Arsenal tilbúið að borga upp samning Özil til að losna við hann

Arsenal er tilbúið að ganga langt til að losna undan 18 milljóna punda samningnum við Mesut Özil. Þeir eru tilbúnir til að borga hann út eða greiða niður hluta af launum hans ef hann fer til annars liðs.

Özil á eitt ár eftir af samningi sínum við Arsenal og vill ekki yfirgefa félagið en félagið vill losa hann undan samningi til að bæta öðrum leikmönnum á launaskránna.

Pierre-Emerick Aubameyang er að skrifa undir nýjan samning og þá er Willian líklega á leiðinni til félagsins frá Chelsea.

Özil hefur ekki verið inni í myndinni hjá Mikel Arteta þjálfara Arsenal en það er þó hægara sagt en gert að losna við Özil en hingað til hefur ekki fundist líklegur kaupandi. Ólíklegt er að hann fari til Tyrklands þar sem það eru ekki nægir peningar þar í landi til að borga leikmanninum. Arsenal verður að finna einhverja lausn á þessum málum en það er erfitt þar sem ekkert lið hefur sýnt Özil nægilegan áhuga.