28.000 manns missa vinnuna hjá Walt Disney

Bandaríska fyrirtækið Walt Disney hefur tilkynnt að 28.000 manns missi vinnuna í skemmtigörðum fyrirtækisins.

Ástæðan er áhrif kórónuveirufaraldursins á rekstur garðanna. Sumir þeirra eru lokaðir og aðrir opnir en viðskiptavinirnir fáir.

Josh D‘Amaro, stjórnandi skemmtigarða hjá Walt Disney, segir að það hafi verið erfið ákvörðun að segja upp svo miklum fjölda starfsmanna.

Ýmislegt annað hafi verið reynt áður en til þessa kom, til dæmis að minnka rekstrarkostnað og hætta við fjárfestingar. Þetta hafi hins vegar verið það eina í stöðunni vegna langvarandi áhrifa kórónuveirufaraldursins á reksturinn.

Disney tapaði tæplega fimm milljörðum dollara á öðrum ársfjórðungi þessa árs. Var það í fyrsta ársfjórðungstap fyrirtækisins í tæp tuttugu ár.