UFC-stjarna og eiginmaðurinn án klæða á Instagram

Það getur verið erfitt fyrir suma að þurfa að halda sig heima fyrir og mega ekki fara út fyrir hússins dyr. Það taka því nokkrir upp á mjög sérstökum hlutum í sóttkvínni og í þeim hópi eru líka frægt íþróttafólk.

Í þessum uppátækjasama hópi eru hjónin Paige VanZant og Austin Vanderford sem giftu sig árið 2018. Paige VanZant er mun frægari en eiginmaðurinn enda ein af stærstu bardagakonum UFC. Austin er líka á uppleið í bardagaheimnum.

Paige VanZant hefur ekki aðeins vakið athygli fyrir frammistöðu sína í búrinu heldur hefur hún einnig tekið þátt í sjónvarpsþáttunum vinsælu Dancing with the Stars og Chopped.

Paige VanZant var í fimmtánda sæti á styrkleikalista kvenna hjá UFC frá því í janúarmánuði. Hún vann síðasta bardagann sinn á uppgjafartaki í annarri lotu sem var á móti Rachael Ostovich 19. janúar síðastliðinn.

Paige VanZant og eiginmaðurinn ákváðu að skemmta sér og öðrum með því að taka nokkrar myndir af sér án klæða. Þessar myndir voru teknar í eldhúsinu, í stofunni og í garðinum.

Þau voru sem sagt nakin við það að sinna þessum helstu heimilisstörfum auk þess að huga líka að gróðrinum í garðinum.

Paige VanZant og Austin Vanderford pössuðu sig að sýna ekki of mikið en settu síðan myndirnar inn á Instagram síðu sína.

Þau lögðu engu að síður mikið á sig í myndatökunni og margar þeirra eru ansi skemmtilegar eins og sjá má hér fyrir neðan.

Það kom reyndar upp leiðindamál í tengslum við þetta. Paige VanZant gaf upp símanúmer sitt til að leyfa aðdáendum sínum að spjalla við sig en áður en hún vissi af því hafði fengið sendar þrjár typpamyndir.

Paige VanZant ætlaði samt að reyna svara öllum sem sendu til hennar fyrir utan dónana þrjá.