Bein útsending: Seðlabankinn rökstyður óbreytta stýrivexti

Peningastefnunefnd Seðlabanka Íslands skýrir frá ákvörðun sinni um að halda stýrivöxtum bankans um óbreyttum á fundi sem hefst klukkan tíu í Seðlabankanum. Beint streymi frá fundinum má nálgast í spilaranum neðst í fréttinni.

Ásgeir Jónsson seðlabankastjóri og formaður peningastefnunefndar, og Rannveig Sigurðardóttir, aðstoðarseðlabankastjóri og meðlimur í peningastefnunefnd, gera grein fyrir efni Peningamála, ákvörðun nefndarinnar og þeim rökum sem að baki liggja.

Fram kom í rökstuðningi peningastefnunefndar í morgun að hagvöxtur hafi reynst heldur þróttmeiri á fyrri hluta þessa árs en gert var ráð fyrir í ágústhefti Peningamála. Hins vegar hafi efnahagshorfur versnað frá því sem gert var ráð fyrir í ágúst vegna útbreiðslu kórónuveirunnar. Óvissan sé mikil og þróun efnahagsmála muni að töluverðu leyti ráðast af framvindu farsóttarinnar.

Horfa má á fundinn í beinni útsendingu hér að neðan.