Kvöldfréttir Stöðvar 2

Í kvöldfréttum Stöðvar tvö segjum við frá næstum áttatíu umsækjendum um alþjóðlega vernd sem hafa komið til landsins á tæpum mánuði, síðan landið var opnað um miðjan júní. 

Við förum yfir pólsku forsetakosningarnar, hertar reglur um heimkomu Íslendinga frá útlöndum og skoðun stjórnvalda á því hvort rétt sé að létta hömlur á hingaðkomu erlendra ferðamanna frá völdum löndum. 

Í Bandaríkjunum er faraldurinn í sókn og í fréttatímanum fylgjumst við með baráttu lækna í Texas við þennan vágest. Við sýnum myndir af því þegar nýr Dettifoss sigldi síðdegis inn í Sundahöfn, stærsta skip íslenska kaupskipaflotans, og tölum við skipstjórann sem heldur brátt með skipi sínu til Grænlands án þess að fá að koma í land.

Þetta og margt fleira í kvöldfréttum Stöðvar 2 sem hefjast klukkan 18:30.