Slas­að­ist við vinn­u í skurð­i

Karlmaður var fluttur með þyrlu Landhelgisgæslunnar til aðhlynningar og skoðunar í Reykjavík eftir að hann slasaðist þegar skurður sem hann var að vinna við féll saman fyrr í kvöld. Ekki er ljóst hvort áverkar mannsins séu alvarlegir en þyrlan lenti við sjúkrahúsið um klukkan átta í kvöld.

Maðurinn var að störfum í skurði við Vík í Mýrdal ásamt öðrum og lenti hann undir töluverðu magni af jarðvegi samkvæmt frétt RÚV. Samstarfsmenn voru að sögn Sveins Kristjáns Rúnarssonar, yfirlögregluþjóns á Suðurlandi, fljótir að bregðast við og náðu þeir að losa hann undan jarðveginum sem á hann féll.