferðamannaþorpin - Náttúruvá Þóra B. Hafsteinsdóttir skrifar Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson skrifar Skoðun Laxaharmleikur Jóhannes Sturlaugsson skrifar Skoðun Lýðræðið í skötulíki! Lilja Rafney Magnúsdóttir skrifar Skoðun Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson skrifar Skoðun Íslendingar greiða sama hlutfall útgjalda í mat og Norðurlöndin Margrét Gísladóttir skrifar Skoðun Til varnar jafnlaunavottun Magnea Marinósdóttir skrifar Skoðun Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir skrifar Skoðun Barnaræninginn Pútín Gunnar Hólmsteinn Ársælsson skrifar Skoðun Um þjóð og ríki Gauti Kristmannsson skrifar Skoðun Málfrelsi og mörk þess á vettvangi lýðræðisins Helga Vala Helgadóttir skrifar Skoðun Sjókvíaeldi á Íslandi fjarstýrt með gervigreind frá Noregi Ingólfur Ásgeirsson skrifar Skoðun „Finnst ykkur skrýtið að ég mæti á Austurvöll – Pabba mínum var fórnað á altari niðurskurðar“ Davíð Bergmann skrifar Skoðun Hvers vegna skipta hagsmunir verslanakeðja meira máli en öryggi barna í Ásahverfi Reykjanesbæ? Ólafur Ívar Jónsson skrifar Skoðun Kjarnorkuákvæðið: Neyðarhemill en ekki léttvægt leikfang popúlista Kristinn Karl Brynjarsson skrifar Skoðun Stjórnarandstaðan er vannýtt auðlind Jón Daníelsson skrifar Skoðun Ef Veðurstofan spáði vitlausu veðri í 40 ár, væri það bara í lagi? Björn Ólafsson skrifar Skoðun Hægri sósíalismi Jón Ingi Hákonarson skrifar Skoðun 5 ára vegferð að skóla framtíðarinnar – eða ekki! Björgmundur Örn Guðmundsson skrifar Skoðun Ójafnvægi í jöfnunarkerfinu Anna Sigríður Guðnadóttir,Halla Karen Kristjánsdóttir,Lovísa Jónsdóttir skrifar Skoðun Það sem ekki má segja um það sem enginn vill sjá Viðar Hreinsson skrifar Skoðun Krónan, Nettó, Hagkaup, Bónus - það er kominn tími á formlega sniðgöngu Helen Ólafsdóttir skrifar Skoðun Löggæslumál og aðstöðuleysi í Búðardal – ákall um viðbragð og aðgerðir Björn Bjarki Þorsteinsson skrifar Skoðun Listin að verða fullkomlega ósammála sjálfri sér á mettíma Þórður Snær Júlíusson skrifar Skoðun Þingmenn auðvaldsins Karl Héðinn Kristjánsson skrifar Skoðun Arðgreiðslur í sjávarútvegi: Staðreyndir gegn fullyrðingum Elliði Vignisson skrifar Skoðun Verðugur bandamaður? Steinar Harðarson skrifar Sjá meira
Ef ég hefði spurt næstu manneskju úti á götu fyrir viku síðan hvað henni þætti um það að lögreglufólk bæru á búningi sínum nýnasistamerki ætti ég bágt með að trú að svarið við því væri eitthvað loðið eða flókið. Ég stend í þeirri trú að það sé hreinlega innmúrað í samfélagssáttmálanum að slíkt eigi ekki að eiga sér stað, af ásetningi eður ei. Að það sé borðleggjandi almenn skynsemi og ekki eitthvað róttækt PC væl að líta á það verulega alvarlegum augum ef slík uppákoma á sér stað. Lögreglan hefur það meðal annars þau hlutverk í samfélaginu að veita vernd og hjálpa fólki ef það er í hættu. Lögreglufólk þurfa að vera aðilar sem allir þjóðfélagshópar geti treyst sér til að leita til. Auðvitað eru starfsmenn lögreglunar bara venjulegt fólk og hjá þeim finnast mannlegir breiskleikar eins og hjá okkur