Kjötkrókur og Kertasníkir stálu hangikjöti á Árbæjarsafni í dag: „Þeir eru alveg gúgú“

Kjötkrókur og Kertasníkir stálu hangikjöti á Árbæjarsafni í dag og fannst börnunum á svæðinu þeir vera alveg ruglaðir. Þeir vöktu þó mikla lukku.

Á Árbæjarsafni var hægt að fylgjast með undirbúningi jólanna eins og hann var hér áður fyrir. Hrekkjóttir jólasveinar voru á svæðinu og vöktu mikla lukku meðal unga fólksins.

Alexíus Þór Bergþórsson var gestur á safninu en hann sagði við fréttamann að jólasveinarnir væru alveg ruglaðir. „Þeir eru alveg gúgú,“ segir Alexíus. 

Börnin sem fréttastofu ræddi við voru alveg með það á hreinu að það hafi hvorki verið Kjötkrókur né Kertasníkir sem heimsótti þau í nótt, heldur hafi það verið sjálfur þvörusleikir.