Innlent

Ekkert nýtt smit greindist á Ísafirði

Sylvía Hall skrifar
Ekki hefur tekist að rekja uppruna smitsins. 
Ekki hefur tekist að rekja uppruna smitsins.  Vísir/Vilhelm

Fjölskyldumeðlimir íbúans á Hlíf voru skimaðir fyrir kórónuveirunni í gær sem og aðrir sem eru í sóttkví vegna smitsins. Ekkert nýtt smit greindist í gær en stefnt er að því að skima fleiri í bænum næstu daga.

Þetta kemur fram í tilkynningu frá Heilbrigðisstofnun Vestfjarða í morgun. Nítján íbúar Hlífar, sem eru íbúðir fyrir eldri borgara á Ísafirði, voru skikkaðir í sóttkví í gær vegna smitsins en ekki hefur enn tekist að rekja uppruna þess.

Í samtali við fréttastofu í gær sagði Gylfi Ólafsson, forstjóri Heilbrigðisstofnunar Vestfjarða, að verkferlar yrðu uppfærðir til að tryggja þjónustu samhliða því að viðhalda fullri smitgát. Aðgangur að Hlíf verður áfram takmarkaður.

Faraldur kórónuveiru (COVID-19) Heilbrigðismál Ísafjarðarbær

Tengdar fréttir

Ekki búið að rekja upp­runa smitsins á Hlíf

Íbúi á Hlíf, íbúðum fyrir eldri borgara á Ísafirði, sem er á níræðisaldri hefur greinst með kórónuveiruna og hafa nítján íbúar Hlífar verið skikkaðir í sóttkví vegna smitsins. Forstjóri Heilbrigðisstofnunar Vestfjarða segir að enn sé ekki búið að rekja uppruna smitsins.

Smit í íbúðahúsum eldri borgara á Ísafirði

Íbúi á Hlíf, íbúðum fyrir eldri borgara á Ísafirði hefur greinst smitaður af kórónuveirunni og hafa 19 íbúar Hlífar í kjölfarið verið skikkaðir í tveggja vikna sóttkví.

Mest lesið


Fleiri fréttir

Sjá meira


×

Mest lesið