öllum. Þess vegna skiptir svo miklu máli að hægt sé að ganga að þeim jöfnum og ekki sé alið á áhyggjum um það hvort tiltekinn lögregluþjónn beri innra með sér illvilja í garð náungans. Lögreglan fer með ofbeldisvald yfir þjóðinni og ekkert er eðlilegra en að borgarar hafi skoðanir á því hvernig lögreglan fer með það vald. Nú er vinnustaðamenning og almennar skoðanir lögreglufólks ekki mjög gegnsætt fyrirbæri. Vita má þó að þetta er gríðarlega erfitt og álagsþungt starf, og ekki nægilega vel borgað. Þegar bætt er ofan á það þá staðreynd að valdbeiting hefur áhrif á geðheilsu er það deginum ljósara að lögreglufólk eigi að fá stuðning í starfi sínu og almenninlega hjálp þegar á bjátar. Þegar löggur fara að bera á sér merki með hauskúpum þá er eðlilegt að fólk spurji sig á hvaða vegferð þau sem gegna valdastöðum yfir okkur séu, því það er erfitt að lesa vinaleg skilaboð úr slíku. Þegar bætt er við að hauskúpan sé tákn skáldpersónunni Punisher, en sú tekur lög og dóm í eigin hendur og myrðir glæpamenn án allrar kerfislegrar meðferðar, eru skilaboðin þeim mun óþægilegri. Þegar á því er bætt að fáninn bak við hauskúpuna hefur verið þekkt nýnasista tákn í u.þ.b tuttugu ár þá eru skilaboðin orðin ógnandi þeim sem þekkja til þessara samsettra þátta. Mörg hafa þó sagst ekki þekkja til þessara tákna og sjá ekki ógnina fólgna í þeim.Gerum okkur grein fyrir því hvernig hundaflautur verka. Það að flestir geri sér ekki grein fyrir nýnasistatengingu ákveðina merkja er einmitt tilgangurinn. Þá þekkja aðrir "innvinklaðir" nýnasistar merkin sem og jaðarsettir þjóðfélagshópar á meðan meðal jón/ína kannast ekkert við merkinguna á bak við. Þegar Punisher kúpan er sett á Vínlandsfána þá er alveg skýrt út frá samhenginu að hér sé um merki að ræða sem opinber lögregluþjónn ætti aldrei að bera. Þetta merki er réttilega hægt að túlka sem ógnunartilburði við ákveðna minnihlutahópa. Nú má alveg velta fyrir sér hvort að lögregukonan hafi verið ein af þessum meðal jón/ínum sem ekki þekkja þessa tengingu en hún bar samt þetta merki á sér í nokkur ár. Viðbrögðin hjá henni ætti eðlilega að vera hryllingur um að slíkt merki gæti hafa tengst störfum hennar á nokkurn máta eftir að í ljós kemur hvaða þýðingu það ber. Hversu margar manneskjur fundu gagnvart vantrausti eða ótta við að sjá þetta merki á henni? Ein viðbröð væru að vera reið eða sár gagnvart þeim sem plötuðu upp á sig að ganga með slíkt merki, jafnvel sorg og eftirsjá yfir að hafa þurft að bera það, og já skömm. Það voru þó ekki viðbrögð lögreglukonunar heldur ósætti við að merkin sem hún bar væru túlkuð á máta sem fólki finnst ógnandi. Nú er ég ekki talsmaður þess að það eigi að hundellta fólk og reyna að troða upp á það skömm, það er líklega engum greiði gerður með slíku. Ég var ánægður með viðbrögð dómsmálaráðherra og yfirlögregluþjóna með að gera það skýrt og frá upphafi að þetta væri óviðunandi uppákoma og myndi ekki eiga sér stað aftur. En svo tók Arinbjörn formaður samtaka lögreglumanna til máls og krafðist þess að Þórhildur Sunna þingmaður Pírata segði af