Tuttugu og sjö á sjúkrahúsi með COVID-19: Fleiri þurft að leggjast inn undanfarna daga

Tuttugu og sjö sjúklingar liggja nú á Landspítalanum með COVID-19. Fjórir eru á gjörgæsludeild þar af tveir í öndunarvél. 

Þeim hefur fjölgað síðustu daga sem lagðir hafa verið inn á sjúkrahús með sjúkdóminn en í gær voru lágu tuttugu og fimm sjúklingar á Landspítalanum með COVID-19.

Í tilkynningu frá viðbragðsstjórn og farsóttarnefnd Landspítala segir 1.222 séu í eftirliti Covid-göngudeildarinnar en þar af eru 218 börn. 

Sextíu og níu greindust með kórónuveiruna innanlands síðasta sólarhringinn en 78% þeirra voru í sóttkví. Þeim hefur fjölgað síðustu daga sem hafa verið í sóttkví þegar þeir greinast með veiruna.