sér fyrir það að vilja láta rannsaka hvort þekkingarleysi á rasískum táknum eða hvort rasismi hafi átt lykilhlutverk í því að lögreglufólk væru að merkja sig slíkum táknum. Ég hef aldrei verið ánægðari með að hún Þórhildur Sunna sé á þingi til að bera upp heiðri almennrar skynsemi og satt best að segja þá vekur það furðu mína að hún sé einhvernvegin ein á þeim báti. Viðbrögð Arinbjörns og einnig annara sem pökkuðu í vörn innan lögreglunar eru áhyggjuefni. Fólk sér bæði mynd af lögregluþjóni með þetta nýnasistamerki á sér og svo viðbrögð innan lögreglunar um samstöðu um að firra sig gagnrýni fyrir að bera nýnasistamerki. Hvernig á landinn að bregðast við því? Í gærmorgun var ég mjög sáttur við viðbrögð lögreglunar og taldi ekki ástæða til að ætla að mikill rasimi eða meðvirkni gagnvart rasisma viðgengist hjá lögreglunni en eftir orðræðuna eftir því sem deginum leið get ég ekki verið eins viss og það veldur mér alvarlegum áhyggjum um hag nokkura vina minna ef þeir þurfa lögregluaðstoð. Þetta eru ekki bara einhverjar úthrópanir þetta eru raunverulegar áhyggjur hjá fólki. Það vald sem lögreglan býr yfir í samfélaginu krefst þess af okkur í samfélaginu að við segjum upphátt þegar eitthvað óþægilegt kemur upp á um störf hennar. Lögreglan kemur okkur öllum við. Það er ekki boðlegt fyrir lögreglufólk núna að pakka í vörn gegn þeirri einföldu kröfu um að bera ekki ógnandi merki á sér eða merki sem tengjast nýnasistahreyfingum. Það er ekki loðið og það er ekki flókið. Þetta á að vera borðleggjandi.Ef ég spyrði manneskju núna úti á götu hvað henni þætti um það að lögreglufólk bæru á búningi sínum nýnasistamerki og svarið voðalega loðið og flókið þá er það líklega stærsti sigur sem nýnasistarnir í Norðurvígi hafa unnið til á klakanum, jafnvel ef þeir unnu ekki til þess sjálfir.
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun
Skoðun Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson skrifar
Skoðun Stærðfræðikennari sem kann ekki að reikna? (Og getur ekki lært það!) Brynjólfur Þorvarðsson skrifar
Skoðun Íslendingar greiða sama hlutfall útgjalda í mat og Norðurlöndin Margrét Gísladóttir skrifar
Skoðun Heimaþjónusta og velferðartækni: Lykillinn að sjálfbæru heilbrigðiskerfi Auður Guðmundsdóttir skrifar
Skoðun „Finnst ykkur skrýtið að ég mæti á Austurvöll – Pabba mínum var fórnað á altari niðurskurðar“ Davíð Bergmann skrifar
Skoðun Hvers vegna skipta hagsmunir verslanakeðja meira máli en öryggi barna í Ásahverfi Reykjanesbæ? Ólafur Ívar Jónsson skrifar
Skoðun Kjarnorkuákvæðið: Neyðarhemill en ekki léttvægt leikfang popúlista Kristinn Karl Brynjarsson skrifar
Skoðun Ójafnvægi í jöfnunarkerfinu Anna Sigríður Guðnadóttir,Halla Karen Kristjánsdóttir,Lovísa Jónsdóttir skrifar
Skoðun Krónan, Nettó, Hagkaup, Bónus - það er kominn tími á formlega sniðgöngu Helen Ólafsdóttir skrifar
Skoðun Löggæslumál og aðstöðuleysi í Búðardal – ákall um viðbragð og aðgerðir Björn Bjarki Þorsteinsson skrifar
Vonarsvæði fyrir framtíðina – ábyrgð stjórnvalda kallar á verndun Huld Hafliðadóttir,Heimir Harðarson Skoðun